1 Zouao 1:8 - Kulina New Testament Brazil

⁸ Ettipe: —Uimasiri ocappirani −inezape ia icamaiza tani. Parrissehe iaza nouerani.

Culina Mádija

⁸ Ettipi: —Imasiri ocappirani −inadsapi ia icamaidsa tani. Pajissehe iadsa nohuerani.

1 Zouao 1:8 Iomraidhean Croise

Huano 8:44

Ticcadeni abipa Deoza uauadide Tocorime-Tamine. Pouaza tiquerrenani. Poua nacassa tauiccaza dameraqquiri tiquenarraroparri. Tocorime-Taminepa irrine auauiuarrineraha nazama touattaporra narrari. Parrissa uati tauiuarrinepa ssamo taui. Pouapa maizehe rrinederra narrari. Narraria maizeheza uati uati nanarra narrariparra.

Romanodenidsa 3:10

Deo Atti dozo nanizape: —Madirra uima bicani tonanauiuarrine noueraui. Deo qqui inabaqquizapa orraria uimasiri cappiraui noueraui.

Romanodenidsa 3:23

Madirra bazimape uimasiri icarririzerre narraro. Deocca deni torreheza iquerrenaniuarrine iparrirenissa terrerarraroparri.

1 Corintodeniza 3:18

Nazama tiadenipe tiadeni ticamaizanimana terrerarri. Arra tiadeni mota bodidenipa: —Iape arrirraro zamacca nauatoue bazima nauatoqquiri inani −quequenanaraha narraro uima nebomanauissa taza pina madirra ssamobotessa quenana, naui nauatoue parrisseheccara tocauatterauiuarrine.

Carasiadeniza 6:3

Madirrapa poua bodiza: —Nauato onani −naraha ssamo tazapa poua poua tocamaizani taui.

1 Timoti 6:5

Pouadenipa cauadirere cacana narrari. Uadierrine bodideni tossamomanarrari. Deocca parrissehe pouadeniza touatorarrarossa narraro. Pouadeni bodi naco: —Deoza iquerrenezape izepe sseqquiri nanitoui −quenaraha narrarope parrissa rrerani.

2 Timoti 3:13

Naraha uaidiraqquiri narrarideni, mamaizadedeni naco denima uaidirehe inanemanerre zanaponi nanitoui. Madirra icamaiza-baqquimanaraha pouadeniza naqui maizehe ssonarinitoui. Uaidireherrine poccadeni uima touaidira-zanaponitoui.

Satiacocca 1:22

Nazama Deo Atti teribodeniza timittemanani orrari-rrerana. Deo Atti timittemaneza Poua Attissa tinanemananina bica tani. Poua Atti ponima timittemanezape tiadenira tiadeni ticamaizanimanerana.

Satiacocca 1:26

Madirra poua bodi: —Ouape Deocca orrani −naraha poua ebenoza uimasiri uatide paparra narrarazapa poua tocamaizanirrari. Pocca rrehenirri Deoza ponima torrarraro.

Satiacocca 3:2

Madirra ia bazimape uima bica terreranicca inana tani. Naraha madirra orraria poua atti ecauanissa teza, uaidira tanicca uati tarrarazapa narrarina bica tarrari. Pocca uima parrirenissa tarraro. Nama narraripa poua ebenoza poua assireza naco uimasiri inane-rreraniuarrine poua cacauade nauato tarrari.

2 Pedoro 2:13

Pouadenirrine madirra ocasserani auemanarrari manaco pouadeni naco ocasserani imeni auemanauitoui. Cappineraqquiri naza auatoniza pouadeni touini quenauicca uaidirehe ihinanarizemana narraro. Nama quenaza uatizemanaraha ssamoqquiri narrari. Arri tiqueriqquimananiza naco tiadenizama rraui torrezimaraha poccadeni uimazara uatizemanarrari. Pouadenirrine uima uaidira tani qqui tiquenezape ticomehimanarraro.

1 Zouao 1:10

Poua Attipa: —Madirrapa uimasiri carririzemanarrari −narrari. Naraha ettipe: —Ouape uimasiri ocappirani −inezape pina: —Deopa mamaizade −inarrarossa narraro. Nema inanezape ibodiza Deo Atti nouerani auato tani.

1 Zouao 1:6

Ettipe: —Deocca iquerrenani −ihinaneraha ziziniza rrauirrarizezape imaizarraro. Parrissehe imitteraha narrarossa inana-rrerani.

1 Zouao 2:4

Naraha madirra ouaha attidenipa: —Deoza nauatoqquiri inani −quenaraha Deocca zossenirri ecauemana-rrerezape maizemanarrari. Parrissehepe pouadeniza anirrerani.

1 Zouao 4:20

Naraha madirra attipa: —Ouape Deoza ouati uana tani −naraha poua imecoteza nacassera tarraripa mamaizade. Narraripa poua imecote poua noccoza qqui taraha Deopa qqui tarrararrari. Poua imecoteza uati uanera tazapa Deo qqui tarrararraria uati uana tauiuarrinepa ssamo tarrariparra.

2 Zouao 1:2

Deocca parrissehe ibodiza anirrarorrinea tiadeniza eti uanaqquiri narraroparri. Pocca parrissehe ibodiza anizanaponitoui.

3 Zouao 1:3

Zesoza toquerrenarrarideni arrauarri bacco narronemanaza ticca uima uati narronemanazapa ouatizerraro. —Imecote Caiopa Deocca parrisseheza damera taui −quenaui uima omittarrarorrine ouatizerraro.