1 Zouao 1:7 - Kulina New Testament Brazil

⁷ Naraha ssiuarraniza rrauirrarizezape pina Deo ssiuarra taha madirrarissa inaniuarrine. Nezape imecotedeni tezerre irrariqquirraroparri. Deo Bedi Zeso Cristo emene naqui icca uimasiri bazima inanamossi-zanaporraroparri.

Culina Mádija

⁷ Naraha ssiajanidsa jaijaridsadsapi pina Dio ssiaja taha madijarissa inanijine. Nadsapi imecotedeni tedseje ijariqquijaropaji. Dio Bedi Jesocristo emene naqui icca imasiri huapima inanamossi-dsanapojaropaji.

1 Zouao 1:7 Iomraidhean Croise

Epesodeniza 5:8

Rrehe uaidireheza timadimanapozape Deo rrirehe timadimanarrarode. Pina ziziniza timadimanarrarossa naraha Zeso Cristoza tiquerrenezape Deo tiadeniza torrizerarrari. Rridapanape ssiuarraniza timadimanezape pina Deo ssiuerreneza madimanarraridenissa tiquenana.

Apocalipsis 1:5

Zeso Cristo naco tiadeniza narrarossa inanarizana, onarraro. Pouapa Deo Atti nauato taza parrissehera uati uati tarrari. Pouana taide nauatoniporrari. Pouapa zama bazimacca tamine deni torrarrari. Bazimaza zosse zosse narrari. Zeso Cristo iaza uati uana tarrari. Uimasiriza imadiraha poua emene toccarrarorrine icca uimasiri inarricarizarraro.

Romanodenidsa 13:12

Zizini rricarronani. Ssiuarrarronani. Zizinicca uimape inebona. Pina eterobote ssiti coro inarrarossa inana. Nezape ssiuarranira ezana. Pina etero zati oro izimarrarossa inana.

Epesodeniza 1:7

Uimasiri iaza dacoreraha Deo itoui uati cauanari canaza ia tappa tabaqquiuiuarrine pocca erredeni eccorarrari. Poua emene toccarrarope icca uimasiri manaconi torrarraro. Nazapa Deo iaza: —Ticcadeni uimasiriza peperri onani −narrari.

Ebreodenidsa 9:14

Nazama narraro marinarrassa inanemaneza bani bedi emenerrine assiredeni touissomanazapa dacorehe carrini auato tarraro. Naraha Zeso Cristo emenena dacorehe denima carrirraro. Deo Poua Corime Camitta taha nama zanaporrari Zeso inadacoraza icca danirri bicabote torrauiuarrine poua ccaccorarrari Imehi Deoza. Zesopa uima cappirarrari, bodi uisso tarrari. Icca uimasiripe narrizoue rriquerreraniuarri ia touaccanitouiraha Zeso emene toccarrarorrine icca uimasiri sse inarraro. Ibodi inauissorraro. Nema nezape icca Deo camitta tarrari Attiza iboraqquiri izanaponiuarrine iparrirerraro.

Apocalipsis 7:14

Naraha manaco pouaza uati onade: —Tiana nauato tinani −onade. Nazapa ouaza uati tapomade: —Arrarraridenipa namiza ocasserani imeni tonauane-manaraha Zeso Cristo tauimari nebomana-rrararrari. Eueue Bedi Zeso poua emene toccarrarorrine poccadeni uaidirehe tomossirraro. Narraria arra etero moponi carrimanarrariparra.

1 Zouao 1:5

Arra Zeso Cristo ia mari tocanabaqquirraricca uimaha arri tiadeniza uati inarraroparri: Deopa ssiuarra taui. Pouazape zizini nouerani.

1 Corintodeniza 6:11

Tiadeni motape narraridenissa tiquenaporaha Deo tiadeni tonauissobaqquirrari. Pouarrine Pouazara tiquerrenarraroparri. Ia Zozossede Zeso Cristo pouarrine, icca Abi Deo Poua Corimerrine naco ticcadeni uima Deoza tobicarraroparri.

1 Pedoro 1:19

Arri timanaconedenipe Zeso Cristo emene bicabotena da inarraro. Pina eueue bedi bicabote uimasiri manaconi torrauiuarrine Deoza da da iquenanarrarissa narrari.

Huano 12:35

Naraha Zeso attia: —Ouape ssiuarrani orrani. Ossiuerrene tiadeniza auato taccani. Naraha tiadeniza biqui tehe omadiccani. Tiadeniza omadiqquezama ouaza rrehe tiquenarri, ouaza tiquerrenaniuarrine. Narraro uimape ssiuarra taqquezama rraui tirrarizarri. Nani zizinirrine uarro ticanire-rreraniuarrine. Arra madirra ziziniza ccarizazapa poua rrauine ssamo taui −nade. Narraro uima Zeso uati uati taha rricazapa parramarauiuarri toccarrari, madirra poua qqui toquena-rrarauiuarrine.

1 Zouao 5:6

Zeso Cristo arrirraro namiza ccaronaza poua tauimari parrissa torrarizarraro nauatoqquiri inaniuarrinepe uima 3 nehe auato tarraro. Uima orrariepe passocca. Narraria Zesopa passo dopaniza niniqui carrirrari. Naraha passocca uima orrari-rrerani. Uima onihipe poua emenecca. Narraria arra Zeso zoqqueza poua emene toccarrari. Uima onihi naqui Deo Corime Zeso tauimari iaza auato inanarrarocca. Pouapa parrissehera uati uati tarrari.

1 Zouao 1:3

Nazama arri qqui inarraro, imittarraro tiadeniza uati inarrarope iaza tirrariqquimananiuarrine. Pina ia Abi Deoza irrariqquirrarossa, Poua Bedi Zeso Cristoza naqui irrariqquirrarossa tiquenaniuarrine.

Apocalipsis 12:11

Imecotedenipa deni toquerrenarrari. Tocorime-Taminepa arramani torraui. Eueue Bedi Zeso zoqqueza emene toccarrarirrine, poua tauimari ecomerarize-manarrarorrine naco deni toquerrenarrariparra. Pouadenipa zoqquehe noppineni cappinemana-rrararrari. “Izoqqueza naqui bica tani. Deo inebo-rrarauitoui” quequenanarrari.

1 Timoti 6:16

Deo Poua orrarirrari naco rrica-rrararrari. Poua madiuiuarripe poua ssiuerrene zibehi tarrarorrine iarriressiniuarrinepe iparrire-rrerani. Madirra iape inoccoza Poua qqui inarraraui. Qqui inauiuarrine iparrire-rrerani. Narrariza ettipe: —Deopa bica taui, peperri! −ihizanapo nana. Deopa ia Cacauade deni torraui nama zanapoui, onarraro. Parrissa nema nana.

1 Zouao 5:8

Deo Corimeza nauatoqquiri inarraro. Zeso passo dopaniza niniqui carrirraricca naqui nauatoqquiri inarraro. Zeso zoqqueza poua emene toccauicca naqui nauatoqquiri inarraro. Arri uima 3 narrarope narrarossa narizarraro. Zesopa Cristo-Mesia Deo Bedi.

Satiacocca 1:17

Bazima bica tanicca, parrirenissa tarraro iaza torrarrarope Deo memeuarri madirrari da inarizarraro. Deopa ssiuarrani rrinede. Pouazape zizini nouerarraro. Pouapa paparra nama zanaporrari. Cacarriqquimera-rraraui.

Huano 1:29

Nani Betaniaza imadiccazape narraro uada ssiuarraza Zouao Zeso ccarronaui qqui taza iaza uati tarraride: —Qqui tiquenarro! Arrarraripa Deocca danirri madirra bazimaza! Pouapa Deocca Eueue Bedi bicabote Deoza da da inarrarissa narrari. Niza zoqquezapa pouana madirra bazimacca uimasiri inanamossinitoui −nade.

3 Zouao 1:4

Rrehe Caio, tiape pina occa erredenissa tarraro. Zesoza toquerrenarrari pina occa erredenissa quenarraridenipa parrisseheza madimanauissa tarrari uima omittezape ouatizeri narraro. Uatizehe onihi aniraha arrirraro uatizehena ouaza denima bica tarraro.

2 Zouao 1:4

Ticcadeni madirra mota Deocca parrisseheza madimanauissa taui qqui onezape ouatizerraro. Poccadeni uima nema nezape pina Abi Deo ia tocazossebaqquirrarissa quenarrari.

Mateo 6:12

Madirra iaza uaidirehe inanemaneza poccadeni uaidireheza: ‘Peperriua, uadi onerrerani’ inezape manaco icca uaidirehe peperri tinanarri, Abi Deo. Icca uaidirehe manaconi narrizoue iaza tinana-rrerarri, inarraro.

Titodsa 2:14

Zesopa itoui uati uana taza poua ccaccorarrari. Uaidirehe bazima inanarizehe imadiporaha ia todinibaqquiuiuarrine zoqquerrari. Pocca iquerrenani orrari naniuarrine ia tonauissobaqquirrariparra. Pocca iquerrenarrarope uima bicani tonanade dameraqquiri inaniuarrine.

Huano 5:4

[Arri passo ccomororo cacana narrarope Deocca zozosse memeuarriccarrine uarrirri taza ccomororo cacana narraro, quequenanarrari. Passo ccomororo caneza madirra taide toqquezippapoza pozipparrarina totonomimana narrari, quequenanarrari nade.]