1 Zouao 1:5 - Kulina New Testament Brazil

⁵ Arra Zeso Cristo ia mari tocanabaqquirraricca uimaha arri tiadeniza uati inarraroparri: Deopa ssiuarra taui. Pouazape zizini nouerani.

Culina Mádija

⁵ Aja Jesocristo ia mari tocanabaqquijaricca imaha aji tiadenidsa huati inajaropaji: Diopa ssiaja tahi. Pohuadsapi dsidsini nohuerani.

1 Zouao 1:5 Iomraidhean Croise

Huano 1:19

Nazapa oza panani Zerozarecca zodeodenicca taminedeni attipa: —Zouaopa arra toui imadirraro ia Idinide Cristo-Mesiaco? −quenaza Deoza dada toqquimade, pouadeni birri accode rebitadeni tezerre ua inabaqquimanarrari. Nazapa pouadeniza: —Zouao madiuiuarri rraui tirrarri, pouaza uati tiqueneza: “Tiape nerrecorrari tirrani?” tiquenana −quenaza zosse inabaqquimanarrari.

Huano 1:4

Nazama Zeso pouapa camittehe rrinede. Narraricca camittehena madirraza ssiuarrani torrarizarraro.

Huano 1:9

Ssiuarrani parrissehepe arri namiuarri bacco naronarraro. Narraro ssiuarranina madirra bazimaza torrarizarraro.

Huano 8:12

Zeso madirra bazima mari icanabaqquipomarrari: —Ouape zama bazimaza ossiuerrene auatorizarraro. Madirra ouaza toquerrenarraripa ossiuerrene carrimanaui. Ossiuerrene carrimanazapa camittehe rriquerreranicca naco carrimanaui. Nazama camittehe rriquerreranicca carrimanazapa uimasiricca ziziniza toquerrena-rrarauitoui −nade Zeso.

Huano 9:5

Narraroa arri namiuarri omadiqquezape arrirraro namiza madimanarraridenicca ssiuarrani orraccani –nade Zeso.

1 Corintodeniza 11:23

Ouimecotedeni, ia Zozossede Deo pocca rripaqquiecca uima timittemananissa taniuarrine tiadeniza uati omanipomarraro. Arri tiadeni mari ocanabaqquirrarope ia Zozossede Zeso pocca mamari tabaqqui mari icanabaqquiporrari ouattarrarode. Arra ia Zozossede Zeso Zoda poua eccorauicca zomeza rripade toquerrenaza pao idi nazapa Deoza uati tarrari: —Rrehe Abi Deo, ticca danirri iaza bica taui −napozana pao icanarobeza pocca mamari tabaqquiza uati tarrari: —Arrirrarope ouime. Titouideni oua ouaccoreza ozoqqueniuarrine. Niza oua noue orrireza naqui ouaza tetideni rrimemana nerreraniuarrine nema titizanapomana nana, onarraro −narrari Zeso.

1 Timoti 6:16

Deo Poua orrarirrari naco rrica-rrararrari. Poua madiuiuarripe poua ssiuerrene zibehi tarrarorrine iarriressiniuarrinepe iparrire-rrerani. Madirra iape inoccoza Poua qqui inarraraui. Qqui inauiuarrine iparrire-rrerani. Narrariza ettipe: —Deopa bica taui, peperri! −ihizanapo nana. Deopa ia Cacauade deni torraui nama zanapoui, onarraro. Parrissa nema nana.

Satiacocca 1:17

Bazima bica tanicca, parrirenissa tarraro iaza torrarrarope Deo memeuarri madirrari da inarizarraro. Deopa ssiuarrani rrinede. Pouazape zizini nouerarraro. Pouapa paparra nama zanaporrari. Cacarriqquimera-rraraui.

1 Zouao 3:11

Arrirraro marinarrape taide mari mari quenapoza timittemanarronarraroa rridapana timittemanani parri naccani. Narrarope eti cauanerara cananiuarrinecca marinarra.

Apocalipsis 21:23

Deocca oza pananizapa marri noue, abazico ssiuerrene noueraui. Ssiuarra tarizarrarope Deo pocca deni torrehe, Poua ssiuerrenena parri. Eueue Bedi naco pina rrorrororossa narrari, poua ssiuerrene ssiuarra tarizarrari.

Apocalipsis 22:5

Nanizape zome noueranitoui. Nauiuarri madirra madimanarraridenipa rrorrororo toui, marri ssiuerrene toui quena-rrarauitoui. Ia Zozossede Deona bazimaza ssiuarra inanarizanitoui. Nazapa Deo pocca zozossedeni bazima zossede toquerrena-zanapouitoui.