1 Zouao 1:1 - Kulina New Testament Brazil

¹ Nirra imecotedeni? Tiadeniza Deo Atti camittehecca uima dozo inarraro. Narraripa zama torra-rreraccazama madiporrari. Rridapana naco madiui parra naui. Iape poua atti imittade. Assire naco qqui inade. Pouaza rrauirrarizeza inoccoza qqui izanapode. Izepeza naco uapi bara inade. Narraripa Deo Atti camittehecca.

Culina Mádija

¹ ¿Nija imecotedeni? Tiadenidsa Dio Atti camittehecca ima dsodo inajaro. Najaripa dsama toja-jeraccadsama madipojari. Jidapana naco madihi paja nahi. Iapi pohua atti imittade. Assire naco qqui inade. Pohuadsa jaijaridsadsa inoccodsa qqui idsanapode. Idsepedsa naco huapi bara inade. Najaripa Dio Atti camittehecca.

1 Zouao 1:1 Iomraidhean Croise

Roca 1:2

Arra poua uatimade pouaza rrarrauiriza narrarideni pocca nauatonarra onihi, onihi nehe qqui narronemanarrari naqui dozo iquenarraro. Arra Zeso pouadeni mari mari ihicanabaqqui narrari naco dozo iquenarrari. Pouadenipa Zesocca marinarra ehecomerarizemana narraro naqui icauatterarraro.

Roca 24:39

—Rrari, ouamori qqui, ozepe qqui tiquenarri. Ouape oua. Ouime bara tiquenarri, nezana nauatoto tinaniuarrine. Arri icorimepe ime cappira, tone cappira naui neraha ouape ouime ocarri, otone ocarri nani qqui tiquenani −narrari Zeso.

Huano 19:35

Arrirraro tiadeniza uati onarrarope oua onoccoza qqui onarraro. Tiadeniza parrissehera uati onarraro Zesoza rrehe tiquenaniuarrine. Ouape nauato onarraro ouattipe parrissa.

Huano 20:27

Nazapa Tomeza uati tade: —Tome, ozepecca opparicca qqui tarri. Tizepeza perecorrine, uauarrinarrine odiniza bara tarri −nade. —“Parrissa onerrerani” terrerarri. Pina rrehe tarri −nade Zeso.

Huano 5:26

—Abi Deopa camittehe rrinede. Ouape Poua Bedi ouaza naqui camittehe da inarraro.

Huano 8:58

Naraha Zeso pouadeniza uati tapomade: —Parrissehera tiadeniza uati onarraro: Ouape Abarahao tossona-rraraccaza taide omadiporrarode −nade Zeso.

Tahimarideni 4:20

Naraha iape Deo Attizara damamera inanitoui. Deo Atti ecomaniuarrinepe nacasserara inani. Arri ia qqui inarraro, ia imittarraro maride inebo-rreranitoui −quenarrari Pedorodeni.

Ebreodenidsa 2:3

Rridapanape Deocca zossenirri zati icassiuaueraniuarrinecca iaza anini. Narrarope denima bica tarraro. Naraha narraro ettarrozape Deocca narrizoue zori inapazerre? Zori inerreranitoui! Ia Zozossede Zeso pouana taide narraro zossenirri bicani madirra mari mari ihicanabaqqui narrari. Zotodepa narraro zossenirri mittemanarrarideni ia mari tocanabaqqui-manaza parrissa torrani iaza auato inanemanarrarode.

1 Zouao 4:14

Arra Zeso inoccoza qqui inarrari tauimari irrine auato taniuarrine inaza poua tauimari uati uati inarraroparri: Abi Deopa pocca Erredeni zosse inaronarrari, zama bazimacca madirra Tonassiuauade torrauiuarrine.

1 Zouao 5:7

Nezape Zeso tauimari 3 narraro ecomeremanarraro.

Apocalipsis 1:11

Atti arrama narrari: —Arrirraro bazima tiaza noue onarrarope papeoza dozo tarri. Arri zama Asiauarricca Zeso Cristoza quequeriqquimana naui 7 narizarraroza uima zosse tinarizaniuarrine. Oza panani Epesouarri, Esmirnauarri, Peocamouarri, Tiatirauarri, Saradisiouarri, Piradeopiauarri, Laodiseauarri zosse tinarizarri −nade atti moui taza.

Apocalipsis 1:8

Ia Zozossede Deo Attipa: —Ouape Deo Dacorabote. Taidezama omadiporraroua arri rricaqquini bacco onanitoui −nade ia Zozossede attipa. Pouapa madiui. Nazama madiporrari. Niza ccarronauitoui.

Apocalipsis 19:13

Pocca eterope touemeneza ibezippani macco tarraro uezarrari. Poua onipa Deo Atti.

Apocalipsis 2:8

Zeso Cristo ouaza uati zanaporrari: —Esmirnauarri otauimariza quequeriqquimana narrari cacauadeza dozo tarri −nade. —Ouape taidezama omadiporraroua arri rricaqquini bacco onanitoui. Ozoqqueraha onauatonizape omadirraro.