1 Timoti 6:4 - Kulina New Testament Brazil

⁴ Narrari maizehe mamaride poua bodipa: —Occa marinarra deni torrani. Ouape nauato onani –naraha poua bodipa ssamo taui. Madirra namarride rarraripa madirra ouaha tezerre uima ponimacca arrauarri uati arrauarri uati quenauiuarrine touini narrari. Naraha narraro uimape bica terrerani. Pocca uima nema nezape poua tezerre uimahaha canarrarideni pouarrine pouadeni tessecca nauatoue acconi cauadirerrari, nanacassera canarrari, catamassorere canarrari, pouadeni bodideniza maizani uaua quenarrari.

Culina Mádija

⁴ Najari maidsehe mamaride pohua bodipa: —Occa marinaja deni tojani. Ohuapi nahato onani −naraha pohua bodipa ssamo tahi. Madija namajide rajaripa madija ohuaha tedseje ima ponimacca ahuaji huati ahuaji huati quinahijine tohuini najari. Naraha najaro imapi bica tejerani. Pocca ima nema nadsapi pohua tedseje imahaha canajarideni pohuajine pohuadeni tessecca nahatohue acconi cahadirejari, nanacassera canajari, catamassorere canajari, pohuadeni bodidenidsa maidsani huahua quinajari.

1 Timoti 6:4 Iomraidhean Croise

Tahimarideni 15:2

Naraha Paoro Banabe attidenipa: —Nema nerrerani, oppinera tani −quenarrari. Nazapa Moizecca marinarra nauatoqquiri narrarideni tezerre arrauarri uati arrauarri uati quenarrari. Naraha poccadeni uima tobique-rrerezape Atioquiacca madirra attidenia: —Rrari, narraro uima uatide imecotedeni Zerozareuarri zosse inabaqquina, arra Zesocca zozosse tabaqquiza uati toquenauiuarrine. Nauicca Zesoza rrehe quenarrarideni cacauadedeni tezerre arrirraro uima icattememananiuarrine −quenarrari. Nazapa icatterriza-baqquimanarrari Paoro, Banabe, naui Atioquiacca Zesoza rrehe quenarrarideni pamaha quenaza oza panani Zerozareuarri zosse inabaqquimanarrari.

Tahimarideni 18:15

Tiadenina arrarraricca marinarraza nacasseraqquiri tiquenarraro. “Icca marinarrassa nerrerani” tiquenezape tiadenira ticattememanarri. Occa cacauehepe onihi. Ticcadeni uima cattemade touini onerrerani −narrari tamine Cario zodeodeniza.

Tahimarideni 8:9

Naraha nauiza naco zoppinerre madirrari, onipa Simao. Poua attipa: —Ouape zoppinerre nauatorride orrirani, orrari onani −nanarra narrari. Samariacca madirra ihicamaizabaqqui nazapa —A, nauato taui −quequenanarrari.

Romanodenidsa 12:16

Ticarronerara caneza timadimanarri. —Ouana deni orrani −tiquenerrerarri. Pina timecote arramani toquerrenarraridenissa tiquenarri. —Ouana denima nauato onarraro −tiquenerrerarri.

Romanodenidsa 13:13

Rridapanape mouaraza imadina, pina madirra ssiuarraniza madimanarrarissa inana. Comani eriza-rrerana. Moua moua inariza-rrerana. Uananehe inana-rrerana. Imecca touini inarraroza imadi-rrerana. Uadieza naqui arriuarri atti arriuarri atti inerrerana. Madirra carrirrari acconi naqui edirrerana.

Romanodenidsa 14:1

Madirra Zeso Cristoza rrehe naraha pocca rrehenirri rrapari tarraro tiadeniza bacco nazapa: —Iaza tiqquezimani bica tani −tiquenarri. Naraha poua tezerre arriuarri uati arriuarri uati tiquenerrerarri.

Romanodenidsa 2:8

Naraha madirrapa poccadeni uima touinira dameraqquiri narraridenizana Deocca uadie ssonarinitoui. Narraridenipa Deocca uima parrisseheccaza iboqquiri narrari. Uaidirehena pouadeniza bica tarraro.

1 Corintodeniza 11:16

Naraha madirra orraria, pamaha uitide narraro uimaza rrehe narrarazapa paparraua. Pouara nauato tana. Deoza quequeriqquimana nauiuarricca bazima ia naqui narraro uimaza rrehe inarraro.

1 Corintodeniza 11:18

Taidecca ticcadeni uimape arrima narraro: Ouaza uati uati quenaui omittarrarope arri tiqueriqquimanezape tiadenira tiadenira tatarizemana narraro. Narraro uima motape parrissa nitide, onarraro.

1 Corintodeniza 3:18

Nazama tiadenipe tiadeni ticamaizanimana terrerarri. Arra tiadeni mota bodidenipa: —Iape arrirraro zamacca nauatoue bazima nauatoqquiri inani −quequenanaraha narraro uima nebomanauissa taza pina madirra ssamobotessa quenana, naui nauatoue parrisseheccara tocauatterauiuarrine.

1 Corintodeniza 3:3

Arri touini tiquenaniccatoui dameraqquiri tiquenaccarraro. Titessedeni carrimanarraricca acconi naqui tetedimana nani parri naccani. Titessedeni tezerre naqui arriuarri atti arriuarri atti titiquena nani parri naccani. Nema tiquenarrarorrinepe touini tiquenaniccatoui dameraqquiri tiquenaccani, onarraro. Tirrinedeni pina arrirraro zamacca madirrarrinessa tinanemanarraroparri.

2 Corintodeniza 11:20

Poccadeni marinarra mittade nacassaqquiri tiqueneraha poccadeni uaidirehe tinauanemanarraro. Pouadeni attissa tinanemananiuarrine attideni dacoraza tiadeni zosse zosse quequenanaraha manaconi rrirehe tizepedeni irrimanarraro. Tizepedenitarri, ticcadeni ziniro inarriquemanarraro. Tiadeni tocamaiza-baqquimanarrari. Pouadeni deni tonanemanazapa tiadeni arramani tonanabaqqui-manarrari. Tipanodeni uauacca totonanabaqquimana narrari. Naraha poccadeni uaidirehe tiadeniza bica tanitide.

Carasiadeniza 5:15

Arri timecotedeni tezerre tatamasso ticanarizereza pina cca cca ticanarizerarrarossa nezape parri, tirrinedeni Zeso Cristoza titiqueriqqui narrarope tossamorana, onarraro.

Carasiadeniza 5:26

Nezape etti: —Iana nauatoqquiri inani, deni iquerrenani −inerrerana. Itesseza edirrerana. Ettipe: —Tiape ouassa taqui? −inerrerana. Itesse nauato taza poua zepetarri toui naco irrami-rrerana, onarraro.

Carasiadeniza 6:3

Madirrapa poua bodiza: —Nauato onani −naraha ssamo tazapa poua poua tocamaizani taui.

Piripodeniza 1:15

Naraha Zeso Cristo tauimari maridedeni ouahadenipa arri oua Deo Atti mari ocanarizabaqquirrari acconia ouaza nacasseraqquiri narrariparra. Pouadeni attipa: —Rridapanape iana deni iquerrenanitoui −quequenanarrari. —Rridapanapa Paoro coro tozimaui. Nazana ettiza madirra uatizemana-pomauitoui −quequenanarrari. Naraha Zeso Cristo tauimari maridedeni motapa bodideni bicaqquiri naza Deo Atti maride toquerrenarizarrari. Narraria Zeso Cristo tauimari maridepa denima todadameraui narrariparra.

Piripodeniza 2:14

Nazama Deo nacassa tauicca tinanemanaza, timadimananicca uapima tinanemanezape rramimana terreraza tizepedeni irrimanarri. Timecotedeni tezerre arrauarri atti arrauarri atti tiquenerrerarri.

Piripodeniza 2:3

Naraha tibodideni: —Ouana uima bicani onaneza deni orrana −tiquenerrerarri. Uima bicani tinanemananiuarrinepe: —Deocca deni torrehera auato zanaponiuarrinena bica tani −tiquenarri. Tettideni naqui: —Oua motta Deo Attissa onananiuarrine oparrireni −tiquenerrerarri. Tettidenipe: —Deo oua acco canazana oparrireni −tiquenanina bica tani. —Ouana denima nauato onarraro −tiquenerrerarri. Timecotedeni naco touattehe carririzemanaui. —Pouadeni naco deni torrehecca carrimanauiuarrine bica tani −tiquenarri.

Corosadeniza 2:18

Madirra ouahadeni naco tiadeniza attidenipa: —Ssamoqquiri tiquenani. Zesorrine ticassiuauera-rreranitoui. Icca uimana bica tani −quequenanaraha: —Poni, imitte-rrerana −tiquenarri. Parri, Deocca danirri bicani ticarrimana-rrererana. Madirra nama quenarraridenipa mamaizadedeni. Pouadenipa pouadeni arramani tonanemanaraha zotodepa: —Nauatoqquiri inani −quenarrari. Poccadeni uima onihi naqui Deocca zozosse tabaqquideniza memeuarricca uauatizemana narrari. Poccadeni uima onihi naqui carri tani. —Ibodi uatoza inoccoza qqui ina taui, pina icca uadaza qqui inarrarissa naha qqui ina taui. Narraroza touattehe onihi onihi iatta tani −quequenanarrari. Naraha arra pouadenipa madirracca marinarrazara bodideni uatomanarrarirrine attideni: —Iape deni iquerrenani −quequenanaraha pouadeni attipe parrissa rrerani.

2 Tesaronicadeniza 2:4

Arra madirra uimasiri ssebotepa Deoza uadi, arra Deo rrararaha —Ia cacauade −quequenanarrariza uadi, arra madirra poccadeni nauatonirriza uauatizemana narrarideniza naco uadi tauitoui. Nazama arra uimasiri ssebote mamaizade attipa: —Ouana deni orrani, orrari onani −nanarra nauitoui. Nazapa Deoza dada toqquimauarri toqquezimaza uittarizapa: —Ouana Deo orrani −nauitoui.

1 Timoti 1:4

Madirra uima rradani touini pouadeni bodiza uauatomacca zanapomana-rrarauiuarrine, pouadeni potaporrari tauimarideni touini naco bodideni uauatomacca zanapomana-rrarauiuarrine uati ticanabaqquina, onarraro. Narraro uimatoui dameraqquiri naza pouama arrauarri uati arrauarri uati quenazapa cauadirere cacana narrari. Uima nema naniccape Deocca parrisseheza bacco toquenauiuarrine ia acco canima-rrerani. Madirrapa Deocca parrissehe arri Deo ia tonassiuauabaqquiuiuarrineccaza bacco toquenauiuarrinepa Zeso Cristoza parrissa quenazana bacco toquenauitoui.

1 Timoti 1:7

Pouadenipa: —Deocca zossenirri maride iquerrenana −quenazapa cappineraqquiri naza mari mari quenaraha poccadeni marinarra tomittanimana-rrararrari.

1 Timoti 3:6

Zesoza rrehe quenarrarideni cacauade torrauiuarrinepa madirra Zesoza rrehe zatipa poua. Nama nazapa poua atti: —Ouana deni orrani −narana. Nama nazapa manaco Deopa inarrizorana. Pina maittaccazama Deoza Tocorime-Tamine attipa: —Ouana deni orrarraro, tiape arrimani tirrani −naporrarissa narrarauiuarrine.

2 Timoti 2:14

Rrehe Timoti, ticca mamari tabaqquipa occa marinarra uatideni rramemana-rrarauiuarrine pouadeniza uati uati tinarri. Pouadeni attideniza cauadirere cana-rrarauiuarrine pouadeniza: —Deopa etti mittaui, ticauadirere cana-rrerarri −tarri. Narraro uadierrinepe uima tobica-rreranitoui. Narraro uadie mittemanazapa poccadeni rrehenirri tossamorana, onarraro.

2 Timoti 2:23

Uima ponimacca pina madirra poua bodicca uati tarrari timitteraha parrissa terrerarri. Poni! tana. Nauato tinani uima nema naniccape uadie torra tani.

2 Timoti 3:4

Pouadeni tessedeni uima oppina taniccaza eheccora-baqquimana nauitoui. Bodideni uatomemana-rraraza madimanauitoui. Pina uimasiri inanemanezape bodideni: —Orrine bica terrerani −quenauiuarrine ssamoqquiri nauitoui. Attidenipa: —Ouana bica onani, nauatorride orrirani −quenazapa pouadeni bodiza madirra ouaha arramani inanabaqquimanarrarissa quenauitoui. Pouadenipa Deotoui quena-rrarazapa arri namicca uima pouadeni touini quenauiccazara uauatizemana nauitoui.

Titodsa 3:9

Naraha uima ponimacca nebomanana. Ididenicca uima rradani naqui uati nimanimana-rrarana Narraro naqui uima ponimacca. Moizecca marinarraza rrehe canire-rraraza uadi uadi cacana narrari naco nebomanana. Narraro uima ponimaccape bica terrerani. Narrarozapa madirra tobiquemana-rrarauitoui.

Satiacocca 1:19

Ouimecotedeni, tiadeniza ouati uana tani. Occa marinarra tetideni rrimemana-rrerarri. Tiadeni bazima uima timittemananissa taniuarrine teribodeni ssiuarraqquiri nezape bica tani. Mouaraza tibodideni uatonissa tapozana uati uati tiquenani bica tani. Amazati tedimana-rrerani naqui bica tani, onarraro.

2 Pedoro 2:12

Maizehe mamaridedenipa bodideni uatouiuarrine ssamoqquiri narrari. Pina banidenissa quenarrari. Pouadeni touini quenauicca touira dameraqquiri nazapa pouama madimanarrari. Uima parrissehecca mittemanauissa tarrarazapa narraro uimaza attideni uaidira taza atti atti quenarrari. Narraridenipa rricauitoui. Pina bani tocatorraza madimanaraha madirrarrine zozoqquemana narrarissa quenauitoui.

2 Pedoro 2:18

Attideni deni torraniccaza uati uati toquenaraha pouama uati uati toquenarrari. —Ia touini inanicca inananipe oppinera tani −quequenanarrari. Pouadenirrine madirra uimasiri carrimanarrarideniza touarrimane-zatipa uaidireheza toquerrenanirrari.

Jodacca 1:10

Naraha mamaizadedenipa uima mittemanauissa tarrarazapa narraro uimaza attideni uaidira taza atti atti quenarrari. Pina banidenissa quenarrari. Bodideni uatouiuarrine ssamoqquiri naza pouadeni touini quenauicca touira dameraqquiri narrari. Narrarorrinena poua pouadeni tonauaidire-manarrari.

Jodacca 1:16

Mamaizadedenipa bazima pouadeniza ocassera tazapa atti atti nanarizemana narrari. Madirraza naco ssamoni ua quenarra narizapoui narrari. Attideni dacoraza pouadeni deni totonanemana narrari. Pouadeni touini quenauicca touira mamadimana narrari. Toui quenauicca carrimanauiuarrinepa madirraza attideni bica taza uati uati toquenaza pouadeniza totorra narraro.

Apocalipsis 3:17

Naraha tettidenipe: “Iape uima bicani sseqquiri inani. Irrine icca uima toccanissa tani. Icappira-rrerani” titiquena neraha tibodideni uatonissa terrerani. Uima parrissehepe ssamoqquiri tiquenani. Ticcadeni uimape bica terrerani. Touati nauanaqquiri tiquenani. Ticappiremananissa tarraro. Pina madirra nocco sirissa tiquenarraro. Pina etero rriraha ccororredeni madimanarrarissa tiquenarraro.