1 Timoti 6:16 - Kulina New Testament Brazil

¹⁶ Deo Poua orrarirrari naco rrica-rrararrari. Poua madiuiuarripe poua ssiuerrene zibehi tarrarorrine iarriressiniuarrinepe iparrire-rrerani. Madirra iape inoccoza Poua qqui inarraraui. Qqui inauiuarrine iparrire-rrerani. Narrariza ettipe: —Deopa bica taui, peperri! −ihizanapo nana. Deopa ia Cacauade deni torraui nama zanapoui, onarraro. Parrissa nema nana.

Culina Mádija

¹⁶ Dio Pohua ojarijari naco jica-jarajari. Pohua madihihuajipi pohua ssiejene dsibehi tajarojine iajiressinijinepi ipajira-jerani. Madija iapi inoccodsa Pohua qqui inajarahi. Qqui inahijine ipajira-jerani. Najaridsa ettipi: —¡Diopa bica tahi, epeje! −ihidsanapo nana. Diopa ia Cacahuade deni tojahi nama dsanapohui, onajaro. Pajissa nema nana.

1 Timoti 6:16 Iomraidhean Croise

Huano 1:18

Nazama madirra iape Deo qqui inarra canima-rraraui. Poua Bedi ohorrariderrinena Abi Deoza nauatoqquiri inarraro. Pouapa Deo bacco ccarra narrari.

Huano 14:9

Naraha Zeso Piripiza uati tade: —Piripi, oua tiadeniza maitta omadirronerade naraha ouaza tinocco torrizera-rreraccaqui? Arra madirra ouaza nocco torrizerarraripa occa Abiza naco nocco torrizerarrari, onarraroparriua. Naraha nerrecotouira ouaza: “Icca Abi ia qqui tinanabaqquirri” tarraro?

Huano 6:46

—Nazama madirra bazimapa Abi qqui toquena-rrararaha orrariana Abi qqui tarrari. Narrarope oua parri. Ouape Deo pocca occarronarraro.

Huano 8:58

Naraha Zeso pouadeniza uati tapomade: —Parrissehera tiadeniza uati onarraro: Ouape Abarahao tossona-rraraccaza taide omadiporrarode −nade Zeso.

Epesodeniza 3:21

Ia bazima Zeso Cristoza ihiqueriqqui narrarope Deoza etizeza: —Abi Deo, bica tinani, deni tirrani! −inaniuarrine bica tani. Rridapanazama nema izanapona, onarraro. Parrissa nema nana.

Piripodeniza 4:20

Abi Deo bicabotepa deni torraui. Etti nema zanaponitoui. Bazima Pouaza etizezanapona, onarraro. Parrissa nema nana.

Corosadeniza 1:15

Cristopa Deo Bedi. Pina Deo Pouassa narrari. Deopa inoccoza qqui inarraraui. Naraha Deo Poua Bedi Zeso Cristo qqui qqui torrarraripa pina Deo Poua qqui inarrarissa narrari. Cristopa nami nauato-rreraccazama madiporrari. Arra bazima carririzarraripa zotode inauatorizarrari.

1 Timoti 1:17

Abi Deopa icca tamine deni torraui. Pouapa rricaquera taui, zoqqueqquera taui, auatoratarraraui. Pouana Deo orrari narrari. Uarrirriraza ettipe Pouaza: —Peperri, Tiape bica tinani! Ticca deni torrehe nema zanapona! −ihizanapo nana, onarraro. Parrissa nema nana.

Ebreodenidsa 13:8

Zeso Cristopa cacarriqquimera-rrarauitoui. Pouapa maittaccazama nama narronarraria rridapana naco nama narrari. Niza zotode naco nama zanapouitoui.

Satiacocca 1:17

Bazima bica tanicca, parrirenissa tarraro iaza torrarrarope Deo memeuarri madirrari da inarizarraro. Deopa ssiuarrani rrinede. Pouazape zizini nouerarraro. Pouapa paparra nama zanaporrari. Cacarriqquimera-rraraui.

1 Zouao 1:5

Arra Zeso Cristo ia mari tocanabaqquirraricca uimaha arri tiadeniza uati inarraroparri: Deopa ssiuarra taui. Pouazape zizini nouerani.

1 Zouao 1:7

Naraha ssiuarraniza rrauirrarizezape pina Deo ssiuarra taha madirrarissa inaniuarrine. Nezape imecotedeni tezerre irrariqquirraroparri. Deo Bedi Zeso Cristo emene naqui icca uimasiri bazima inanamossi-zanaporraroparri.

1 Zouao 4:12

Madirrapa Deo qqui toquenarra canima-rraraui. Naraha eti cauanerara canezana Deo iaza madirrari. Pocca touati uanehe iaza anini auato tarraro.

Jodacca 1:25

Nema nezape ia Tonassiuauade Deoza etizena. Deopa orrariui. Nazama aniporrari. Ouaha noueraui. Ia Zozossede Zeso Cristorrine icassiuauerarraroparri. Deo Pouaza: —Icca Tamine bicabote deni tirrani, daco tirrirani −inarraro. —Bazima Zossede tirrarraro. Tiape taidezama nema tarronarraroa rridapana nema tani parri nani. Nema tizanaponitoui −inarraro Deoza. Parrissa nema nana. Peperri.

Apocalipsis 1:6

Pouarrine pocca cacauanirriza iquerrenarraro. Pouarrine pocca Abi Deoza izepe irrirraro. Deoza dada toqquimade, uauati toqquimade iquerrenarraro. Nezape Zeso Cristoza ehetize nana. Pouapa bica taui, deni torraui! Pocca nauatonarra bazima ecauazanaponiuarrine pocca deni torrehe parrirenissa tarraro. Paparra pouapa nama zanapouitoui, inana, onarraro. Parrissa nema nana.

Apocalipsis 1:8

Ia Zozossede Deo Attipa: —Ouape Deo Dacorabote. Taidezama omadiporraroua arri rricaqquini bacco onanitoui −nade ia Zozossede attipa. Pouapa madiui. Nazama madiporrari. Niza ccarronauitoui.

Apocalipsis 21:3

Nezape memeuarri Deni torrauicca uiuittari bicabote cauittariniuarri touatti moui tehe omittarraro: —Rridapanapa Deo madirraza madiui. Pouadeniza madi-zanapouitoui. Madirra bazima Deocca cacaueheza toquerrenauitoui. Deopa pouadeni Cacauade torrazanapouitoui.

Apocalipsis 22:5

Nanizape zome noueranitoui. Nauiuarri madirra madimanarraridenipa rrorrororo toui, marri ssiuerrene toui quena-rrarauitoui. Ia Zozossede Deona bazimaza ssiuarra inanarizanitoui. Nazapa Deo pocca zozossedeni bazima zossede toquerrena-zanapouitoui.

Apocalipsis 4:11

—Ia Zozossede icca Deo, Tiaza etizeni bica tani. Tiana zama bazimaza carririzarraripa tinauatorizarrari. Tia touini teza tirrine bazima nauatorizarrari. Narrarorrine madirra bazima tiaza: “Bica tinani, deni tirrani” quenauiuarrine bica tani, inarraro −quenade.

Apocalipsis 7:12

Attidenipa arrama quenarrari: —Parrissa nema nana! Deo, Tiaza etizeza: Tiana deni tirrani, inarraro. Ticca deni torrehe nema zanaponitoui. Tiana nauato tinani orrari tani. Tirrine bica tani, icca Tamine deni tirrani orrari tani. Ticca dacorehe deni torrani, bica tani. Tiaza icca uatizehe nema zanaponitoui, inarraro. Parrissa nema nana! −quenade.