1 Timoti 5:9 - Kulina New Testament Brazil

⁹ Nazama Zesoza titiqueriqquimana narrarodeni amonerre Zesoza rrehe quenarraro amonerre tobaccoperodeni acco acco titicanariza-baqquimana naniuarrinepe oninideni dozo tiquenarri. Nazama uarrano 60 carrimanarraro, denima uarrano carrimanarraro narrarodenira oninideni dozo tiquenarri. Naraha ponidenicca uarrano 60 bacco terrerarrarope oninideni dozo tiquenerrerarri. Nazama oninideni dozo tiquenaniuarrinepe ponidenicca madie arrima nanina bica tani: Amonerre taide ponicca maqqui zoqque-rraraccazama narrarizara madinissa taporraro.

Culina Mádija

⁹ Nadsama Jesodsa titiqueriqquimana najarodeni amoneje Jesodsa jehe quinajaro tabira tocajamanajarodeni acco acco titicamaridsa-baqquimana nanijinepi oninideni dsodo tiquinaji. Nadsama huajano 60 cajimanajaro, denima huajano cajimanajaro najarodenira oninideni dsodo tiquinaji. Naraha ponidenicca huajano 60 bacco tejerajaropi oninideni dsodo tiquinejeraji. Nadsama oninideni dsodo tiquinanijinepi ponidenicca madie ajima nanina bica tani: Amoneje tahide ponicca maqqui dsoqque-jaraccadsama najaridsara madinissa tapojaro.

1 Timoti 5:9 Iomraidhean Croise

1 Timoti 3:12

Nazama Zesoza rrehe quenarrarideni cacauade birri accodedeni naco poccadeni amonerre ohorrariri nanina bica tani. Nezape pouadeniza uananehe tauimarini noueraniuarrine. Poccadeni erredenideni, poccadeni ozacca cacauade nauatoqquiri nana.

1 Timoti 3:2

Nama nazapa Zesoza rrehe quenarrarideni cacauadecca madie arrima nanina bica tani: Pouapa madiuissa tazapa madirra ouaha attidenipa: —Pocca uima uaidira tani −quena-rrarauiuarrine. Pocca amonerre naqui orrarini carriuiuarrine. Uananehema madi-rrarauiuarrine. Nazama uarrirriraza poua bodi uatouissa tana. Uimasiri inana-rreraniuarrine poua cacauade nauato, madide naco nauato tazapa pouaza madirra ouaha attidenipa: —Pouapa bica taui, uima cappiraui −quequenanauiuarrine. Pouaza madirra bacco narronaza pouaza zamatapa da inauiuarrine, pocca ozaza uadauiuarrine naco bodi nanarrorapo nana. Deo Atti maride naco nauato tana.

1 Timoti 5:11

Naraha amonerre ponidenicca uarrano arramani pina 60 bacco tarrararaha amonerre tobaccoperope oninideni dozo tiquena terrerarri. Narrarodenipe maqquiderre ouaha carrimanapomaniuarrine touini quenezape Cristoza zapanideni irrimananiuarrine nebomananitoui.

1 Timoti 5:14

Narraro noppineni ouattipe: Amonerre zouato amonerre tobaccopero denipe maqquiderre carrimanapomaniuarrine bica tani. Erredeni naco carrimanapomaniuarrine bica tani. Ponidenicca oza naqui ecauemananiuarrine bica tani. Ponidenicca madie bica tezape iaza nacassaqquiri narraridenipa Zeso Cristoza iquerrenarrarodeniza uima inassonarimananiuarrine ssamo tani.

1 Timoti 5:16

Rrehe, nazama amonerre Zeso Cristoza rrehe nezape ponicca madirra amonerre tobaccopero deni acco icananiuarrinepe bica tani. Pina poni midini amonerre tobaccoperoza, imeni amonerre tobaccopero, onihideni amonerre tobaccopero, naqui acco icanabaqquiniuarrine bica tani. Nema nezape Zeso Cristoza quequeriqquimana narrarideni ponideni acco canade zepedeni irrimana-rrarauiuarrine. Naraha amonerre tobaccoperodeni bedi cappiremana, bedeni cappiremana, rrinodi cappiremana nezape narrarodenina Zeso Cristoza quequeriqquimana narrarideni acco acco ihicanabaqquimana naniuarrine, onarraro.