1 Timoti 5:8 - Kulina New Testament Brazil

⁸ Naraha madirra poua pocca madirra cacauade nacassera tazapa bica terrerani. Arra pocca ozaza madimanarrarideni naco ecauabaqquiuiuarrine nacassera tazapa pocca rrehenirri pina nouerarrarossa narraro. Pocca uima uaidira tani, pina Zesoza rrehe narrararraricca uimassa naraha denima uaidira tani, onarraro.

Culina Mádija

⁸ Naraha madija pohua pocca madija cacahuade jipera tadsapa bica tejerani. Aja pocca odsadsa madimanajarideni naco ecahuabaqquihijine jipera tadsapa pocca jeheniji pina nohuerajarossa najaro. Pocca ima tabaccora tani, pina Jesodsa jehe najarajaricca imassa naraha denima tabaccora tani, onajaro.

1 Timoti 5:8 Iomraidhean Croise

Mateo 18:17

Naraha narrarideni atti mitta-rrarazapa otauimariza quequeriqquimana narrarideni tezerre pouaza uati tiquenarri. Pouadeni atti mittazapa pocca uima tobicanitoui. Naraha otauimariza quequeriqquimana narrarideni atti mitta-rrarazapa pina Deoza rrehe quena-rrararraridenissa nauiuarrine. Uimasiri carrirrari. Pouapa pina rromanodenicca taminecca zossenirri ziniro nanaccadedenissa narrari −nade Zeso.

Mateo 7:11

Tiadenipe uaidirehe ticarrimaneraha ticcadeni erredeniza bica tauicca dade nauatoqquiri tiquenani. Nazapa ticcadeni Abi Deo memeuarri madirrari Pouaza uati tiquenezape tiadeniza bica tauicca dade denima nacassa taui, onarraro −naui nade Zeso.

Huano 15:22

—Nazama pouadeniza uatide occarrona-rrerezape pouadenipa uima cappiremana-uitouiraha. Pouadeniza uati oneraha parrissa quena-rrarazapa uima carrimanarrari. Pouadenirrinena poccadeni uima inauaidiremanarraro.

1 Corintodeniza 6:6

Naraha timecotedeni tezerre ticauadireza uima ticarrimanezape uima cacattemade-deniuarri titiaccabaqquimana narrari. Narraridenipa Deoza rrehe quena-rrararrarideniraha.

2 Corintodeniza 12:14

Taide tiadeni qquide occani pamade. Rridapana tiadeni qquide occapomaniuarrine onarrorani. Nani tiadeniuarri bacco onapomeza naqui occa madie tiadeniza narro terreraniuarrine ouaza da tiquenarri onerreranitoui. Ouape ticarrimananicca touini onerrerani. Titouidenina onarraro. Ouape pina ticcadeni abissa onarraro. Erredenipa imehideni cappiremanauicca mitta mitta quena-rraraui. Imehidenina bedideni cappiremanauicca mitta mitta quenarrari.

2 Corintodeniza 6:15

Narrarossa narraro Zeso Cristo naco pocca uauadi Tocorime-Tamine tezerre carronerauiuarrine ssamo taui. Zeso Cristoza rrehe narrari naco arra Zeso Cristoza rrehe narrararrari tezerre rrehe canireuissa tauiuarrine ssamo taui.

Carasiadeniza 6:10

Nezape uima bicani inananiuarrine iparrirezape nema inanana, onarraro. Taidepa imecotedeni Zeso Cristoza rrehe quenarrarideni inanabicabaqquipona, zotodena madirra bazima inanabicabaqquina, onarraro.

2 Timoti 2:12

Ocasserehe inauanezape niza zotode poua tezerre zama bazima zossede iquerrenanitoui. Ettipe: —Zeso Cristocca orrarrerani −inezape manaco Zeso iaza: —Occa madirra tirra-rrerani −nauitoui.

2 Timoti 3:5

Inoccoza qqui inabaqquizapa pina Deoza dameraqquiri narrarissa quenaraha Deocca dacorehe ettarromanani poccadeni madieza auato tanitoui. Nezape narrarideniza tiarrini narri, onarraro.

Titodsa 1:16

Pouadeni attipa: —Deoza rrehe inani −quequenanaraha poccadeni madieza pouadenirrine uima auato tani: Deoza rrehe quena-rraraui. Pouadenipa Deoza touarrari naziqquiri naui. Deo Poua Attiza naco iboqquiri naui. Pouadenipa uima bicani inanemananiuarrine ssamoqquiri narrari.

2 Pedoro 2:1

Maittaccazama Izarraeo potemauideni madimanapozapa maizehe uauatidedeni pouadeniza animanaui quenade. Pina Deo Atti cacomeraqquiri narraridenissa quenaraha mamaizadedeni. Rridapana timadimaneza naco tiadeniza maizehe mamaridedeni bacco quenauitoui. Tiadeni mari tocanabaqqui-manazapa pina marinarra parrisseheccassa neraha maizehe carrimarraro. Poccadeni marinarra uaidira tarrarorrine ticcadeni rrehenirri touaidiranitoui. Ia Zozossede Zesopa pouadeni inassiuauabaqquiuiuarrine zoqquerrari. Naraha pouaza: —Ia tonassiuauabaqquiuiuarrine parrireui −quena-rrararrari. Nama quenazapa pouadeniza narrizoue amazati bacco tanitoui.

Jodacca 1:4

Ouatti nema onarrarope ssamoqquiri tiqueneraha madirra tiadeniza rraui torrezimarraripa pina titessedenissa quenaraha tiadeni tocamaizabaqqui-manarrari. Narraridenipa uaidiraqquiri narrari. Attidenipa: —Deopa iaza uati uana taui. Icca uaidirehe manaconi ia tonarrizobaqqui-rrarauitoui. Ia touini inanicca inanani oppinera tani −quequenanarrari. Narraridenipa ia Maride, ia Zozossede Zeso Cristo orrari narrariza uattarroqquiri narrari. Deopa narrarideniza narrizoue oppina tanicca inanarrorarraro. Narraro uimape maittaccazama Deo Atti dozo naporraroza dozo iquenaporraro.

Apocalipsis 2:13

Arri ouape ticcadeni madie nemanehe nauato onani. Timadimananiuarripe Tocorime-Taminecca uima dacoreraha oua onipe tinebomana-rrerarraro. Ouaza rrehe nauissa tarrari oni Antipas tinorideniza inanazoqque-manaraha ouaza rrehe tiquenarrarope tinebomana-rrerani. Naui tiadeniuarripa Tocorime-Tamine zosse zosse naraha oua tinebomana-rrerani.

Apocalipsis 3:8

Ouape arri bazima tizepedeni irririzemanarrarocca nauato onani. Niza Deo madiuiuarri tiadeniza: “Rraui tirrezimarri” onanitoui. Naniuarricca noccobirri tiadenizape touabani. Madirra ouaha ecossaniuarrine ssamo tani. Tiadenipe dacoco tirrira-rrereraha ouattiza iboraqquiri tiquenani. Madirrarrine nanarrizo tiquerreneza naqui oua oni tinebomana-rrerani.