1 Timoti 5:3 - Kulina New Testament Brazil

³ Rrehe Timoti, amonerre maqquirini zoqquerrari tobaccopero birrinideni acco ticanabaqquina, onarraro.

Culina Mádija

³ Jehe Timoteo, amoneje maqqui dsoqquejari tabira tocajadsa ponicca madija nohueradsapa bijinideni acco ticamabaqquina, onajaro.

1 Timoti 5:3 Iomraidhean Croise

Mateo 15:6

Ticcadeni madirracca marinarrazana “bica tani” titiquena nezape tirrinedeni Deocca zossenirri uauattarro tinanemanarraro.

Mateo 23:13

Nazapa Zeso zodeodenicca marinarra maridedeniza, marinarra parizeoza rrehe quenarrarideniza uati tarrari: —Rraho, tiadenipe uauattarro tiquerrenanitoui. Maizarridede tirrirani. Deo Atti madirra mari ticanabaqquimanauissa tazapa madirra Deo Atti tocauatterauiuarrineraha. Deo Atti mari ticanabaqquimanauissa tarraraza, ticcadeni marinarra narro tanicca tinauarimanezape tirrinedeni madirra Deo Atti tocauattera-rrararrari. Nema tiquenezape pina Deocca cacauehecca totoqquezima ticauacossemanarrarossa narraro. Nazapa madirra Deocca cacaueheza rraui torrezima-rrararrari. Tiadeni naqui pocca cacaueheza rraui tirrezima-rrerarraro.

Roca 2:37

Naui maqquirini zoqquezama amonerre tobaccopero madirronarraroa uarranorini 84 bacco tarrariparra. Ponipe Deoza dada toqquimauarri madirraro. Amossiniuarri totoqquena nerrerani. Ponipe ssiuarrabote zome naqui Deotoui nezape damera tarraro. Rripehe naqui uarrirriraza nenebocossa narraro. Deoza naqui uarrirriraza uati uati taterre narraro.

Roca 7:12

Oza totoqquezimauarri bacco toquenabote naraha qqui toquenanarra madirra zoqqueui zozorro tocanaza zorro icanarronemanarrari, ppa izemanauiuarrine. Arra zoqquerrari imenipe amonerre tobaccopero. Bedi zoqquezapa poni motta torrarraro. Poni bedi maqquiderre orrari naraha zoqquerrari. Ozauarricca madirra bazima poni uatinimade rrauirronarrari.

Huano 1:47

Nazapa Natanaeo Zesouarri toccazapa Zeso Natanaeo ccarronaui qqui irrizazapa pocca uima naqui pouaza auato tarraro. Nazapa Zeso Natanaeo tauimari uati tade: —Qqui, arra maqquiderre ccarronarraripa parrissa Izarraeo potemaui. Icca ididenicca marinarra ecauanissa tarraro. Pouapa maizera taui −nade Zeso.

Tahimarideni 6:1

Rrehe, nauizapa Zesoza rrehe quenarrarideni denima touapirra zanapoui naraha pouadenirrine uima bica terrerarraro. Pouadeni bazimapa zodeodeni. Motapa zama Cresiacca madirra attideni nauatoqquiri narrari, motapa pouadeni attira nauatoqquiri narrari. Pouadeni atti oninipe: ebereo. Nazapa zama Cresiacca touatti nauatoqquiri narraridenipa atti atti quenarrari: —Arra zamatapa inatassaqquimanarraripa cappiremanarrarodeniza da iquenauissa tarrararrari −quenarrari. —Icca madirra amonerre tobaccopero deniza zamatapa arramani da da iquenarrari. Naraha zodeodeni pouadeni atti ebereo nauatoqquiri narraridenicca madirra amonerre tobaccopero deniza zamatapa denima da da iquenarrari −quenarrari.

Tahimarideni 9:39

Nazapa Pedoro pouadeniza toccarrari. Oza bacco tanimanazapa Tabita poriniuarri iaqquezimemanarrari. Nani Tabita poriniza poni tassani amonerre tobaccoperodeni domoni uariza orri orri quenarraro. Ponidenicca eterope Tabitacca ssequinarra Pedoroza noue iquenarraro. Poni madiqqueza poni tassanideniza ssequi inarizarraro.

Tahimarideni 9:41

Nazapa zapaniza Pedoro rroca inimezape totemarraro. Nazapa arri amonerre camittemanirraro qqui toquenauiuarrine Zesoza rrehe quenarraridenitoui amonerredenitoui uaua narrari. Qqui toquenazapa uatizemanarrari.

1 Tesaronicadeniza 2:6

Tettideni naqui iaza: —Bicaqquiri tiquenani, deni tiquerrenani −tiquenanirrine touini inerrerade. Madirra ouahadeni naco attideni nama quenauiuarrine touini inerrerade.

1 Timoti 5:2

Rradanideni mari ticanabaqquiza naqui pina ticca ami mari ticanarrarossa teza mouaraza mari ticanabaqquirri. Zouatodeniza naqui pina timecoteza uati tinarrarossa teza mouaraza ponideniza uati tinarri. Ponideniza naqui uima tinana-rreraniuarrinepe tia tecauanissa tarri, onarraro.

Satiacocca 1:27

Naraha madirra Deoza rrehe nauissa tarraripa arrirraro zamacca uimasiriza carrima-rrararrari. Erredeni meze toquerrenarrari, amonerre tobaccopero ocasserani auemanezape acco canade nacassa tarrari. Madirra nama narraripa icca Abi Deoza bica tarrari.

1 Pedoro 2:17

Timadimananissa teza madirra bazimaza bicaqquiri tiquenarri. Timecotedeni arra Zeso Cristoza rrehe quenarrarideniza tetideni uanaqquiri narri. Deo noppine ticappinemaneza Poua Attissa tinanemanarri. Tamine deni torrauicca noppine naqui ticappinemaneza poua attiza iboraqquiri tiquenarri, onarraro.

1 Pedoro 3:7

Maqquiderre tiadeni naqui amonerre ticarrimanezape ticcadeni amonerre tecauemananissa tarri. Tibodideni uatona: Ponidenipe pina tiadenissa quene-rrerani. Ponidenicca dacorehepe arrimani, tiquenana. Nezape ponideniza bicaqquiri tiquenarri, onarraro. Deopa ponideniza pocca danirri bicabote da inanitoui, pina tiadeniza da inarrarossa nanitoui. Narraro camittehe rriquerreraniccape ticca amonerreza, tiaza torranitoui. Rrehe, poni tazarrani timadimananissa tezape Deoza uati tiqueneza tettideni mittauitoui.