1 Timoti 4:16 - Kulina New Testament Brazil

¹⁶ Ticca madie tecauanissa tarri. Deo Atti naqui mari tanissa tarri. Nema tizanapozape tia, ticca mamari tabaqquima Deorrine ticassiuaueraniuarrine, onarraro.

Culina Mádija

¹⁶ Ticca madie tecahuanissa taji. Dio Atti naqui mari tanissa taji. Nema tidsanapodsapi tia, ticca mamari tabaqquima Diojine ticassiejeranijine, onajaro.

1 Timoti 4:16 Iomraidhean Croise

Maraco 13:9

—Parri, tetideni uatomanarri! Madirra uadiqquiri narrari carririzaui. Narraridenipa tiadeni tadamemanazapa zodeodenicca taminedeniuarri ticcadeni uima mittemanauiuarrine tiadeni touaqquezimabaqqui-manauitoui. Zodeodenicca Deo Atti mamariuarri naqui tiadeni itauaqquemananitoui. Otauimari tiadeniza torrarraro acconi uadimanaza zama cacauadedeni baccodeniza tidomo uaniuarrine tiadeni touaqquezimabaqqui-manauitoui. Zama onihicca zama onihicca madirra tamine deni toquerrenarrari baccodeniuarri naqui tidomo uaniuarrine tiadeni touaqquezimabaqqui-manauitoui. Nanizana ticcadeni uima tecomeremanezape taminedenipa otauimari mittemanauiuarrine.

Roca 21:34

—Parri tiadenipe tiadeni tecauemananissa tarri, tibodideni ccaracossa-rreraniuarrine. Arri bica terrereraha touini tiquenarraroccape tineborizemanarri. Arri ze tiqueneza comani teterizemana narraro naqui tineborizemanarri. Arri timadimananicca touira tibodideni uauato narraro naqui tineborizemanarri. Narraro tinebomana-rrereza zama rricanicca uada amazati bacco tezape uarro ticanirenitoui.

Tahimarideni 26:22

Naraha Deo oua acco canazapa maride damera onarraroa arri damera onaniparri narraroparri. Narraroa arri Deo Pouarrine arriza ouarraroparri. Arri uati onarrarope parrissehera uati onarraro madirra bazima arramani toquerrenarrarideni, deni toquerrenarrarideni naco mittemanauiuarrine, onarraro. Occa marinarrape rrizera tani. Maittaccazama Moize, arra Deo Atti cacomeraqquiri narrarideni naco narrarossa narraro uati toquenaporrari. Pouadeni tezerremacca uimape arri imadizama parrissa torrarraroparri.

Tahimarideni 6:4

—Nezape iana Deozara uati uati izanaponiuarrine. Deo Atti naqui mari mari ihicanabaqqui nauiuarrine, inarraro −quenarrari Zesocca zozosse tabaqqui.

Romanodenidsa 11:14

Narraroza occa madirra motadeni uima bicani ticarrimanani qqui toquenaza: —Rraho, iaza torra naccaraho −quenazapa bodideni cacarriqquimere-manauiuarrine. Tossiuauehe naqui carrimanauiuarrine, onarraro.

Romanodenidsa 16:17

Ouimecotedeni, ticattomama canarri. Tiadeniza uati onana: Timecotedeni motarrine ticcadeni queriqquinarracca uima caroberizerana. Poccadeni marinarrape pina ticauatteraporrarocca marinarrassa nerrerani. Parri, poccadeni marinarraza tiadeni toneuedima-baqquimanarana. Nezape pouadeniza tiarrimanani narri, onarraro.

Romanodenidsa 2:7

Madirra uima bicani inanemanarrarodenizapa Deo pocca camittehe rriquerreranicca da inarizanitoui. Pouadenipa Deocca deni torrehetoui madimanarrari. Pouadeniza Deoa: —Occa erredenideni, bicaqquiri tiquenani −nauiuarrine touini quenarrari. Camittehe rriquerreranicca touini naco madimanarrari.

1 Corintodeniza 1:21

Deo Poua bodi nauato tazapa atti arrama narrari: —“Iape iara nauatoue icarrini” quequenanarraridenipa Ouaza bacco toquena-rrarauitoui −narrari. Pouapa pocca uima bicani mari mari inarraroza rrehe quenarraridenina inassiuauabaqquiuiuarrine nacassa tarrari. Narraro uima madirra motadenizape pina ponimassa narraro.

1 Corintodeniza 9:22

Nazama arra imecotedeni Zeso Cristoza rrehe quenaraha poccadeni rrehenirri rrapari tarrarodeniza occarizeza naqui pina pouadenirrinessa onanarrarode, Zeso Cristoza toquerrenauissa tauiuarrine oneza. Arri occa uima pina pouadenirrinessa onanani onarrarope arra madirra bazima bodideni acco ocanariza-baqquiuiuarrine. Madirra mota tocassiuauerarra quenauiuarrine touini oneza.

1 Corintodeniza 9:27

Ouime ouaza ibora taniuarrine pina oua odaqquinirrarossa narraro. Deocca danirri bicani carrimanauiuarrine madirra mari ocanabaqquirizaraha oua ouacauanissa terrerezape Deocca danirri bicani zori onerana.

Epesodeniza 4:14

Icca rrehenirri dacoreza Deocca nauatoue icarrizape ibodi uatoue pina erredeniccassa nerreranitoui. Erredenipa tocauattera-rraraccaza bodideni uatomanauissa tauiuarrine parriremana-rraraui. Pina rrorroderrine ppaua tarrari arrauarri tocca, arrauarri tocca narrarissa quenarrari. Erredenipa marinarra onihiza, onihiza toquerrena taui. Arra madirra maizehe uatide nauatoqquiri narraridenipa erredeni icamaizabaqqui-manauiuarrine pouadeniza narrora tani.

Corosadeniza 4:17

Nazama imecote Ariquipoza naqui uati tiquenana: —Ia Zozossede Deo tia cazossezapa narrarossa tinanarri. Damera tinarri −tiquenana, onarraro.

1 Tesaronicadeniza 2:16

Nezape Zeso Cristo tauimari icassiuaueraniuarrinecca zodeo querrena-rrararrarideni mari icanabaqquiuiuarrineraha arra zodeodeni Zesoza nacasseraqquiri narraridenina iaza moua moua quequenanarrariparra. Narraridenipa zodeo querrena-rrararrarideni Zeso Cristocca uimaza tocassiuauerauiuarrine nacasseraqquiri narrari. Nezape poccadeni uimasiri denima torrazanaporraroparri. Narraro poccadeni uimasirirrinena Deocca uadie pouadeniza torranitoui. Niza narrizoue oppina taniccape pouadeniza ssonarinitoui.

1 Timoti 1:3

Rrehe Timoti, taide Masedoniauarri occabote neza tiaza uati onarrarope rridapana dozo onapomarraro. Arri, oza panani Epesoza timadiccarri, marinarra maizehecca mamaridedeni uati ticanabaqquina, denima mari quena-rrarauiuarrine, onarrarode.

1 Timoti 4:15

Rrehe Timoti, arrirraro uimassa tinananiuarrine damera tinarri. Nema tezape Deoza tizepe irrie tobicazanapozape narraro bazima qqui toquenauiuarrine.

1 Timoti 4:6

Rrehe Timoti, arri tiaza dozo onarrarocca marinarrape imecotedeniza mari mari tarizezape narraro marinarraza teribo ssiuarra teza naqui Zeso Cristocca zozosse bicaui tirranitoui. Zeso Cristo tauimari parrissaccatoui tibodi uauatoma zanapozape Deocca marinarra parrissehecca tiattaporraro tinebo-rrereza naqui ticca rrehenirri denima todacorani nanitoui.

2 Timoti 2:10

Nezape orri onerrereza ocasserehe uapima onauanarraroparri. Nema onarrarope Deo icatterriza-baqquiporrarideni Zeso Cristo tauimari icassiuaueraniuarrinecca mittemanaza parrissa quenazapa Deo inassiuauabaqquiuitoui, Deo Poua ssiuerrenema Pouaza madimana-zanapouiuarrine.

2 Timoti 3:14

Pouadenipa nama quenaraha Timoti tiana Zeso Cristo tauimari tia mari icanarraroza parrissa tade. Narraroza parrissa tizanaporri, onarraro. Tia maridedeni nauato tinani: maizeraqquiri inani.

2 Timoti 4:2

Deo Atti mari mari tarizarri. Uarrirriraza maride tirrarizaniuarrine tibodi titinarrorapo narri. Madirra Deo Atti mittade nacassaqquiri nazapa mari ticanabaqquina. Nacasseraqquiri naza naco nama naha mari ticanabaqquina. Madirra uima tonanaza naco mouaraza uati ticanauissa tarro: —Uima tinanarraroza peperri tarri −tana. Madirra poua bodi cacarriqquimerauiuarrine naco mari ticanarro, uima bicani touira poua bodi uatouiuarrine. Touattauiuarrine narro taza naco nama naha mouaraza mari ticanarro.

Titodsa 1:9

Nazama Zesoza rrehe quenarrarideni cacauade torrauiuarrinepa arra Zeso tauimari parrissehecca poua mari icanemanaporrariza damera tarrarina bica taui. Naui pouarrine pocca marinarra Deo Atti parrirenissa tezape pocca mamari tabaqquicca rrehenirri todacorani naniuarrine. Naui pocca marinarra ettarromanarrarodeni naco pocca marinarraza: —Rrehe, parrissa −quenauiuarrine.

Titodsa 2:15

Rrehe Tito, arri uima bazima orrine dozo onarraroza mari ticanabaqquirro. Pina arri Deo Attissa inanemananiuarrine tinauatizebaqquirro. Arri Deo Attissa inanemana-rrerezape tetti dacorehema uati ticanabaqquirro. Pouadeniza: —Narraro uimape bica terrerani −tana. Madirra tia arrimani inanemana-rrerana. Nama quena-rrarauiuarrine ticappinarrereza daco tirrirarri.

Titodsa 2:7

Tito, tia naqui timadinissa tarri, ticca madie pouadeniza auato taniuarrine. Naui zabissodeni ticca madie qqui toquenazapa: —Ia naqui nema inana −quenauiuarrine. Mari ticanabaqquiza naco maizehe rrirehe, rrizehe rrirehe, parrissehera Deo Atti ponira mari ticanabaqquirro.

Piremao 1:19

Ouape Paoro, arri ozepeza dozo onarrarope pina ouattissa onananitoui. Pocca dirrinarra paca onaniuarrine. Naraha tibodi uatomarri. Occa marinarrarrine Zeso Cristocca tirrezape pina ouaza dirri tarrarossa narraro.

Ebreodenidsa 12:15

Timecotedeni Deoza rrehe quenarrari acco ticanabaqquimanana, Deoza paparra quena-rrarauiuarrine. Paparra quenazapa Deocca danirri touati uanehe zori tocanireuitoui. Deo Attiza bodi nacassera tarraripa tiadeniza carrima-rrarana. Narraripa pina aua bidabote rrabo bidenessa narrari. Pocca nacasserehe tiadeniza torrerana.

Ebreodenidsa 13:9

Nezape marinarra pina Zeso tauimarissa nerreranicca timittemanezape narraroza parrissa tiquenerrerarri. Marinarra rriza tanicca aniza naqui: —Imittana −tiquenerrerarri. Tibodideni Deoza rrehe tiquenani todacorani naniuarrinepe Deo iaza uati cauanari canaui tauimarina parri. Narrarona ibodi tobicaniuarrine parrireni. Naraha marinarra onihi pina: —Arrarrari rrirripapa tirripemana terrerarri, oppina taui −quequenanarraricca marinarrape tibodideni tobicaniuarrine parrire-rrerani.

Satiacocca 5:20

Nazama tiadenipe nauatoto tinarri: Madirra uimasiriza ccarizazapa zoqquehe rriquerreraniuarri torrauiuarrineraha pocca uimasiri nebouiuarrine acco ticanemanaza Deoza torrazapa tinassiuauemanarrari. Deo naco pocca uimasiriza: —Peperri, ouati rrimani −nauitoui.