1 Timoti 4:10 - Kulina New Testament Brazil

¹⁰ Narrarorrine ocasserani eraha nema nehe dameraqquiri ineza izepe irrirraroparri. Abi Deo camitta tarraripa ia tonassiuauabaqquiuiuarrine touini imadirraro. Pouapa madirra bazima Tonassiuauade. Pouaza rrehe quenarrarideni inassiuauabaqquiuitoui, parrissa.

Culina Mádija

¹⁰ Najarojine ocasserani eraha nema nehe disseraqquiri inadsa idsepe ijijaropaji. Abi Dio camitta tajaripa ia tonassiajabaqquihijine tohuini imadijaro. Pohuapa madija huapima Tonassiajade. Pohuadsa jehe quinajarideni inassiajabaqquihitohui, pajissa.

1 Timoti 4:10 Iomraidhean Croise

Mateo 16:16

Naraha manaco Pedoro uati tarrari: —Tiape Cristo-Mesia tirrani. Deo camitta tarrari Bedi tirrani −nade.

Mateo 27:43

—Arrana pouapa Deoza rrehe nauissa tarrari. Deopa parrissa pouaza uati uana tazapa rridapanana poua inassiuauana, inarraro. Arrana, poua attipa: “Ouape Deo Bedi orrani” nanarra nade −quenade, rriza rriza quenaza.

Huano 1:29

Nani Betaniaza imadiccazape narraro uada ssiuarraza Zouao Zeso ccarronaui qqui taza iaza uati tarraride: —Qqui tiquenarro! Arrarraripa Deocca danirri madirra bazimaza! Pouapa Deocca Eueue Bedi bicabote Deoza da da inarrarissa narrari. Niza zoqquezapa pouana madirra bazimacca uimasiri inanamossinitoui −nade.

Huano 4:42

Nazapa amonerreza uati toquenade: —Taidepe tettizaha “Zesopa Cristo-Mesia” inaporraro. Naraha rridapanape Zeso pocca marinarra imittezape pouaza parrissa inarraro. Tettizaha imittani orrari-rrerani. Rridapanape pocca marinarra imittezape nauatoqquiri inani: “Pouapa zama bazimacca madirra Tonassiuauade” inarraro −quenade.

Huano 5:24

—Parrissehera tiadeniza uati onana: Ouatti mittemanarraridenipa arra oua Cazossede Abi Deoza parrissa quenaza naco camittehe rriquerreranicca carrimana-zanapouitoui. Poccadeni uimasiri manaconipe pouadeniza ssonari-rreranitoui. Taide Deoza ssamoqquiri nazapa pina zoqquemanarrarissa quenaraha narraro inebomaneza camittehe rriquerreraniccaza toquerrenarrari −nade.

1 Corintodeniza 15:10

Naraha Deopa ouaza bica tarrari. Occa narrizoue peperri inanarrarode. Oua catizezapa pocca zozosse orrarraro. Pocca biquehe naqui ponima ouaza torra-rrerani. Narrarorrinena Pouaza ozepe irrinissa tarraro. Nazama motadenipa arramani zepedeni irrimanarrari. Naraha ouana denima ozepe irrirraro. Arri ozepe irrirrarope orrine rrerani. Deo oua acco canaza ozepe irririzarraro.

2 Corintodeniza 1:10

Pouapa zoqquehe oppinaboteza ia zori tonanabaqquirrari. Pouaza parrissa inezape niza zotode parri izoqquerinicca narrizoueza naco ia zori tonanabaqquiuitoui. Nezape etti: —Rrehe, ia zori tonanabaqqui-zanapouitoui −ihinanarraro.

1 Timoti 2:3

Deoza uati uati inanipe bica tani. Ia Tonassiuauade Deo uatize taui.

1 Timoti 2:4

Pouapa madirra bazima tocassiuauerauiuarrine touini narrari. Pocca parrissehe tocauatterauiuarrine naco touini narrari.

1 Timoti 2:6

Zeso Cristopa zoqqueuiuarrine poua ccaccoraza icca uimasiri manaconi zoqquerrari. Narraro uima madirra bazima mittarizemanauiuarrine Deorrine auato inaneza parrissa torrarraro, arri Deorrine narroraponicca uada bacco teza, onarraro.

1 Timoti 3:15

Nazama tiauarri occaniuarrine denima onarrozape occa uimara qqui tineza arra Zesoza rrehe quenarrarideni madimanauissa tauiuarrinecca uima nauato tinaniuarrine. Arri ia Deocca madirra iquerrenarrarope Deo camitta tarrariza ihiqueriqqui narraro. Deo pocca parrissehe iaza inanarrarope rrouizo terreraniuarrine ecauanissa tarraro. Nezape madirra bazima Deocca parrisseheza mari icanabaqquiuissa tarrari.

1 Timoti 6:17

Nazama Zesoza toquerrenarrari zepedeni sseqquiri narrarideni naco arrirraro zamacca tozepetarri carrimana, ziniro carrimana nazapa: —Iape bicaqquiri inani, deni iquerrenani −quena-rrarauiuarrine uati ticanabaqquirro. Pouadenipa uemani carrimanazapa: —Narrarozana imadi-zanaponiuarrine iparrireni −quena-rrarauiuarrine naco uati ticanabaqquirro. Arrana pouadeni zepetarri amazati amossi nani carri tani. Naraha: —Deona ia touacauabaqqui-zanapouiuarrine parrireui −quenauiuarrinena bica tani. Ia bazimape Deocca danirriza imadirraro. Icappira-rreraniuarrine iaza accora tarrari. Nema nezape madirra zepedeni sseqquiri narrarideni Deo Pouazana uatizemanaui orrari nana, onarraro.

Ebreodenidsa 11:26

Moizepa Deocca madirra tezerre pouadeni Idinide Cristo ccarronaui toui madimanarrari. Narrarorrine ocasserehe inauanemanarraro. Naraha Moizepa pouaza Deocca biquehe torranitoui nauato taporrari. Narraro touira madizapa zama Ezitocca biquehe touini narrararrari. Deocca biquehena pouaza denima bica tarraro.

Ebreodenidsa 13:13

Rrari, ia naqui Zeso tezerre oza panani amossiniuarri rrauirrenana. Ia naqui pina poua ocasserani auarrarissa narraro inauanana.

1 Pedoro 1:21

Pouapa tibodideni acco canaza Deoza rrehe tiquenarraro. Deorrine Zeso Cristo nauatonizapa Deo pocca deni torrehe, pocca dacorehe pouaza inanarraro. —Ia naqui ia tonauatonibaqquiuitoui −tiquenezape Deo Pouaza parrissa tiquenanissa tarraro.

1 Zouao 2:2

Arra Zeso Cristo itoui poua ccaccoraza zoqquerraripa icca uaidirehe inanamossiza Deoza ibicaniuarrine. Icca uimasiri manaconi torrarraripa ia motta orrari inanicca manaconi torra-rraraui. Madirra zama bazima madirizemanarraridenicca uimasiri manaconi torrarrari pouapa.

1 Zouao 4:14

Arra Zeso inoccoza qqui inarrari tauimari irrine auato taniuarrine inaza poua tauimari uati uati inarraroparri: Abi Deopa pocca Erredeni zosse inaronarrari, zama bazimacca madirra Tonassiuauade torrauiuarrine.