1 Timoti 3:4 - Kulina New Testament Brazil

⁴ Pouapa pocca ozacca madirra cacauade nauato tana. Poua attiza pocca erredenideni naco iboraqquiri nauiuarrine. Pocca erredenidenipa poua noppine cappinaqquiri naza madimanauissa tauiuarrine.

Culina Mádija

⁴ Pohuapa pocca odsacca madija cacahuade nahato tana. Pohua attidsa pocca ejedenideni naco iboraqquiri nahijine. Pocca ejedenidenipa pohua noppine cappinaqquiri nadsa madimanahissa tahijine.

1 Timoti 3:4 Iomraidhean Croise

Tahimarideni 10:2

Coneriopa madirra bicaui, Deoza damera tarrari. Pouapa zodeo rrararaha poua pocca madirrama Deoza nacassaqquiri naza Deo Attiza iboraqquiri narrari. Arra Coneriopa zodeodeni touati nauanaqquiri narrarideniza naco accora tarrari. Deoza uatide naco nenebo narrararrari.

Epesodeniza 5:24

Nezape maqquiderre carrimanarrarodeni ponidenicca maqqui atti nemaneheza iboraqquiri nana. Pina Zeso Cristoza quequeriqquimana narrarideni pouaza iboraqquiri narrarissa quenaniuarrine, onarraro.

Piripodeniza 4:8

Ouimecotedeni, rridacca uati onarrarocca uima tazarrani arrima tinanemanarri: Uima parrisseheccazara tibodideni uatome-manarri. Imadinissa taniuarrineccara tibodideni uatome-manarri. Parrirenissa tanicca uimatouira tibodideni uatome-manarri. Uima bicani ponira tiadeniza torrarizaniuarrine tibodideni uatome-manarri. Uima bica tanicca touira tibodideni uatome-manarri. Madirra pocca madie toccanissa tarraro touira tibodideni uatome-manarri. Uima bicani pina Deocca uimassa narraro touira tibodideni uatome-manarri. Deo ticcadeni uimaza uatizeuiuarrine tibodideni uatomanissa tarri.

1 Timoti 3:12

Nazama Zesoza rrehe quenarrarideni cacauade birri accodedeni naco poccadeni amonerre ohorrariri nanina bica tani. Nezape pouadeniza uananehe tauimarini noueraniuarrine. Poccadeni erredenideni, poccadeni ozacca cacauade nauatoqquiri nana.

Titodsa 1:6

Nazama Zesoza rrehe quenarrarideni cacauade torrauiuarrinepa bica tarrarira ticatterrizarro. Naui madirra ouaha attideni pouaza: —Pocca uima uaidira tani −quena-rrarauiuarrine. Amonerre orrarini carrirrarina ticatterrizarro. Arra madirra poua bedideni Zesoza rrehe quenarrarira ticatterrizarro. Madirra ouahadeni poua bedideniza: —Pouama madimanarrari, iboqquiri naui –quena-rrarauiuarrine. Arra madirra bedideni madimanauissa tarrarira ticatterrizarro.

Titodsa 2:2

Rradauideni arrama quenauiuarrine mari ticanabaqquirro. Mouaraza madimanana. Naui madirra ouahadeni madierideni qqui toquenazapa: —Rrehe, poccadeni uima bica tani −quenauiuarrine. Bodideni uatome-manauissa taza uima bicanira tocatterrizade nauatoqquiri nauiuarrine. Pina arri Deocca uimassa narrarora icatterrizemananiuarrine. Rradauidenipa Zesoza rrehe quenauissa tauiuarrine. Deocca touati uanehema bazimaza uatideni uanaqquiri nauiuarrine. Uima ocassera tanicca naqui mouaraza inauanemana-zanaponiuarrine.

Titodsa 2:7

Tito, tia naqui timadinissa tarri, ticca madie pouadeniza auato taniuarrine. Naui zabissodeni ticca madie qqui toquenazapa: —Ia naqui nema inana −quenauiuarrine. Mari ticanabaqquiza naco maizehe rrirehe, rrizehe rrirehe, parrissehera Deo Atti ponira mari ticanabaqquirro.