1 Timoti 3:16 - Kulina New Testament Brazil

¹⁶ Rrehe, pocca parrissehepe bica tani, deni torrani, inarraro. Taidepe iaza auatora taporaha rridapanana iaza auato tarraro. Narrarope Zeso Cristo tauimariparri. Narraroza parrissa inarraro. Pina rriri rriri inarrarossa narraro: Pouapa assire torrazapa pina madirra iassa naha torrarrari. Iaza Deo Corime Attipa: —Deo Bedipa Imehi Attiza ibora tarrari. Pouapa Imehiza pocca uima inaparrirenissa tarraro −narrari. Deocca zozosse tabaqqui memeuarricca naco Deo Bedi qqui toquenaui. Narrari tauimari madirra bazimaza ecomerarizarraro. Nazama arrirraro zamaza madimanarrarideni poua tauimariza parrissa quenarrari. Poua naco Deorrine memeuarri toccamacossanirrari.

Culina Mádija

¹⁶ Jehe, pocca pajissehepi bica tani, deni tojani, inajaro. Tahidepi iadsa ahuatora taporaha jidapanana iadsa ahuato tajaro. Najaropi Jesocristo tahimaripaji. Najarodsa pajissa inajaro. Pina jiri jiri inajarossa najaro: Pohuapa assire tojadsapa pina madija iassa naha tojajari. Iadsa Dio Corime Attipa: —Dio Bedipa Imehi Attidsa ibora tajari. Pohuapa Imehidsa pocca ima inapajiranissa tajaro −najari. Diocca dodosse tabaqqui memehuajicca naco Dio Bedi qqui toquinahi. Najari tahimari madija huapimadsa ecomeraridsajaro. Nadsama ajijaro dsamadsa madimanajarideni pohua tahimaridsa pajissa quinajari. Pohua naco Diojine memehuaji toccamacossanijari.

1 Timoti 3:16 Iomraidhean Croise

Mateo 1:23

Poua attipa: —Ticattomama canarri. Zouato maqquiderre ssamo teraha rriuezape erredeni carrinitoui. Poni bedizapa: Emanoueo, quequenanauitoui –napoui nade Izaia. (Emanoueo ettizape: Deo iaza madiui, inarraro.)

Mateo 13:11

Naraha Zeso iaza ecomerade: —Rrehe maittaccazama Deocca cacauehecca uima zati narroraporaha madirra inauattabaqqui-rraraccade. Neraha rridapanana Deo Pouarrine pocca cacauehe tauimarini zati tiadenizana auato tani. Naraha madirra motapa Deo Pouarrine pouadeniza auatora teza mittemana-rrararrari −nade.

Mateo 28:2

Touedanerre… nami rrazirema zaroro narraro. Arri nami rrazirema zaroro narrarope ia Zozossede Deocca zozosse memeuarricca ccaronarrari. Ccaronazapa Zeso noccobiricca siba cco inarraro. Nazapa narraro sibaza uittari canaui quenade.

Mateo 3:16

Nazapa Zeso passo dopaniza niqui izanarrari. Zeso passoza totemaza tocattamacossa nanarra meme touaba narraro. Deo Corime auato taha pina ococossa naha ccaronarrari. Ccaronaza Zesoza uarirraro.

Mateo 4:11

Nazapa Tocorime-Tamine toccanirrari. Nanarra Deocca zozosse tabaqquipa memeuarricca narroremanaporra naza Zeso acco icanemanauiuarrine rrauironarrari.

Maraco 1:13

Zeso madiui uinorizapa bani boqueqquiri nauicca carri tarrari. Nauiza Zeso uada 40 naha madizana (uimasiri totonanade) Tocorime-Taminepa Zeso nattome inarrari. (Pouapa Zeso uimasiri inananiuarrine damera taraha Zesopa Tocorime-Tamine attiza rrehe narrararrari.) Nazapa Deocca zozosse tabaqqui memeuarricca Zeso acco icanemanarrari.

Maraco 16:19

Nazapa ia Zozossede Zeso poua uatimadedeniza uati taha rricazapa memeuarri Deo poua iaccamacossanirrari. Deopa Zeso deni inanazapa Poua uinori nauatoniuarri inauittarirrari, madirra ihicazossebaqqui nauiuarrine.

Maraco 16:5

Nezape rraui torrezimeza qqui toquenanerre zabisso eterori mopo taha nauatoniuarri uittari canarrari. Nezape uarro quenarraro nade.

Roca 2:32

Pouapa pina ssiuarranissa narrari. Poua ssiuerrene tossiuarrabaqquizape Izarraeo potemaui zodeo querrena-rrararrarideniza Deorrine madirra tocassiuauerauiuarrine tauimarini auato inananitoui. Rrehe Abi Deo, ticca madirra ia Izarraeo potemauidenipe iaza madirra bazima attidenipa: “Ticcadeni zamaza ia Idinide tossonazapa Deorrine tiadeniza uima bicani torrani” quequenanauitoui −narrari Simiao.

Roca 20:44

Naraha madirra attidenipa: “Cristo-Mesiapa tamine Dabi Potemaui” quequenanazapa nerrecotoui Dabipa poua potemauizaraha: “Oua Zozossede” naporraritta? −narrari Zeso.

Roca 22:43

Nanarra naui Zeso poua Deoza uati uati tauiuarri Deocca zozosse memeuarricca auatorrari. Narraripa Zeso acco icanaza inadacorarrari.

Roca 24:4

Nezape bodinideni uatomaneza: —Nerrecoma narrari? −quenarraro. Nanarra madirra pamaha eterorideni ssiuarra tarraro ponideni uinoriniza auatome-manarrari.

Roca 24:51

Pouadenitoui Deoza uati uati tanarra toccamacossanirrari. Imehi Deo memeuarri iaccamacossanirrari.

Huano 1:14

Deo Attiraha assire torrazapa Zeso iaza madirrariparra. Pocca nauatonirripe bicabote deni torrani qqui inade. Nazama pocca nauatouepe orrariana nauato tarrari. Abi Deo Bedina orrariui. Pouapa uati uana taza ia todinibaqquirrari. Pouapa parrissehe rrinede.

Huano 13:3

Zesopa Deo Pouauarri ccaronauicca nauato, Deouarri toccamacossani-uiuarrinecca nauato, Poua Imehicca deni torrehe carriui naco nauato tarrari.

Huano 15:26

—Tiadeni Acco Canade tiadeniza zosse onaronauitoui. Pouapa Abiuarricca, poua oni ouahapa Deo Corime Parrissehecca Maride. Niza narrari ccaronazana otauimari tiadeniza auatoma auatoma nanitoui.

Huano 16:28

Ouape Abi madiuiuarri omadiraha arrirraro namiuarri occaronarrarode. Rridapanape arrirraro zama oneboza Abiuarri occamacossaninitoui, onarraro −nade Zeso.

Huano 17:5

Abi, zama nauato-rreraccazama tia titezerre deni torrehe icarrirrarode. Rridapanape narraro ouaza tinananirri, onarraro −nade Zeso.

Huano 20:12

Nanarra Deocca zozosse tabaqqui memeuarricca eterorideni mopopo taha pamiza rrari nade. Zeso assire pozauirrineza pamizarrari nade. Ouahapa tatirrineuarri uittari, ouahapa amorirrineuarri uittari narrari.

Huano 6:62

Naraha ouape Madirra Bedi orrarraroa niza omadiponiuarri occamacossanini qqui tiquenezape nerrecoma tiquenapazerre? Nazana tibodideni uatomanitoui.

Tahimarideni 1:19

Nazapa oza panani Zerozarecca madirra narraro uima mittemanazapa pocca zama icanacanimanarraro: Aseodama, quenarrari. (Ettizape: Touemene pina sso tabaqquini nani, inarraro.)

Tahimarideni 10:34

Nazapa manaco Pedoro pocca uima uati uati tarrari: —Rrehe, rridapana parrissa omittarrarope Deo: “Zodeodenira orrarimanana” narrararrari.

Tahimarideni 14:27

Atioquiaza bacco nanimanapomazapa Zesoza rrehe quenarrarideni queriqquiuiuarrine uaua inabaqquimanarrari. Queriqquimanazapa Zeso tauimari maride pouadeni uedarizauicca uima bazima uati uati toquenarrari. Deorrine zodeo querrena-rrararrarideni bodideni narrorauissa taza Zesoza rrehe quenarrari tauimarideni naco uati uati toquenarrari.

Tahimarideni 20:28

—Nazama ouattipe tiadeniza arrima onarraro: Deoza timadimananissa taniuarrinepe tiadeni tecauemanarri. Zesoza rrehe quenarrarideni, arra tiadeniza quequeriqqui narrarideni naco tecauabaqqui-manauissa tarro. Deo Corimerrine pouadeni cacauade tiquerrenarraro. Deocca madirra pouadeni manaconepa Deo Poua Bedi zoqqueza poua emene toccarraro. Narrarorrine pouadeni tecauabaqqui-manauissa tarro, onarraro.

Romanodenidsa 10:12

Narraria zodeodenipa, zodeo querrena-rrararrarideni tezerre narrarissa caniqquimerarrariparra. Ia Zozossedepa poua orrarirrari, bazima Zozossededeni. Madirra pouaza uaua quenarrarideni accode nacassa tarrari. Pocca biquehe rriquerreranicca pouadeniza dade nacassa tarrari.

Romanodenidsa 10:18

Naraha ouattipe: Izarraeo potemauidenipa narraro uima bicani mittemana-rraraco? oneraha mittemanaui. Deo Atti dozo naporrarozape arrima narraro: —Narraro bazima zama nemaneheza mittarizemanarrari. Zama uapima rricaqquiniuarri naqui bacco tarizarraroparri −naui nade Deo Atti.

Romanodenidsa 16:25

Deoza etizena. Pocca uima bicani icassiuaueraniuarrinecca mari mari ohonanarrarope tiadeni tonadacora-baqquirraro. Narrarope Zeso Cristo tauimari timittemanarraroparri. Maittaccazama zama nauatopo-rreraccazama Deorrine narroraporaha auatora taporraro.

Romanodenidsa 16:26

Naraha rridapanana touatorraro. Pina Deo Atti cacomeraqquiri narrarideni dozo iquenaporrarossa, pina Deo madizanaporraricca zossenirrissa narraro Zeso Cristo tauimari zama bazimacca madirraza torrarizarraro. Narraroza parrissa quenazapa pouaza iboraqquiri nauiuarrine.

Romanodenidsa 3:4

Noueraui. Deopa maizera tarrari. Madirra bazimapa maizaqquiri naraha Deopa maiza-rraraui. Uima parrissehera ihinana narraro. Deo Atti dozo nanizape arrima narraro: —Bazimaza auato tanitoui. Tiape parrissehe ponira uati uati tinarraro. Madirra attideni Tiaza: “Ticca uima parrirenissa terrerani” quenaraha Tiana deni tirranitoui. Tettina parrirenissa tarraro −nani nade Deo Atti dozo naniza.

Romanodenidsa 8:3

Narraro uima bicanipe Deorrinena iaza torrarraro. Moizecca marinarrarrine rrerani. Moizecca marinarrape ecauanissa taniuarrine iparrire-rrerani. Madirra iape ibodiza uaidirehe touini inehe imadirraro. Narraroza Deopa: —Uaidira tani. Narrarorrine narrizoue ticarrimananitoui −nanarra narrari. Naraha narraro uimasiri tomossiniuarrinepe Deo Poua Bedi zosse inaronarrari. Pina madirra essire icarrirrarossa naha carrizapa poua assirezana icca uimasiri manaconi Deorrine ssonarirraro.

Romanodenidsa 9:5

Occa madirra zodeodeni potaporraridenipa Abarahao, Izaqui, Zaca quenarrari. Narrarideni potemauidenizana Cristo-Mesia tossonarrari. Pouapa Deo. Bazima cacauade torrarrari. Pouaza etizezanaponiuarrine bica tani. Parrissa nema nana.

1 Corintodeniza 15:47

Taidecca madirrapa nami nauatorrari, namiza madirrari. Zotodecca madirra memeuarriccapa Cristo.

1 Corintodeniza 2:7

Arri mari mari inarrarocca nauatouepe Deo pocca. Pouarrine madirraza auatora taporraro. Nami nauato-rreraccazama Deo touini nazapa pocca uima inanarroraporraro, pocca deni torreheza iquerrenaniuarrine.

2 Corintodeniza 1:19

Arri oua, Silvano, Timoti ineza Deo Bedi Zeso Cristo tauimari tiadeni mari icanabaqquiza ettipe: —Zeso Cristocca uimape parrissa nitide, parrissa rreranitide −inerrerade. —Poua tauimari nemanehepe parrissa −inarraro. —Pouapa poua attissa inanarizarraro −ihinanarrarode.

Carasiadeniza 2:8

Deo Poua orrarirrarina Pedoro zosse inarrari, zodeodeniza Zeso Cristo tauimari eccorarizaniuarrine. Oua naqui zodeo querrena-rrararrarideniza Zeso Cristo tauimari ouaccora-rizaniuarrine oua cazosserrari.

Carasiadeniza 4:4

Naraha Deo pocca erredeni Zeso Cristo madirra iassa naha zosse inaronauiuarrinecca uada bacco teza amonerreza tossonarrari. Moizecca marinarraza ibora tauiuarrine tossonarraride.

Epesodeniza 1:9

Deopa iaza uima bicani inananiuarrine ecauaporrarope taide auatora taporaha rridapana iaza auato inanarraro. Narraro uimape Poua touini napoza: —Occa erredeniza arrima onananitoui −napode.

Epesodeniza 6:19

Otoui naqui Deoza uati uati titiquena narri. Nani ocappine-rrereza Zeso Cristo tauimari icassiuaueraniuarrinecca maride orreza touatti parrirenissa taniccaza madirra mari ocanabaqqui-rizauiuarrine. Narraro uima bicanipe taide Deorrine auatora taporaha rridapana Pouarrine touatorraro.

Corosadeniza 1:23

Nema tiquenaniuarrinepe Zesoza parri rrehe tizanapomanarini narri. Arri poua tauimari icassiuaueraniuarrinecca timittemanaporraro naqui tinebomana terrerarri. —Zeso Cristorrine icassiuauerezape Deoza bacco ineza etizenitoui −titizanapomana narri. Nazama poua tauimari uati uati onarrarona zama bazimaza ecomerarizaza torrarizarraroparri. Oua Paoro naqui Zeso oua cazosseza poua tauimari maride orrarizarraroparride.

Corosadeniza 1:27

Deo Poua touini naza pouadeniza auato inanarrarope zodeo querrena-rrararrarideni naco pocca danirri bicani carrimanauitoui. Narraro uimape narroraporaha Deorrine auato terreraccade. Arri Deocca uima bicanipe Poua Bedi Zeso Cristo tibodideniza torrarizarrariparra. Narrarirrinena niza tinauatonimanezape bica taniza timadimananitoui. Deocca deni torrehe naqui tiadeniza torranitoui.

Corosadeniza 1:6

Arrirraro Zeso Cristo tauimaripe pina tiadeni mari tocanabaqquirrarissa narraria zama onihi onihiza madirizemanarrarideni mittarizemanazapa Zeso Cristoza toquerrenarrariparra. Nezape uima bicani inanarizemanarraro. Tiadeni naqui narrarossa tiquenarraro. Deo titouideni uati uana taui uima timittemanezape pocca touati uaneheza parrissa tiquenarrarode. Nezape tiadeni naqui uima bicani tinanarizemanarraroparri.

Corosadeniza 2:2

Deo tibodideni tonauatizebaqquiuiuarrine, pocca touati uanehema tibodideni orrariqquinissa taniuarrine naqui touini onarraro. Deocca uima bicani auatora taporaha rridapape auato tarraro timittemananissa taniuarrine naqui damera onarraro. Narraro uima bicanipe Cristona parra. Pouaza tinoccodeni torrizera-zanapozape pouaza parrissa tiquenanissa taniuarrine titouideni Deoza uatide damera onarraro.

2 Tesaronicadeniza 1:10

Naraha ia Zozossede Zeso Cristo namiuarri ccaronapomazapa pocca madirra bazima pouarrine uimarideni tobicarrarideni pouaza: —Rrehe, tiape bica tinani, deni tirrani −quenarra, nauitoui. Arra Zeso Cristo pouaza parrissa quenarrari bazima poua qqui toquenazapa: —A, ia Zozossede dacorarrari, bica taui −quenauitoui. Nezape arri tiadeni naqui Zeso Cristo tauimari tiadeni mari icanabaqquiporraroza parrissa tiquenarrarorrine pouaza tetizemananitoui.

2 Tesaronicadeniza 2:7

Naraha pocca uima uaidira tanicca auatora taraha pouarrine madirra uapi taha uimasiri ihinauanemana nani qqui qqui izanaporraroparri. Naraha uimasiri deni torra-rreraccanirrine cacauadepa Deocca zossenirri madiccaui. Rridapana uimasiri denima torra-rreraniuarrine pouana uacossarrari. Naraha niza zotode narrari cacauade Deo iaccamacossaniza toccanizapa uimasiri denima auatomanitoui. Nezape uima oppina tehe torrarizanitoui.

1 Timoti 3:9

Pouadeni bodi uissoqquiri naza Deocca parrisseheza parrissa quenauissa tana. Narraro parrissehecca uimape taide ssamoqquiri inaporaha rridapanana Deorrine auato inanarizarraro.

Ebreodenidsa 1:3

Rrehe, narrari Deo Bedirrinena Imehi Deocca dacorehe, deni torrehe, canauatori canehe iaza auato tarraro. Pouapa pina Imehi Deossa narrari. Nauato tarrari. Bica tarrari. Meme, nami, bazima anirizarraricca poua atti dacorarraroza: —Anizanapona −naza pouarrine anizanaporrari. Nazama itoui zoqqueuiuarrine ibora tazapa poua emenerrine ibodicca uimasiri sse narizaza ibodi touissorraro. Zotode Deorrine deni torrazapa memeuarri toccamacossaniza Deo Bicabote uinori nauatoniuarri uittarirrari.

Ebreodenidsa 12:2

Poua tezerremara tocattaza parra rroppa tariui nazapa rricaqquiniuarri bacco tarrari. Ia naqui Zeso touira icattomama canana. Pouapa icca rrehenirri rrinede. Pouapa taide Deoza: —Rrehe Abi, Tettissa tinananiuarrine tiparrireni −naporrari. Pouarrine icca rrehenirri parrirenissa tarraro. Zesopa Imehiuarri toccamacossanizapa uatizehe imeni carriuitoui nauato taporrari. Narrarorrine aua porimacossaniza zoqquehe inauanarraro. Arri aua porimacossaniza izoqqueniuarrinepe oppina taraha pouapa cappina-rraraza poua ccaccorarraride. Nazapa parrissa nauatoniza Imehiuarri toccamacossanizapa madirra cacauade torrauiuarrine Deo Poua uinoriuarri uittarirrari.

Ebreodenidsa 7:7

Nama nazapa Meoquizedequi pouana Abarahaoza deni torraui auato tarrari. Narraro uimape ia bazima nauatoqquiri inani. Madirra poua tesseza Deocca biquehe torraniuarrine uati tarraripa deni torrarrari. Deocca biquehe pouaza torrarrarona arramani torrarrari.

Ebreodenidsa 8:1

Uima onihi onihi tiadeniza uati oneraha uima bicani deni torraniccape arrima narraro: Icca danirri Deoza dada toqquimade, icca uima uauati toqquimade deni torrauicca icarrini. Narraripa Zeso. Deorrine bazimaza deni torrazapa memeuarri madirrari. Deo Bicabote uinori nauatoniuarri uittarirrari.

1 Pedoro 1:12

Cristo-Mesia tauimari ecomeremana-porrarope pouadeni madimanaza torraniuarrine rrerani, zotodedeniccazana torraniuarrine. Deorrine pouadeniza auato inanaporrarope tiadenizana parrissa torrarraroparri. Arra Deo memeuarri madirrari Poua Corime namiuarri zosse inaronaza Poua Atti maridedeni bodideniza torrarizarrariparrade. Nazapa pocca dacorehema Zeso Cristo tauimari icassiuaueraniuarrinecca tiadeni mari mari totocanabaqquimana narraride. Deocca zozosse tabaqqui memeuarricca naco narraro uima bicani qqui toquenauiuarrine touini narronemanarrari.

1 Pedoro 1:20

Zeso Cristopa zama nauato-rreraccazama madirra Idinide torrauiuarrine Deo inanarroraporrari. Rridapanana zama rricaniuarrine touarrirarroneza tiadeni todinibaqquiuiuarrine arrirraro namiza ccaronarrari.

1 Pedoro 1:21

Pouapa tibodideni acco canaza Deoza rrehe tiquenarraro. Deorrine Zeso Cristo nauatonizapa Deo pocca deni torrehe, pocca dacorehe pouaza inanarraro. —Ia naqui ia tonauatonibaqquiuitoui −tiquenezape Deo Pouaza parrissa tiquenanissa tarraro.

1 Pedoro 3:18

Zeso Cristopa icca uimasiri manaconi ocasserani auaza zoqquerrari. Zoqqueui orrariraha pouarrine uimasiri manaconi parrirenissa tehe nema zanaponitoui. Pouapa uimasiri cappiraraha uimasiri inanemanarrarodenitoui ocasserani auarrari. Nama narraripa Deoza ia bacco inaniuarrine. Pouapa pina madirrassa naza assire zoqqueraha poua corime Deoza tomadinipomarrari.

1 Pedoro 3:22

Zeso Cristo nauatonizapa memeuarri toccamacossanirrari. Bazimaza deni torrazapa Deo uinori nauatoniuarri uittarirrari. Nauiza uittarizapa Deocca zozosse tabaqqui memeuarriccaza zosse zosse narrari. Auatoraqquiri narrarideni deni torrehe carrimana, dacorehe carrimana naraha narrarideniza naco Zeso Cristo zosse zosse narrari.

1 Zouao 1:2

Deopa narraro camittehe iaza noue inarrarode. Narraro camittehe qqui inarrarope arri ecomerarizarraroparri. Tiadeniza naqui narraro camittehe rriquerreranicca tauimarini uati inarraroparri. Narraro camittehepe Abi Deoza aniporraro. Narraro iaza auatorrarode.

1 Zouao 3:5

Naraha tiadenipe nauatoqquiri tiquenani: Arra Zeso Cristopa icca uimasiri inarricaniuarrine namiuarri ccaronarrari. Pouapa uimasiri cappirarra narrari.

1 Zouao 3:8

Naraha madirra uimasiri totonanadedenipa Deoza uauadide Tocorime-Taminecca madirra. Tocorime-Taminepa taide uimasiri inanarronarraroa rridapana arrirraroparri. Narraricca uaidirehe inarricaniuarrine Deo Bedi ccaronarrari.

Apocalipsis 17:5

Uassarinicca dozo nanipe imittaniuarrine ssamo inaccani. Narrarope arrima narraro: Oza panani imeni Babironiape uananehe rrinede. Ponicca marinarrarrine iboue, uaidirehe torrarizezape zama bazimaza uima torrari nazi tehe torrarizarraro.

Apocalipsis 17:7

Nazapa Deocca zozosse ouaza uati tarrari: —Nerrecotoui uarro tarraro? Arri amonerrecca uima auatora teraha tia onauattana. Arra bani siri tati 7, ori 10 narrari poua ideza amonerre uittariza eccarizarrarocca uima naqui auatora teraha tia onauattana −narrari.

Apocalipsis 7:9

Narraro uima rriquezape ocattoma cananerre madirra panauicca qqui onabaqquide. Qqui onabaqquiraha onocco ssonaqqui nade. Madirra zama onihi onihiza madirizemanarrarideni mota, uapideni onihi onihi carririzemanarrarideni mota, touatti onihi onihi carririzemanarrarideni mota naco qqui onabaqquirraride. Deni torrauicca uiuittari bicabote cauittariniuarri, Eueue Bedi tezerrema bazima domodeni uarrari. Eteroridenipa mopoqquiri narraro. Deoza uatizemanaza birirrari eppe zorrorro zorrorro canade.