1 Timoti 2:4 - Kulina New Testament Brazil

⁴ Pouapa madirra bazima tocassiuauerauiuarrine touini narrari. Pocca parrissehe tocauatterauiuarrine naco touini narrari.

Culina Mádija

⁴ Pohuapa madija huapima tocassiejerahijine tohuini najari. Pocca pajissehe tocahatterahijine naco tohuini najari.

1 Timoti 2:4 Iomraidhean Croise

Mateo 28:19

Nema nezape zama bazimaza otauimari maride rraui tirrarizarri. Madirra ouaza toquerrenauiuarrine maride dameraqquiri tiquenarri. “Rrehe, Zesoza iquerrenana” quenazapa Abi Deo onima, oua Deo Bedi oua onima, Deo Corime onima passo dopaniza niqui niqui titizanabaqquimana nana, onarraro.

Maraco 16:15

Nazapa denima uati tarrari: —Zama bazimaza rraui tirrarizarri. Madirra bazimaza otauimari madirra tocassiuauerauiuarrinecca teccorarize-manarri −naui nade.

Roca 1:77

Zouao, tiape icassiuaueraniuarrinecca uima ia Deo pocca madirra iquerrenarraro iaza uati tinarizanitoui. Deo icca uimasiri peperri inanezape niza pocca narrizoue torreza zori icanirenitoui.

Roca 14:23

Nazapa rripaqquie rrinede uati tapomarrari: “Rrari, rraui onihi oza panani inidiuarricca rraui ticcarizarri. Madirra ouahadeni teccanibaqquirro, rrauizimauiuarrine. Occa oza carriniuarrine, onarraro” narrari.

Roca 24:47

Narraro poua tauimari ecomerarize-manezape madirra bodideni cacarriqquimere-manauiuarrine naco uati toquenauitoui. Nazapa madirra pouadeni bodi cacarriqquimere-manaza: “Occa uimasiri onebona” quenazapa Deo poccadeni uimasiri peperri inananitoui. Narraro uima bicanipe madirra bazima mittarizemanauiuarrine Cristo-Mesiapa pocca zozosse tabaqqui mari narizemanauiuarrine zosse inarizabaqquiuitoui. Taidepa Zerozareza mari icanabaqquimanauitoui, zotodepa zama bazimaza maride rraui torrarizauitoui. Narrari Cristo-Mesiapa oua. Otauimari maridepa oua occa madirra zosse onabaqquiuiuarrine −narrari Zeso.

Huano 14:6

Naraha Zeso uati tade: —Ouape rraui orrani. Orrinena madirra Abiza bacco toquenauiuarrine. Ouape parrissehe rrinede orrani. Ouape camittehe rrinede orrani. Rridacca oua noue orrirezape madirrapa Abiza bacco toquena-rraranarra.

Huano 17:17

Ticca parrissehezara tinanabaqquirro, onarraro, uimasiri rrirehe madimanauiuarrine. Tettipe parrissa ponira.

Huano 6:37

Neraha ouape occa Abicca danirri ouaza rrauirronarrarideni bazimapa ouattarrobaqqui-rrarauitoui.

Romanodenidsa 11:14

Narraroza occa madirra motadeni uima bicani ticarrimanani qqui toquenaza: —Rraho, iaza torra naccaraho −quenazapa bodideni cacarriqquimere-manauiuarrine. Tossiuauehe naqui carrimanauiuarrine, onarraro.

1 Timoti 4:10

Narrarorrine ocasserani eraha nema nehe dameraqquiri ineza izepe irrirraroparri. Abi Deo camitta tarraripa ia tonassiuauabaqquiuiuarrine touini imadirraro. Pouapa madirra bazima Tonassiuauade. Pouaza rrehe quenarrarideni inassiuauabaqquiuitoui, parrissa.

2 Timoti 2:25

Deoza iboqquiri narrarideni naco mouaraza mari icanabaqqui-zanapona. Nama nazapa Deorrine bodideni cacarriqquimerauiuarrine uitide. Nazana marinarra parrisseheccazara parrissa quenauiuarrine.

2 Timoti 3:7

Ponidenipe poccadeni marinarra tocauattera-zanaporaha marinarra parrisseheccape mittemana-rrerarraro.

Titodsa 1:1

Nirra Tito? Ouape Paoro. Ouape Deocca zozosse orrani. Bedi Zeso Cristocca zozosse orrarraro. Zeso Cristopa oua cazosserraria arri poua tauimari ouacomera-rizezape pouaza rrehe quenauiuarrine. Deopa taide nauato taporraria arra madirra icatterriza-baqquirrariparra. Narrarideni Deo pocca parrissehe tocauatterauiuarrine pouadeni mari ocanabaqquiuiuarrine oua cazosserrari. Rrehe, Deocca parrissehepe Deo Pouaza imadinissa taniuarrine ia mari tocanabaqquirraro.

Titodsa 2:11

Rrehe, Deo madirraza uati cauanari canaui auato inanarraro. Narraroza madirra bazima tocassiuauerauiuarrine parrireni.

Ebreodenidsa 10:26

Ouimecotedeni, icca uimasiri manaconi Zeso zoqquerrari tauimari parrissa torrani nauatoqquiri inarraro. Naraha narraro uima bicani pina ponimassa inaneza uimasiri inana-zanapozape niza Deo iaza: —Rrehe, occa erredeni Zesorrine ticcadeni uimasiri rricarraro −narrarauitoui. Uimasiri nema inanarraro manaconi da inaniuarrinepe onihi nouerarraro.

Satiacocca 3:14

Naraha tibodideniza madirra carrirraricca acconi uadiqquiri, ticcadeni amonerreza tetideni uatoqquiri nezape tibodideni pina bida tarrarossa narraro. Tiadeni deni tinanemananiuarrine touira dameraqquiri tiqueneza naqui bica terrerani. Nezape: —Irrine bica tani −tiquenerrerarri. Tiadenipe parrissehecca touattehe ticappiremanani.

2 Pedoro 3:9

Ia Zozossede Deopa nama naraha madirra mota attidenipa: —Deo Poua uati taporrarissa inananiuarrine narro taui. Arrana, Zeso Cristo ccaniuicca uada tonarroni −quenarrari. Naraha Deopa narro-rraraui. Mouaraza titouideni madiccarrari. Pouapa madirra bazima parra rricariuiuarrine touini narraraui. Orraria zoqqueuiuarrine naco nacassera tarrari. Pouapa madirra bazima bodideni cacarriqquimeraza Pouaza toquerrenauiuarrine touini narrari.

2 Zouao 1:1

Nirra ouimecotedeni? Ouape Zesoza rrehe quenarrarideni cacauade orrani. Deo Attiza titiqueriqqui narrarodeni bazima Deocca tocatterrizabaqquinarra tiquerrenarraro. Deocca parrisseheza iquerrenarrarorrine tiadeniza ouati uana tarraro. Oua orrari onerrerani, arri ia bazima Deocca parrisseheza nauatoqquiri inarrarope tiadeniza eti uanaqquiri narraroparri.

Apocalipsis 14:6

Nezape Deocca zozosse memeuarricca ouaha qqui onade. Memeuarri ccauarraza Deo ia tonassiuauabaqquiuiuarrinecca uima eccauarrarraro, namiza madimanarrarideniza uati tarizauiuarrine. Arra madirra zama onihi onihiza madirizemanarrarideniza uati, madirra uapideni onihi onihi carririzemanarrarideniza uati, touatti onihi onihi carririzemanarrarideniza naco uati narizauiuarrine.