1 Timoti 1:15 - Kulina New Testament Brazil

¹⁵ Arrirraro uimape parrissa torrani. Narraro uimaza madirra bazima parrissa quenazapa bica tani. Narraro uimape arrima narraro: Zeso Cristopa arrirraro namiza ccaronarrari, madirra uimasiri tonanemanarrarideni inassiuauabaqquiuiuarrine. Madirra bazimapa uimasiri inanarizemanaraha ouana denima orrine uaidira tani onanarrarode.

Culina Mádija

¹⁵ Ajijaro imapi pajissa tojani. Najaro imadsa madija huapima pajissa quinadsapa bica tani. Najaro imapi ajima najaro: Jesocristopa ajijaro namidsa ccaronajari, madija imasiri tonanamanajarideni inassiajabaqquihijine. Madija huapimapa imasiri inanaridsamanaraha ohuana denima ojine tabaccora tani onanajarode.

1 Timoti 1:15 Iomraidhean Croise

Mateo 1:21

—Niza poni bedi tossonazapa onipa “Zeso” tana. (Ettizape: Ia Zozossede madirra Tonassiuauade, inarraro.) Narraripa pocca madirra inassiuauabaqquiuitoui, poccadeni uimasiri manaconi narrizoue pouadeniza inassonari-rreranitoui −narrari Deo Atti ccaccaronade atti.

Mateo 18:10

—Tibodideni tettidenima tiadeni tecauemananissa tarri. Madirra ouaza parrissa narrariza tettidenipe: “Ssamo tinani!” tiquena terrerarri. Occa madirra arramani tinanabaqquimana tarrararro, onarraro. Occa Abi Deo memeuarri madiuizapa pocca zozosse tabaqqui memeuarricca occa madirra cacauade madimanarrari. Narraridenipa Abi Deo Poua pano naco qqui qqui zanapomanarrari −nade Zeso.

Mateo 20:28

Arri oua Madirra Bedi orrarrarope madirra zosse zosse onaniuarrine occarrona-rrerarraro. Madirra acco ocanabaqquiuiuarrinena occarronarraro. Madirra poccadeni uimasiri manaconi pouadeniza ssonari-rreraniuarrine poccadeni uimasiri manaconipe ouana oua ouaccoranitoui −nade Zeso.

Mateo 9:13

Naraha madirrapa: “Iape bicaqquiri inani” quequenanarraridenicca uima onanabicaniuarrine occarrona-rrerarraro. Uimasiri totonanadedenicca uima onanabicaniuarrinena occarronarraro. Rrari, arrirraro uima ticauatterarri. Maittaccazama Deo Atti cacomerabote Ozea dozo inarraro: “Touati uanehe, acco canehe touini onani. Moizecca marinarrassa tinanemanezape ouaza ticcadeni bani bedi ono torrauiuarrine da da titiquena naraha madirra ouahaza tetideni uaneraqquiri nezape ticcadeni danirriza nacassera onani. Madirra bazimaza tetideni uanaqquiri naniuarrinena nacassa onani. Pouadeni acco ticanabaqquimanaza naco nacassa onani” napoui nade Deo −nade Zeso.

Maraco 2:17

Naraha Zeso pouadeni attideni mittaza manaco Zeso uati tarrari: —Nomiqquiri narraridenipa toponi totonanomide touini quena-rrararaha comaqquiri narraridenina toponi totonanomide touini quequenanarrari. Ouape pina toponi totonanomidessa onarraro. Madirradenicca uima Deoza tobicaniuarrine pouadeni accode occarronarrarode. Naraha madirrapa: “Iape bicaqquiri inani” quequenanarraridenicca uima onanabicaniuarrine occarrona-rrerarraro. Uimasiri totonanadedenicca uima onanabicaniuarrinena occarronarraro −naui nade Zeso.

Roca 15:2

Naraha zodeodeni mota marinarra parizeoza rrehe quenarrarideni, zodeodenicca marinarra maridedeni tezerrepa arra uimasiri sseqquiri narrarideniza Zeso carrimaui qqui toquenazapa nacasseraqquiri narrari. Nazapa atti atti quenarrari: —Arrana, arrarrari madirrapa uimasiri sseqquiri narrarideniza nirra naui tarri. Pouadeni tezerre naco rriparrari. Naraha iape pouadeni tezerre irripaniuarrinepe oppina tani, inarraro −quenarrari.

Roca 19:10

—Nazama arri oua Madirra Bedi orrarrarope madirra rrano toquerrenarrarideni pina arrarrari maqquiderressa quenarrari qquide occarronarraro. Uimasiricca zozosse toquerrenarrarissa quenaraha onassiuauabaqquiuiuarrine. Bazima ouaza parrissa quenazapa camittehe rriquerreranicca carrimanauiuarrine −narrari Zeso.

Roca 5:32

Naraha madirrapa: “Iape bicaqquiri inani” quequenanarraridenicca uima onanabicaniuarrine occarrona-rrerarraro. Uimasiri carrimanarraridenicca uima onanabicaniuarrinena occarronarraro. Pouadeni bodideni acco ocanabaqquiza: “Uimasiri inebona” quenauiuarrine, onarraro. Pouadeni bodi cacarriqquimerazapa Deocca uima zatiza toquerrenauiuarrine, onarraro −narrari Zeso.

Huano 1:12

Naraha madirra Zesoza parrissa naza: —Zeso ouaza torrana −nazapa narrarizana Deo uati uati tarrari: —Occa erredeni tirrarraro bica tani −nanarra narrari.

Huano 1:29

Nani Betaniaza imadiccazape narraro uada ssiuarraza Zouao Zeso ccarronaui qqui taza iaza uati tarraride: —Qqui tiquenarro! Arrarraripa Deocca danirri madirra bazimaza! Pouapa Deocca Eueue Bedi bicabote Deoza da da inarrarissa narrari. Niza zoqquezapa pouana madirra bazimacca uimasiri inanamossinitoui −nade.

Huano 12:47

Naraha madirra ouatti mittemanaraha pina ouatti mittemanarraraui narrarideni naco ozauabaqqui-rraraui. Ouape madirra zauade occarona-rrerade. Madirra tocassiuauerauiuarrinera occaronarrarode.

Huano 3:36

Nazapa Poua Bediza parrissa quenarraridenina camittehe rriquerreranicca carrimana-zanapouiuarrine. Naraha pouaza iboqquiri narraridenipa camittehe carrimana-rrarauitoui. Deo Pouana narrizoue rriquerreraniccaza inanabaqquiuitoui −naui nade Zouao Batista.

Tahimarideni 11:1

Nazama zama arobeni Zodeaza madimanarrarideni arra Zesocca zozosse tabaqqui uima mittemana, Zesoza rrehe quenarrari ouahadeni naco uima mittemana narrari: —Madirra ouaha zodeo querrena-rrararaha Deo Atti mittemanazapa parrissa quenaui −quenarrari.

Tahimarideni 11:18

Nezape narraro uima Zodeacca madirra arra zodeodeni Zesoza rrehe quenarrarideni mota mittemanazapa poccadeni boquehe nebomanarrari. Nazapa Deoza uatizemanarrari: —Rrehe, zodeo querrena-rrararaha Deopa pouadeniza naco uati uana tarrari. Deorrine bodideni cacarriqquimeraza Zesoza parrissa quenazapa camittehe rriquerreranicca carririzemanaui. Deopa bica taui! Deopa deni torraui! −quenarrari.

Tahimarideni 3:26

Narraria Deo Poua Bedi taide tiadeniza zosse inaronapoza pina madirrassa naha tossonarrariparrade. Nerrecotoui Poua Bedi arra namiuarri zosse inaronarrari? Poua Bedirrine tibodideni bazimaza uatizeheri inananiuarrine, arra pouapa tiadeni tonauarriui narrari ticcadeni uimasiri tinebomananiuarrine −narrari Pedoro poua imecote Izarraeo potemauideniza.

Romanodenidsa 11:14

Narraroza occa madirra motadeni uima bicani ticarrimanani qqui toquenaza: —Rraho, iaza torra naccaraho −quenazapa bodideni cacarriqquimere-manauiuarrine. Tossiuauehe naqui carrimanauiuarrine, onarraro.

Romanodenidsa 5:6

Iape irrine icassiuaueraniuarrine iparrire-rrerezape touati nauanaqquiri inapode. Naraha Deo uima inanarroraporrarocca uada bacco taza Cristo zoqquerraripa madirra uimasiri sseqquiri narraridenicca uimasiri manaconi zoqquerrari.

1 Corintodeniza 15:9

Nazama Zeso Cristocca zozosse tabaqqui taideccapa bicaqquiri naraha ouape arrimani orrarrarode. Taidepe Zeso Cristoza toquerrenarrarideni Deo Attiza totoqueriqqui narrarideni ohonarrizobaqqui naccade. Zeso Cristocca zozosse tabaqqui orraniuarrine bica onerrereraha Zeso pouarrinena pocca zozosse orrarrarode.

Epesodeniza 3:8

Zeso Cristoza toquerrenarrarideni mota uapi taha bicaqquiri naraha ouape bica onerrerani. Occa uima rradanipe uaidira tade. Ouape Deocca madirra bazimaza arrimani orrani. Nema oneraha Deona ouaza bica tarrari. Oua tocatterrizazapa tozepe irrie bicani ouaza da inarrarode. Narrarope arri zodeo querrenarrararrarideniza Zeso Cristo tauimari icassiuaueraniuarrinecca uima bicani maride occarizaniuarrine.

1 Timoti 1:13

Ouape taide pouaza uaidira oneraha nema nehe pocca touati uanehe ouaza auato inanarraro. Taide Zeso Cristoza orrarreraqquezape poua tauimari rricaniuarrine touini oneza ouatti uaidira taniccaza uati uati onade. Pocca madirra naco ohonarrizobaqqui naccade. Poua oniza tatamasso ohonanaccade. Bica onerrereraha Deopa ouaza uati uana taza occa uaidirehe manaconi oua narrizo-rrararrari. Zeso Cristoza rrehe onarreraqqueza uaidirehe onanarizani ssamo onaqqueza Deo ouaza nama narrari.

1 Timoti 1:19

Zesozara rrehe tizanaporri. Tibodicca uima bicani uauatoma narrarora tinanazanaporri. Madirra motapa nama quenauiuarrine iboqquiri narrari. Pouadeni bodideni uatoue bicanicca ettarromanezape uaidirehera touini quenazapa poccadeni rrehenirri tossamorraro.

1 Timoti 3:1

Rrehe, uima onihi parrisseheccape arrima narraro: Madirra attipa: —Rrehe, Zesoza rrehe quenarrarideni cacauade orraniuarrine touini onani −nazapa cacauehe bicani touini narrari.

1 Timoti 4:9

Arrirraro uima tiaza dozo onarrarope parrissa. Narraro uima nemaneheza madirra bazima rrehe quenana. —Parrissa rreranitide −quena-rrarana, onarraro.

1 Timoti 6:13

Rrehe Timoti, Deopa bazima madirizemanarrarideni camitta inanabaqquirrari. Zeso Cristopa tamine Ponsio-Pirato baccouarri uaza pocca uima bicani ecomerarrarode. Narrarideni pamahapa ouatti nauatoto taza tia ocazosserraro:

2 Timoti 2:11

Arrirraro uimape parrissa torrani: Iape Cristo poua tezerre ecotarrarossa nezape niza zotode Cristo poua tezerre imadinitoui.

Titodsa 3:8

Nazama Tito, arri tiaza uima dozo onarrarope parrissa. Arrirraro uimaza Deoza rrehe quenarrarideni maride damera tinarri, onarraro. Naui uima bicaniza zepedeni irririzemanaza madirra naco acco icanarizabaqqui-manauiuarrine. Narraro uimape bica tani. Narraro uimazana madirra bazima tobicarizemanauiuarrine.

Ebreodenidsa 7:25

Nama nazapa pouaza rrehe inezape pouarrine Deoza iarriressirraro. Icassiuauera-zanaponiuarrine naqui pouana parrireui. Pouana madizanaporrari. Itoui Deoza uati uati zanapouitoui, ia acco tocanabaqquiuiuarrine.

1 Zouao 3:5

Naraha tiadenipe nauatoqquiri tiquenani: Arra Zeso Cristopa icca uimasiri inarricaniuarrine namiuarri ccaronarrari. Pouapa uimasiri cappirarra narrari.

1 Zouao 3:8

Naraha madirra uimasiri totonanadedenipa Deoza uauadide Tocorime-Taminecca madirra. Tocorime-Taminepa taide uimasiri inanarronarraroa rridapana arrirraroparri. Narraricca uaidirehe inarricaniuarrine Deo Bedi ccaronarrari.

1 Zouao 5:11

Arri iaza Deo pocca uima ecomerarrarope camittehe rriquerreranicca iaza da inarraro. Narraro camittehe rriquerreraniccape Deo Bedizana anirraro.

Apocalipsis 21:5

Nazapa arra Deni torrauicca uiuittariza uittari canarrari Attipa: —Ouape bazima zati onanarizaui −nade. Poua Atti onihi naqui: —Arrirraro uima dozo tarri. Arrirraro uimape parrissa. Uimape pina arrirrarossa nehe torranitoui −nade.

Apocalipsis 22:6

Nazapa Deocca zozosse ouaza uati tapomarrari: —Arrirraro uimape parrissa. Uimape pina arrirrarossa nehe torranitoui. Ia Zozossede Deopa Poua Atti cacomeraqquiri narrarideniza Poua Atti inanarizaporraro. Narrari Deopa oua zosse naronarrari. Ouape pocca zozosse, pocca zozossedeniza pouadeni tezerremacca uima torrabote nanicca auato onananiuarrine occaronarraro −nade ouaza.

Apocalipsis 5:9

Pouadenipa arrie zati rriri icanemanezape arrama quenarrari: —Tiana bicabote deni tirrani orrari tarraro. Papeo pico naqquini tidirraro bica tani. Nepi tamaroni 7 nehe carriraha titaboni uarrine bica tani. Tiana tia inanazoqque-maneza temene toccarraroza Deoza toquerrenauiuarrine mitta tinabaqquirraride. Arra madirra zama onihi onihiza madirizemanarrarideni mota, touatti onihi onihi carririzemanarrarideni mota, uapideni onihi onihi carririzemanarrarideni mota tirrine Deoza toquerrenarizarrari.