1 Timoti 1:14 - Kulina New Testament Brazil

¹⁴ Nezape ia Zozossede Deo pocca touati uanehe motarehe ouaza inanarraro. Pouarrine naqui Zeso Cristoza rrehe onaniuarrine oparrirerraro. Pouarrine pocca touati uanehe ouaza inaneza naqui Pouatoui ouati uana taniuarrine oparrirerraro.

Culina Mádija

¹⁴ Nadsapi ia Medsede Dio pocca tohuati huanehe motarehe ohuadsa inanajaro. Pohuajine naqui Jesocristodsa jehe onanijine opajirajaro. Pohuajine pocca tohuati huanehe ohuadsa inanadsa naqui Pohuatohui ohuati huana tanijine opajirajaro.

1 Timoti 1:14 Iomraidhean Croise

Mateo 20:9

Nazapa zotode tarabaia quenarridenizaha pouadeniza ccarara carrarie 1 denario da inarizaporrarope pina tarabaia uada orrarie manaconissa nehe da inarizarraro. Pouadeniza pouadeniza inanarizarraro.

Tahimarideni 15:11

Naraha nema tiquenerrerarri, inarraro. Ia Zozossede Zesona pocca touati uanehema pocca dacorehema ia tonassiuauabaqquirrari. Narraro uimaza parrissa inarraro. Zodeo querrena-rrararrarideni naco pina iassa quenarrari. Zesopa pocca touati uanehema pocca dacorehema pouadeni naco inassiuauabaqquirrari −narrari Pedoro atti.

Romanodenidsa 16:20

Rronehe rrinede Deopa pocca uauadi Tocorime-Tamine arramani inanauiuarrinecca uada bacco tabote nani. Pouarrine pina temorideniza ttai tinanaqquimanarrarissa nauitoui. Ia Zozossede Zeso Cristopa tiadeniza uima bicani inanana, onarraro.

1 Corintodeniza 15:10

Naraha Deopa ouaza bica tarrari. Occa narrizoue peperri inanarrarode. Oua catizezapa pocca zozosse orrarraro. Pocca biquehe naqui ponima ouaza torra-rrerani. Narrarorrinena Pouaza ozepe irrinissa tarraro. Nazama motadenipa arramani zepedeni irrimanarrari. Naraha ouana denima ozepe irrirraro. Arri ozepe irrirrarope orrine rrerani. Deo oua acco canaza ozepe irririzarraro.

1 Corintodeniza 3:10

Ouape pina oza nanauatode nauato tarrarissa onarraro. Deo ouaza bica taza Pouarrine Zeso Cristo tauimari tiadeni mari ocanabaqquirrarope pina oza ocanauatoza ueuema ppa oppirizarraro, ocanapiri narrarossa narraro. Orrine oza canapirirrarope Deocca zozosse ouahana rraca icananiuarrine, ouahapa coba icananiuarrine. Narraridenipa tiadeni maride toquerrenarrari pina oza rraca icanemanarrarossa, pina coba icanemanarrarossa quenarrari. Naraha rrarracadedeni, cocobadedeni bazimapa zepedeni panauissa tazana bica tani.

2 Corintodeniza 4:15

Arri ocasserani inauanarraro bazimape ponima rrerani. Tiadeniza uima bicani torraniuarrinena inauanarizarraro. Nezape tiadeniza, madirra ouahadeniza naqui Deocca touati uanehe torrarizeza madirra uapi taha Deoza: —Rrehe Abi Deo, tirrine bica tani −quenauitoui. Pocca deni torrehe, pocca biquehe naqui qqui toquenauitoui.

2 Corintodeniza 8:9

Tiadenipe ia Zozossede Zeso Cristocca biquehe, pocca touati uanehe nauatoqquiri tiquenani. Pouapa memeuarri madiza bazima carrirrari. Cappira-rraraha madiuissa taporrari. Naraha titouideni namiuarri ccaronazapa pina cappirarrarissa naha madirrarirrine tiadenipe sseqquiri tiquenarraro.

Carasiadeniza 1:13

Tiadenipe occa uima taidecca timittemanapode. Taidepe zodeodenicca marinarrazara damera onapoccade. Occa uima timittemanaporraro naqui arra Deocca madirra Zeso Cristoza rrehe quenarrarideniza uaidira onaporrarode. Zeso Cristo tauimari nebomanauiuarrine pouadeni ohonarrizobaqquiriza narraride.

1 Tesaronicadeniza 1:3

Rrehe, Deoza uatide iquerrenezape ticcadeni uima bicani eti rrima-rrerarraro. Ticcadeni rrehenirri dacorarraroa tizepedeni ihirrimana narraroparri. Deocca zosseheza tizepedeni irrimaneza naqui touati uanehema tizepedeni ihirririzemana narraroparri. Ia Zozossede Zeso Cristocca tossiuauehetoui timadimanezape tiadeniza ocasserani ssonariraha tinauanemananiuarrine dacoraqquiri tiquenarraro.

1 Tesaronicadeniza 5:8

Naraha iape ssiuarranicca madirra iquerrenarrarope inocco rranoraqquiri nehe imadirraro. Ibodi uatoue imadirraro bica tani. Iape pina isso teppeppe rrazireza biquera-rrarauiuarrine poua bacco cacauauiuarrine ccara tanicca carri, poua tati cacauauiuarrine ccara tanicca carri narrarissa inana. Uimasiri inana-rreraniuarrine ia ecauaniuarrinepe Deoza icca rrehenirri icarri, Deocca touati uanehe icarri narraro. Icassiuaueraniuarrine touini inarrorehe imadirraroparri.

1 Timoti 2:15

Nema narraroa amonerredeni erredeniza tocassonemanezape ocasserani ihinauanemana neraha Deopa amonerredeni inassiuauabaqquinitoui. Rrehe, ponideni tocassiuaueraniuarrinepe Deoza rrehe zanapomanana. Madirra bazimaza uatinideni uanaqquiri nana. Uima rrirehe Deoza madimananissa tana. Mouaraza uima bicanira ihinanemana nana. Nema quenezape tocassiuaueranitoui, onarraro.

1 Timoti 4:12

Naraha madirra attideni tiaza: —Zabisso tirrani. Ssamo tinani. Tettiza iboraqquiri inaniuarrinequi? −quenazapa ticappine-rrerarri. Attideniza naqui rrehe terrerana, onarraro. Manaco ticca madiera denima bica tinaneza Zeso Cristoza rrehe quenarrarideni qqui toquenazapa pina ticca madiessa inanemananitoui. Uima bicanira uati uati tinezape pouadeni naco uima bicani uatide tocauatterauiuarrine. Madirra bazimaza teti cauanari canezape pouadeni naco touati uanehe tocauatterauiuarrine. Deoza ticca rrehenirri dacorani qqui toquenazapa poccadeni rrehenirri todacoraniuarrine. Uimasiri tinane-rreraniuarrine tia cacauade nauato tinezape pouadeni naco pouadeni cacauade tocauatterauiuarrine.

1 Timoti 6:11

Naraha Timoti, Deocca madirra tirrani. Pouaza tizepe irrizape uima uaidira taniccaza tiarrini narri. Ticca madie Deocca zossenirriza parrirenissa taniuarrinepe damera tinarri. Deoza ibora tinezape Zesoza rrehe tizanaponiuarrine damera tinarri. Deoza teti uana, madirra bazimaza teti uana taniuarrine naqui damera tinana. Ocasserehe tiaza ssonariraha orri terrereza tinauanarri. Rrone tinehe timadiniuarrine naqui damera tinarri.

2 Timoti 1:13

Rrehe Timoti, Zeso Cristo tauimari parrissehecca tia mari ocanaporrarope tinebo terrerarri. Cristoza rrehe tizanapozape pocca touati uanehema teti uana tehe timadi-zanaporri.

2 Timoti 2:22

Zabissodeni touini quenauicca touini terrerarri. Poccadeni uaidirehezape tiarrini narri. Ticca madie Deozara parrirenissa taniuarrine damera tinarri. Zesoza rrehe tarrarope tinebo terrerarri. Deoza teti uana, madirra bazimaza teti uana tehe timadirri. Rrone tinehe timadi-zanapona. Ia Zozossede Deo pocca madirra bodideni uissoqquiri narrarideni tezerre uimasiri rrirehe nema tizanapomanarri, onarraro.

Titodsa 2:2

Rradauideni arrama quenauiuarrine mari ticanabaqquirro. Mouaraza madimanana. Naui madirra ouahadeni madierideni qqui toquenazapa: —Rrehe, poccadeni uima bica tani −quenauiuarrine. Bodideni uatome-manauissa taza uima bicanira tocatterrizade nauatoqquiri nauiuarrine. Pina arri Deocca uimassa narrarora icatterrizemananiuarrine. Rradauidenipa Zesoza rrehe quenauissa tauiuarrine. Deocca touati uanehema bazimaza uatideni uanaqquiri nauiuarrine. Uima ocassera tanicca naqui mouaraza inauanemana-zanaponiuarrine.

1 Pedoro 1:3

Deopa ia Zozossede Zeso Cristocca Abi. Pouaza etizeza ettipe: —Abi Deo bica tinani, deni tirrani! −inana, onarraro. Pouapa itoui uati cauanari canaza Pouarrine ibodi zati torrarraro. Pina issonapomarrarossa inarraro. Zeso Cristo zoqqueza nauatonirrarirrine ettipe: —Ia naqui izoqqueraha inauatoniza imadipomanitouiua −inarraro.

1 Zouao 4:10

Iape Deoza eti uanaqquiri napo-rrereraha Deopa iaza uati uana taza Poua Bedi iaza zosse inaronarrari. Bedipa itoui poua ccaccorazapa icca uimasiri manaconi torrarrariparra. Narrarona touati uanehe parrissehecca.

Apocalipsis 22:21

Ia Zozossede Zeso Cristo tiadeni bazimaza uima bicani inanana, onarraro. Parrissa nema nana. Peperri.