1 Timoti 1:1 - Kulina New Testament Brazil

^1-2 Nirra Timoti? Ouape Paoro tiaza occa uima dozo onarraro. Zeso Cristocca zozosse orrani. Deo Atti mari ocanabaqquirizauiuarrinepa Abi Deo, Poua Bedi Zeso Cristo tezerre oua zosse iquenarraro. Ia Tonassiuauade, Poua Bedi Zeso Cristopa itoui ccanipomauiuarrine pouatoui imadirraro. Rrehe Timoti, Zeso Cristoza rrehe tezape parrissa pina occa erredenissa tarraro. Nezape icca Abi Deo, ia Zozossede Zeso Cristo tezerre tiaza uima bicani inanemanana. Poccadeni touati uanehema tia acco icanemanana. Poccadeni rronehe naqui tiaza torrana, onarraro.

Culina Mádija

^1-2 ¿Nija Timoteo? Ohua Pablo tiadsa occa ima dsodo onajaro. Jesocristocca dodosse ojani. Dio Atti mari ocanabaqquiridsahijinepa Abi Dio, Pohua Bedi Jesocristo tedseje ohua dosse quinajaro. Diopa ia Tonassiajade, Pohua Bedi Jesocristopa itohui ccanipomahijine pohuatohui imadijaro. Jehe Timoteo, Jesocristodsa jehe tadsapi pajissa pina occa ejedenissa tajaro. Nadsapi icca Abi Dio, ia Medsede Jesocristo tedseje tiadsa ima bicani inanamanana. Poccadeni tohuati huanehema tia acco icamamanana. Poccadeni jonehe naqui tiadsa tojana, onajaro.

1 Timoti 1:1 Iomraidhean Croise

Roca 1:47

Oua ocorimema Deo oua Tonassiuauadeza ouatizeri narraro.

Roca 2:11

—Rridapanapa tiadeni Tonassiuauade tossonaui, tamine Dabicca zamabote Bereiaza. Pouapa ia Idinide Cristo-Mesia narrari.

Tahimarideni 9:15

Naraha ia Zozossede Zeso Ananiaza: —Rrari, nema nehe ticcarri, pina ouattissa tinanarri. Saoro ocatterrizarrari. Pouapa occa uimaza zepe irririzauitoui. Zama bazimacca madirra, taminedenima mari icanabaqquiuiuarrine. Izarraeodeniza naco otauimari mari icanabaqquiuiuarrine. Nazapa otauimariza: “Rrehe, Zesopa parrissa Deo Bedi” quenauiuarrine, onarraro.

Romanodenidsa 1:1

Nirra ouimecotedeni? Ouape Paoro, Zeso Cristocca zozosse, tiadeniza occa uima dozo onarraro. Zeso Cristocca zozosse orraniuarrinepe Deo otoui uaua narraride. Narraroa arri pocca uima bicani madirra tocassiuauerauiuarrinecca mari mari ohocanabaqquiriza nauiuarrine omadirraro.

1 Corintodeniza 1:1

Ouimecotedeni, ouape Paoro tiadeniza dozo onarraro. Deo nacassa taza Zeso Cristocca zozosse orraniuarrine ouaza uaua narraride. Ouimecote Sostene tezerre tiadeniza nirra inarraro.

1 Corintodeniza 9:17

Nazama oua touini oneza Zeso Cristo tauimari maride orrezape: —Ozepe irrirraro manaconi −onanitouiraha. Deo Pouana oua tocatterrizaza oua cazosserraride. Nazama pocca zossenirri ouaza bica terre, bica terrererre naraha oneboniuarrine ssamo tani.

2 Corintodeniza 1:1

Nirra, ouimecotedeni? Ouape Paoro. Tiadeniza dozo onarraro. Deo nacassa taza Zeso Cristocca zozosse orrarraro. Ouimecote Timoti tezerre tiadeniza: —Nirra, bicaqquiri tiquenaqui? −inarraro. Arrirraro uimape nani zama arobeni Acaiacca oza panani Corintouarricca Deo Attiza titiqueriqquimana narrarodeniza dozo inarraro. Narraro ticcadeni zama arobeniza Zeso Cristoza rrehe quenarrari madirizemanarrarideniza naqui dozo inarraro.

Carasiadeniza 1:1

Nirra ouimecotedeni? Occa uima tiadeniza dozo onarraro. Ouape Paoro, Zeso Cristocca zozosse orrani. Madirra atti touaccade orrarrerani. Madirrapa oua zosse narizade noueraui. Oua zossedepa Zeso Cristo, poua nauatonide Abi Deo tezerre.

Carasiadeniza 1:11

Ouimecotedeni, arrirraro uima timittemananissa tana: Zeso Cristo tauimari icassiuaueraniuarrinecca tiadeniza ouacomerarrarope madirra poua bodiza inauatorraro rrerani.

Corosadeniza 1:27

Deo Poua touini naza pouadeniza auato inanarrarope zodeo querrena-rrararrarideni naco pocca danirri bicani carrimanauitoui. Narraro uimape narroraporaha Deorrine auato terreraccade. Arri Deocca uima bicanipe Poua Bedi Zeso Cristo tibodideniza torrarizarrariparra. Narrarirrinena niza tinauatonimanezape bica taniza timadimananitoui. Deocca deni torrehe naqui tiadeniza torranitoui.

2 Tesaronicadeniza 2:16

Nazama arra ia Zozossede Zeso Cristo, Abi Deo tezerre iaza uatideni uanana tarrari. Pouadeni pamaha bicaqquiri naza ibodi acco acco totocanabaqquimana zanaporrariparra. Pouadenirrine itezerremacca uima bicani iaza torraniuarrine nauatoqquiri inehe imadirraroparri.

1 Timoti 1:12

Ouape ia Zozossede Zeso Cristoza: Rrehe, tirrine bica tani, onarraro. Arri poua tauimari maride occarizaniuarrine ouaza pocca dacorehe inanezape ouatizerraro. Rrehe, poua attiza ibora onaniuarrine nauato tapozapa oua zosse tarrari.

1 Timoti 2:3

Deoza uati uati inanipe bica tani. Ia Tonassiuauade Deo uatize taui.

1 Timoti 2:7

Narrarope Zeso poua tauimari ouacomera-rizaniuarrine otoui uaua nazapa pouarrine pocca zozosse orrarraro. Zodeo querrena-rrararrarideni poua tauimariza parrissa quenauiuarrine, pocca parrisseheza naco rrehe quenauiuarrine mari ocanarizabaqquiuiuarrine oua zosse tarrari. Parrissehera dozo onarraro, omaize-rrerani.

1 Timoti 4:10

Narrarorrine ocasserani eraha nema nehe dameraqquiri ineza izepe irrirraroparri. Abi Deo camitta tarraripa ia tonassiuauabaqquiuiuarrine touini imadirraro. Pouapa madirra bazima Tonassiuauade. Pouaza rrehe quenarrarideni inassiuauabaqquiuitoui, parrissa.

Titodsa 1:3

Rrehe, narraro uima zati bicanipe rridapana Deo inanarroraporrarocca uada bacco teza iaza auato inanarraroparri. Narraro Poua tauimari mari ocanabaqquiuiuarrine ia Tonassiuauade Deo oua zosse narizarrariparra. —Ouatti tecomerarizarri −narrariparra ouaza.

Titodsa 2:10

Botimana-rrarana. Maizemana-rraraza pouadeni zossede atti inaparriremananissa tana. Naui poccadeni madie qqui toquenazapa: —Ia Tonassiuauade Deocca marinarra bica tani −quenauiuarrine.

Titodsa 2:13

Rrehe, Deocca touati uanehema imadizape Zeso Cristo ccanipomauicca uadatoui imadirraro. Arra icca Deo bicabote ia Tonassiuauade Zeso Cristo ccanipomazapa poua zibehinema pocca deni torrehema auato taha ccanipomauitoui. Narraro parrissa torrezape etizenitoui.

Titodsa 3:4

Naraha arra ia Tonassiuauade Deo Pouana madirra bazimaza uati uanarride razapa pocca biquehe, pocca touati uanehe zama bazimacca madirraza auato inanarizarraroparri.

Titodsa 3:6

Deopa Poua Bedi Zeso Cristoza Poua Corime da inaza manaco Zeso Cristo ia Tonassiuauadena iaza da inarizarrariparra. Deo iaza accora taza Poua Corime namanaha iaza inanarizarrariparra.

1 Pedoro 1:21

Pouapa tibodideni acco canaza Deoza rrehe tiquenarraro. Deorrine Zeso Cristo nauatonizapa Deo pocca deni torrehe, pocca dacorehe pouaza inanarraro. —Ia naqui ia tonauatonibaqquiuitoui −tiquenezape Deo Pouaza parrissa tiquenanissa tarraro.

1 Pedoro 1:3

Deopa ia Zozossede Zeso Cristocca Abi. Pouaza etizeza ettipe: —Abi Deo bica tinani, deni tirrani! −inana, onarraro. Pouapa itoui uati cauanari canaza Pouarrine ibodi zati torrarraro. Pina issonapomarrarossa inarraro. Zeso Cristo zoqqueza nauatonirrarirrine ettipe: —Ia naqui izoqqueraha inauatoniza imadipomanitouiua −inarraro.

2 Pedoro 1:1

Nirra ouimecotedeni? Ouape Simao-Pedoro, Zeso Cristocca zozosse orrarraro. Pocca marinarra mari ocanabaqqui-rizauiuarrine oua cazosserrari. Nezape occa uima teppe tiadeniza dozo onapomarraro. Zeso Cristopa icca Deo, ia Tonassiuauade. Pouapa tiadeniza bica tarrari, pocca uima tiadeniza parrirenissa tarraro. Pouarrinena pouaza parrissa tiquenarraro, pina ia pouaza parrissa inarrarossa tiquenarraro.

1 Zouao 4:14

Arra Zeso inoccoza qqui inarrari tauimari irrine auato taniuarrine inaza poua tauimari uati uati inarraroparri: Abi Deopa pocca Erredeni zosse inaronarrari, zama bazimacca madirra Tonassiuauade torrauiuarrine.

Jodacca 1:25

Nema nezape ia Tonassiuauade Deoza etizena. Deopa orrariui. Nazama aniporrari. Ouaha noueraui. Ia Zozossede Zeso Cristorrine icassiuauerarraroparri. Deo Pouaza: —Icca Tamine bicabote deni tirrani, daco tirrirani −inarraro. —Bazima Zossede tirrarraro. Tiape taidezama nema tarronarraroa rridapana nema tani parri nani. Nema tizanaponitoui −inarraro Deoza. Parrissa nema nana. Peperri.