Zekariya 8:4 - Kinyarwanda Bibiliya Ntagatifu

⁴ Avuze atya Uhoraho, Umugaba w’ingabo: Abasaza n’abakecuru, buri wese yicumba akabando ke, bazongera kwicara ku bibuga by’i Yeruzalemu.

Bibiliya Yera

⁴ Uwiteka Nyiringabo aravuga ati “Hazaba igihe abasaza n'abakecuru bazongera kuboneka mu nzira z'i Yerusalemu, umuntu wese azaba yicumba inshyimbo kuko azaba ashaje cyane.

Bibiliya Ijambo ry'imana D

⁴ Uhoraho Nyiringabo arakomeza ati: “Abasaza n'abakecuru bazongera bicare ku mihanda y'i Yeruzalemu, bishingikirije utubando kubera izabukuru.

Bibiliya Ijambo ry'imana

⁴ Uhoraho Nyiringabo arakomeza ati: “Abasaza n'abakecuru bazongera bicare ku mihanda y'i Yeruzalemu, bishingikirije utubando kubera izabukuru.

Zekariya 8:4 Iomraidhean Croise

Yobu 42:17

Nuko Yobu apfa yisaziye neza, yarabonye ibintu n’ibindi.

Yobu 5:26

Uzajya gupfa ushyize kera, nk’uko barunda imiba y’ingano zeze.

Iyimukamisiri 21:19

uwamukubise azababarirwa icyaha niba nyir’ugukomereka ageze aho akabasha kubyuka no gusohoka, kabone n’aho yaba agendera ku kibando. Gusa, uwamukubise azamuriha iminsi yose yamaze atikorera, kandi agomba kumuvuza kugeza igihe akiriye.

Yeremiya 31:13

Ubwo inkumi zizabyina zidagadure, kimwe n’abasore n’abasaza. Umubabaro wabo nzawuhinduramo ibyishimo, mbakomeze, abagowe mbahe kwidagadura.

Yeremiya 31:24

Abahinzi n’aborozi bose bazatura hamwe muri Yuda no mu migi yayo.

Zekariya 2:4

Nuko ndabaza nti «Aba se bo baje kumara iki?» Aransubiza ati «Amahembe wabonye ni yo yatatanyije Yuda ntihagira n’ubyutsa umutwe. None aba bacuzi baje kujegeza no gukura amahembe y’ayo mahanga, yahagurukiye gutatanya igihugu cya Yuda.»

Abeheburayo 12:22

Mwebweho mwaje mugana umusozi wa Siyoni n’umurwa w’Imana Nzima, ari wo Yeruzalemu yo mu ijuru, n’inteko itabarika y’abamalayika bakereye ibirori;

1 Samweli 2:31

Dore igihe kiraje nkaguca intege, wowe n’umuryango wa so: nta mukambwe uzongera kurangwa mu muryango wawe.

1 Samweli 2:32

Mu Ngoro uzahasimburwa n’utari uwawe, uzamubona ubone n’ibyiza byose azakorera Israheli; naho mu muryango wawe, nta mukambwe uzaharangwa ukundi.