Zekariya 4:7 - Kinyarwanda Bibiliya Ntagatifu

⁷ Uri iki se, wa musozi we muremure? Uzahinduka ikibaya imbere ya Zorobabeli, azakuramo ibuye ry’ifatizo bashimagiza, bagira bati ’Mbega ibuye ryiza! Ni ryiza rwose!»

Bibiliya Yera

⁷ “Wa musozi munini we, wiyita iki? Imbere ya Zerubabeli uzaba ikibaya. Azazana n'ibuye risumba ayandi, barangurure bati ‘Nirihabwe umugisha! Nirihabwe umugisha!’ ”

Bibiliya Ijambo ry'imana D

⁷ Zerubabeli we, ingorane zawe nubwo zingana umusozi nzazikuraho. Ingoro yanjye uzayishyiraho ibuye ryo kuyisoza, maze baritangarire bati: ‘Mbega ukuntu ari ryiza! Mbega ukuntu ari ryiza! ’ ”

Bibiliya Ijambo ry'imana

⁷ Zerubabeli we, ingorane zawe nubwo zingana umusozi nzazikuraho. Ingoro yanjye uzayishyiraho ibuye ryo kuyisoza, maze baritangarire bati: ‘Mbega ukuntu ari ryiza! Mbega ukuntu ari ryiza! ’ ”

Zekariya 4:7 Iomraidhean Croise

Ezira 3:10

Nuko bubaka imfatiro z’Ingoro y’Uhoraho. Bakizubaka, abaherezabitambo barabegera; bari bambaye imyambaro yabo kandi bavuza impanda, bakaba bari kumwe n’abalevi bene Asafu bafite ibyuma byirangira, kugira ngo basingize Uhoraho, nk’uko Dawudi, umwami wa Israheli yari yarabitegetse.

Zaburi 114:4

imisozi miremire isimbagurika nk’amapfizi y’intama, n’utununga dusimbagurika nk’abana b’intama.

Zaburi 114:6

Mbe misozi miremire, mutewe n’iki gusimbagurika nk’amapfizi y’intama? namwe tununga, mutewe n’iki gusimbagurika nk’abana b’intama?

Zaburi 118:22

Ibuye abubatsi bari barajugunye, ni ryo ryahindutse ibuye ry’insanganyarukuta !

Zaburi 84:11

Kuko umunsi umwe mu nkomane zawe undutira iyindi igihumbi namara ahandi, mpisemo kwigumira mu irebe ry’Ingoro y’Imana yanjye, aho gutura mu mahema y’abagiranabi.

Yesaya 28:16

Nyamara, Nyagasani Imana avuze atya: Dore nshyize muri Siyoni ibuye rikomeye, ibuye ry’insanganyarukuta kandi ry’agaciro gakomeye, kugira ngo ribabere ifatizo. Uzaryishingikiriza wese, nta bwo azanyeganyega.

Yesaya 41:15

Dore nkugize imashini nshya icukura ubutaka kandi ifite amenyo asongoye, ugiye gutengagura imisozi, uyishwanyaguze, n’udusozi uduhindure umurama.

Yeremiya 33:11

hazongera humvikane urusaku rw’ibyishimo n’umunezero, indirimbo y’umukwe n’imbyino y’umugeni, ndetse n’indirimbo z’abazanye ibitambo byo gushimira mu Ngoro y’Uhoraho, bagira bati «Nimusingize Uhoraho Umugaba w’ingabo kuko ari umugwaneza; urukundo rwe rugahoraho iteka!» Ni koko — uwo ni Uhoraho ubivuze — iki gihugu nzakivugurura, gisubire uko cyahoze mbere.

Yeremiya 51:25

Tuzabonana nawe, Musozi w’icyorezo, wowe urimbura isi yose, uwo ni Uhoraho ubivuze. Nzaguhagurukira, nguhananture hejuru y’urutare, maze nguhindure umuyonga.

Mika 1:4

Aho anyuze, imisozi irashonga, ibibaya bikika, mbese nk’ibishashara bishongeshwa n’umuriro, cyangwa nk’amazi amanuka ahantu hacuramye.

Mika 4:1

Hazaba ubwo mu bihe bizaza, umusozi wubatseho Ingoro y’Uhoraho ushyirwa ejuru, ukazasumba imisozi yose n’untununga twose, maze amahanga agahurura awugana.

Habakuki 3:6

Arahagaze, isi ihinda umushyitsi, arebye, akangaranya amahanga. Imisozi yahozeho iratengagurika, utununga twa kera turarigita, izo ni zo nzira ze za kera!

Zekariya 4:8

Nuko Uhoraho arambwira ati

Zekariya 4:9

«Ibiganza bya Zorobabeli ni byo byashinze ifatizo y’iyi Ngoro, kandi ni na byo bizayuzuza; bityo muzamenye ko ari Uhoraho, Umugaba w’ingabo wantumye.

Matayo 21:21

Yezu arabasubiza ati «Ndababwira ukuri: iyaba mwari mufite ukwemera kudashidikanya, ntimwakora gusa ibyo maze kugirira iki giti cy’umutini, ahubwo mwabwira uriya musozi muti ’Vaho wirohe mu nyanja’, maze bikaba.

Matayo 21:42

Nuko Yezu arababwira ati «Ntimwigeze musoma mu Byanditswe ngo ’Ibuye ryajugunywe n’abubatsi ryabaye insanganyarukuta; icyo gikorwa cya Nyagasani cyatubereye igitangaza.’

Mariko 12:10

Ntimwasomye se mu Byanditswe ngo Ibuye ryajugunywe n’abubatsi, ni ryo ryabaye insanganyarukuta.

Luka 20:17

Nuko Yezu abahanga amaso, arababaza ati «Ibyanditswe ngo ’Ibuye ryajugunywe n’abubatsi ryabaye insanganyarukuta’ bivuga iki?

Luka 3:5

Imanga yose yuzuzwe, umusozi wose n’akanunga bisizwe, ahantu hagoramye hagororwe, n’inzira z’urubuye zitungane.

Ibyakozwe 4:11

Yezu uwo ni we rya buye ryajugunywe namwe abubatsi, nyamara rigahinduka insanganyarukuta.

Abaroma 11:6

Ubwo rero ari ku buntu, ntibikiri ku bw’ibikorwa, naho ubundi ubuntu ntibwaba bukiri bwo.

Abefeso 2:20

Muri inzu yubatswe mu kibanza cy’intumwa n’abahanuzi, maze Yezu Kristu ubwe akaba ibuye riyishyigikira.

1 Petero 2:7

Mwebwe rero abemera, iryo kuzo ni iryanyu, naho ku batemera «ibuye ryajugunywe n’abubatsi ryahindutse ibuye ry’insanganyarukuta,

Ibyahisuwe 16:20

Nuko ibirwa byose birahunga n’imisozi yose irazimira;