Zekariya 11:3 - Kinyarwanda Bibiliya Ntagatifu

³ Nimwumve amaganya y’abashumba, kuko ikuzo ryabo ryahindutse ubusa; mwumve umutontomo w’ibyana by’intare, kuko ubwirasi bwa Yorudani bwatsiratsijwe.

Bibiliya Yera

³ Umva ijwi ry'induru y'abashumba kuko icyubahiro cyabo cyangiritse, umva ijwi ry'imigunzu y'intare yivuga kuko ubwibone bwa Yorodani bwangiritse.

Bibiliya Ijambo ry'imana D

³ Umva abashumba baraboroga, kuko icyubahiro cyabo kibashizeho! Umva intare ziromongana, kuko ishyamba ry'inzitane rikikije Yorodani ryashizeho.

Bibiliya Ijambo ry'imana

³ Umva abashumba baraboroga, kuko icyubahiro cyabo kibashizeho! Umva intare ziromongana, kuko ishyamba ry'inzitane rikikije Yorodani ryashizeho.

Zekariya 11:3 Iomraidhean Croise

Zaburi 22:21

Rinda amagara yanjye ubugi bw’inkota, gira ungobotore mu majanja y’imbwa;

Yesaya 5:29

Barivuga, baratontoma nk’intare y’ingore, cyangwa nk’ibyana byayo, barasakuza, bagahumira ku muhigo wabo, bakawutwara ntihagire uwubambura.

Yesaya 65:15

Intore zanjye zizibuka izina ryanyu zirivume, zigira ziti «Urakicwa n’Imana ihoraho!» Ariko abagaragu banjye bazahabwa irindi zina,

Yeremiya 2:15

Ibibwana by’intare birabwejagura biyitontomera. Israheli yahindutse umwirare, imigi yayo yaratwitswe, nta muturage ukiyirangwamo.

Yeremiya 2:30

Abana banyu narabahannye, ariko biba iby’ubusa ntibumva. Inkota yanyu yatsembye abahanuzi, boshye intare kirimbuzi.

Yeremiya 26:6

iyi Ngoro nzayigenzereza nka Silo, n’uyu mugi nywugire urugero rw’ibivume mu mahanga yose y’isi.’»

Yeremiya 49:19

Nzayibirukanamo igitaraganya, bamere nk’intare iturumbutse mu rufunzo rwa Yorudani, igana ibiraro birimo amatungo. Nzayiteza ingabo z’insoresore. None se ni nde umeze nkanjye? Ni nde wansumba mu butabera? Ni nde mushumba wampangara?

Yeremiya 50:44

Nk’uko intare iturumbuka mu rufunzo rwa Yorudani, igana ibiraro birimo amatungo, ni ko nanjye mu mwanya muto nzirukana abaturage ba Yeruzalemu, nyiteze ingabo z’insoresore. None se ni nde umeze nkanjye? Ni nde wansumba mu butabera? Ni nde mushumba wampangara?

Yeremiya 7:4

Nimusigeho kwibeshyeshya amagambo atagira aho ashingiye, muvuga ngo: Ingoro y’Uhoraho! Ingoro y’Uhoraho! Uhoraho ari hano!

Ezekiyeli 19:2

Uzavuge uti «Nyoko yari nde? Yari intare y’ingore mu zindi ntare, ikiryamira hagati y’ibyana byayo, ikanabyonsa.

Hoseya 10:5

Abaturage b’i Samariya barahinda umushyitsi kubera ikimasa cy’i Betaveni; koko rero, imbaga yose ikibereye mu cyunamo, kimwe n’abaherezabitambo bacyo. Ngaho nibakomeze barate ikuzo ryacyo, kandi ryamaze kuyoyoka!

Yoweli 1:13

Nimukenyere maze muganye, mwe baherezabitambo! Namwe abashinzwe imirimo yo ku rutambiro, nimuboroge! Nimurare ijoro mwambaye ibigunira, mwe abashinzwe imirimo y’Imana yanjye.

Amosi 8:8

Ibyo se ntibigiye gutuma isi ihinda umushyitsi, n’abaturage bayo bose bakirabura? Izuzura rwose nk’Uruzi, isese hanyuma yike nka rwa ruzi rwo mu Misiri.

Zefaniya 1:10

Uwo munsi — uwo ni Uhoraho ubivuze — ku Irembo ry’amafi hazumvikana induru, mu Mugi mushya hacure umuborogo, ku musozi humvikane urusaku rukaze!

Zefaniya 3:11

Uwo munsi ntuzaba ukimwazwa n’ibikorwa bibi byose wankoreye, kuko icyo gihe nzaba nakuvanyemo abirasi bikuza, bityo ukazarekera aho kwiyemera ku musozi wanjye mutagatifu.

Zefaniya 3:3

Abatware bawo ni nk’intare zitontomera rwagati muri wo, abacamanza bawo bakamera nk’ibirura bihiga iyo ijoro rikubye, ntibiraze icyo birya bukeye.

Zekariya 11:2

Mizonobari, nimuboroge kuko isederi yaguye, ibihangange bikaba byatsinzwe. Mishishi y’i Bashani, nimuboroge, kuko ishyamba ry’intamenwa ryashiriye hasi.

Zekariya 11:8

Hanyuma, mu kwezi kumwe nkuraho abashumba batatu; ariko n’intama sinabasha kuzihanganira kandi na zo ziranzinukwa.

Matayo 15:14

Nimubihorere: ni impumyi zirandata izindi impumyi! Kandi iyo impumyi irandase indi mpumyi, zombi zigwa mu mwobo.»

Ibyakozwe 7:52

Ni nde mu bahanuzi, abasekuruza banyu batatoteje? Ndetse bishe n’abahanuye mbere ukuza kwa ya Ntungane, imwe ubu ngubu mwagambaniye maze mukamwica.