Zefaniya 3:6 - Kinyarwanda Bibiliya Ntagatifu

⁶ Natsembye amahanga — uwo ni Uhoraho ubivuze — iminara yo ku nkike zabo, ndayisenya, imihanda yabo narayirimbuye nta mugenzi ukihanyura. Koko imigi yabo yahindutse amatongo: nta muntu ukihagera, nta n’uhatuye.

Bibiliya Yera

⁶ Narimbuye amoko, iminara yabo ni imisaka, inzira zabo narazisibye kugira ngo hatagira uhita, imidugudu yabo yarasenyutse bituma hatagira uyibamo, nta n'ukihatuye.

Bibiliya Ijambo ry'imana D

⁶ Uhoraho aravuga ati: “Natsembye amahanga, iminara y'abarinzi b'imijyi yayo yarasenyutse, nasibye amayira yo muri yo, nta wayacamo. Iyo mijyi yararimbutse, nta n'umwe mu bayituye wacitse ku icumu.

Bibiliya Ijambo ry'imana

⁶ Uhoraho aravuga ati: “Natsembye amahanga, iminara y'abarinzi b'imijyi yayo yarasenyutse, nasibye amayira yo muri yo, nta wayacamo. Iyo mijyi yararimbutse, nta n'umwe mu bayituye wacitse ku icumu.

Zefaniya 3:6 Iomraidhean Croise

Yesaya 14:26

Uwo ni umugambi Uhoraho yafatiye isi yose, ni igihano yageneye amahanga yose.

Yesaya 37:36

Mu ijoro rikurikiyeho, Malayika w’Uhoraho araza yambukiranya ingando y’Abanyashuru, yicamo abantu ibihumbi ijana na mirongo inani na batanu. Mu gitondo bose bari babaye imirambo!

Yesaya 6:11

Nuko ndabaza nti «Ibyo se bizageza ryari Nyagasani ?» Aransubiza ati «Kugeza ubwo imigi izaba yatsembwe, nta bayituye, amazu atakirimo umuntu n’umwe, n’ubutaka bwarahindutse umushike.

Yeremiya 9:12

Uhoraho aravuze ati «Birengagije inyigisho zanjye nabahaye; aho kumva ijwi ryanjye ngo barikurikire,

Abalewi 26:31

Imigi yanyu nzayizimya, amasengero yanyu nzayangize, noye kuzongera guhumurirwa n’imibavu yanyu ukundi.

Zefaniya 2:5

Muriyimbire, baturage bo ku nkengero y’inyanja, mwebwe, hanga ry’Abanyakireta! Ijambo ry’Uhoraho rirakwibasiye, wowe Kanahani, rigira riti «Gihugu cy’Abafilisiti, ngiye kukumaraho abaturage!»

Zekariya 7:14

Ahubwo nabatatanyirije mu mahanga yose batigeze bamenya, baragenda, igihugu gisigara gusa, ntihagira uhanyura cyangwa ngo ahagaruke. Nuko igihugu kitagiraga uko gisa bagihindura amatongo.»

Matayo 23:38

Dore inzu mutuyemo izabasenyukiraho.

1 Abakorinto 10:11

Ibyababayeho biraducira amarenga, kandi byandikiwe kutuburira, twe twegereje amagingo ya nyuma.

1 Abakorinto 10:6

Ibyo byose byabereye kuducira amarenga, kugira ngo tutararikira ikibi, nk’uko na bo bakirarikiye.

Yosuwa 23:4

Nimurebe uko nagabanyije imiryango yanyu ibi bihugu byose, byaba iby’amahanga natsinze, byaba iby’amahanga asigaye, kuva kuri Yorudani kugeza ku Nyanja Nini, mu burengerazuba.