Zefaniya 1:13 - Kinyarwanda Bibiliya Ntagatifu

¹³ Nuko rero, ubukungu bwabo buzagabizwa abasahuzi, n’amazu yabo asenywe; bubatse amazu ariko ntibazayaturamo, bahinze imizabibu, ariko ntibazanywa divayi yayo.

Bibiliya Yera

¹³ Kandi ubutunzi bwabo buzagenda ho iminyago, n'amazu yabo azaba imisaka. Ni ukuri bazubaka amazu ariko ntibazayabamo, kandi bazatera inzabibu na zo ntibazanywa vino yazo.

Bibiliya Ijambo ry'imana D

¹³ Umutungo wabo uzasahurwa, amazu yabo azasenyuka. Abazubaka amazu ntibazayaturamo, abazatera imizabibu ntibazanywa divayi yayo.”

Bibiliya Ijambo ry'imana

¹³ Umutungo wabo uzasahurwa, amazu yabo azasenyuka. Abazubaka amazu ntibazayaturamo, abazatera imizabibu ntibazanywa divayi yayo.”

Zefaniya 1:13 Iomraidhean Croise

Yesaya 6:11

Nuko ndabaza nti «Ibyo se bizageza ryari Nyagasani ?» Aransubiza ati «Kugeza ubwo imigi izaba yatsembwe, nta bayituye, amazu atakirimo umuntu n’umwe, n’ubutaka bwarahindutse umushike.

Yeremiya 15:13

Ubukungu bwawe n’umutungo wawe, Yuda, byose mbigabije ababisahura. Icyo ni cyo gihembo cy’ibyaha byawe wakwije mu gihugu cyawe.

Yeremiya 17:3

Baturage ba Yuda mwe, ubukungahare bwanyu n’umutungo wanyu wose, nzabitegeza ababinyaga, kubera ibyaha mwakoreye mu masengero y’ahirengeye, aho ari hose, mu gihugu cyanyu.

Yeremiya 4:20

Haravugwa ibyago by’inkurikirane! Ni koko, igihugu cyose kirarimbutse. Dore ingando yanjye yarimbutse, amahema yanjye yasenyutse mu kanya gato.

Yeremiya 4:7

Intare yavumbutse mu kibira; umurimbuzi w’amahanga arahagurutse, avuye iwe azanywe no guhindura igihugu cyawe itongo. Imigi yawe izatwikwa, abayituye bayicikemo.»

Yeremiya 5:17

Bazatsemba ibyawe byose: imisaruro yawe n’imigati yawe, abahungu n’abakobwa bawe, batsembe amatungo magufi n’amaremare, imizabibu yawe n’imitini yawe. Igihe bazaba baje n’inkota zabo, bazasenya imigi ikomeye, wari wiringiye ko nta cyayigutereramo.

Yeremiya 9:11

Niba hari umuhanga uriho, niyumve, kandi yamamaze ijambo yabwiwe n’Uhoraho. Ni kuki igihugu cyayogojwe, kigakongoka nk’ubutayu butagendwa?

Yeremiya 9:19

Bagore, nimwumve ijambo ry’Uhoraho! Amatwi yanyu niyakire ijambo rivuye mu kanwa ke! Nimutoze abakobwa banyu iyi ndirimbo y’amaganya, maze namwe muyigishe bagenzi banyu, mugira muti

Amaganya 5:2

Umurage wacu wigaruriwe n’abanyamahanga, amazu yacu agabizwa abantu tutazi.

Ezekiyeli 22:31

Nuko bituma mbamariraho umujinya wanjye — uwo ni Nyagasani Imana ubivuze — mbatsembesha umuriro w’uburakari bwanjye mbahora iyo myifatire mibi yabo.’»

Ezekiyeli 7:19

Feza yabo bazayinyanyagiza mu mihanda na zahabu yabo ihindane; ari zahabu cyangwa feza yabo, nta kizashobora kubakiza umunsi w’uburakari bw’Uhoraho. Ntibazongera guhaga cyangwa kurengwa ukundi, kuko ari byo byari imvano y’ugucumura kwabo.

Ezekiyeli 7:21

Ngiye kuyigabiza abanyamahanga, bayisahure n’abajura bo mu gihugu bayitwareho iminyago, babanje kuyandavuza.

Ezekiyeli 7:24

Nzazana abanyamahanga b’abagome bigarurire amazu yabo, ncubye ubwirasi bw’abanyamaboko n’ingoro zabo nzihumanye.

Amosi 5:11

Ubwo rero muryamira umutindi mukamutwara umugabane we w’ingano, ayo mazu mwubakishije amabuye abaje, ntimuzayabamo; iyo mizabibu myiza mwateye ntimuzanywa divayi yayo.

Mika 3:12

Ni cyo gituma Siyoni izahingwa nk’umurima, Yeruzalemu igahinduka amatongo, bitewe namwe, umusozi wubatseho Ingoro ugapfukiranwa n’ibihuru.

Mika 6:15

Uzatera imbuto ariko ntuzasarura, uzakamura imizeti ariko ntuzisiga amavuta yayo, uzenga imizabibu ariko ntuzanywa divayi.

Zefaniya 1:9

Uwo munsi nzahana abazamuka amadarajya (y’umwami), maze inzu y’umutegetsi wabo bakayuzuza ibivuye ku rugomo no ku buhendanyi.

Ivugururamategeko 28:30

Uzisabira umugeni, arongorwe n’undi; uziyubakira inzu, woye kuyitahamo; uziterera umuzabibu, woye kurya imbuto zawo zeze mbere.

Ivugururamategeko 28:39

Uzatera imizabibu uyihingire, ariko ntuzanywa divayi yayo; ndetse ari byo ntuziyumya ujya gusoroma imbuto zayo, kuko udusimba tuzarya byose.

Ivugururamategeko 28:51

Rizarya amatungo yawe, n’imyaka yo ku butaka bwawe, kugeza igihe uzarimbukira; nta cyo rizagusigira ku myaka yawe y’impeke cyangwa kuri divayi yawe nshya, cyangwa ku mavuta yawe y’imizeti, cyangwa ku nka zawe zihaka cyangwa ku ntama zawe zonsa, kugeza igihe rizakurimburira.