Yohana 3:8 - Kinyarwanda Bibiliya Ntagatifu

⁸ Umuyaga uhuha werekeza aho ushaka, ukawumva uhuha, ariko ntumenye aho uturuka cyangwa aho werekeza; nguko uko bimerera umuntu wese wavutse kuri Roho.»

Bibiliya Yera

⁸ Umuyaga uhuha aho ushaka, ukumva guhuha kwawo ariko ntumenya aho uva cyangwa aho ujya. Ni ko uwabyawe n'Umwuka wese amera.”

Bibiliya Ijambo ry'imana D

⁸ Umuyaga uhuhira aho ushaka, ukumva uhuha ariko ntumenye aho uva cyangwa aho ujya. Ni na ko bimera ku muntu wese wabyawe na Mwuka.”

Bibiliya Ijambo ry'imana

⁸ Umuyaga uhuhira aho ushaka, ukumva uhuha ariko ntumenye aho uva cyangwa aho ujya. Ni na ko bimera ku muntu wese wabyawe na Mwuka.”

Yohana 3:8 Iomraidhean Croise

Zaburi 107:25

Yavuze rimwe, maze habyuka umuyaga w’inkubi, ututumbisha ibitunda mu nyanja.

Zaburi 107:29

wa muyaga w’inkubi awugaruramo ituze, ibitunda by’inyanja birahwama.

Zaburi 135:7

Atumburutsa ibicu abivanye iyo gihera, akarekura imirabyo imvura ikagwa, akabyutsa imiyaga mu ndiri yayo.

Umubwiriza 1:6

Umuyaga uhuhira mu majyepfo, ugahindukirira mu majyaruguru, nyuma ukazenga ukazenguruka, amaherezo ugakomeza inzira yawo.

Ezekiyeli 37:9

Nuko arambwira ati «Ngaho, mwana w’umuntu, hanura, uhanurire umwuka. Wubwire uti ’Dore uko Nyagasani Uhoraho avuze : Wa mwuka we, turuka mu mpande zose uko ari enye, uhuhere kuri iyi mirambo maze yongere ibeho.’»

Yohana 1:13

Ntibavutse ku bw’amaraso cyangwa ku bushake bw’umubiri, cyangwa se ku bushake bw’umuntu, ahubwo bavutse ku bw’Imana.

Yohana 3:7

Ntutangazwe n’uko nkubwiye ngo ugomba kongera kuvuka ubwa kabiri.

Yohana 3:9

Nikodemu aramubaza ati «Ese ibyo bishobora kubaho bite?»

Ibyakozwe 2:2

Ako kanya, umuriri umeze nk’inkubi y’umuyaga uva mu ijuru, maze wuzura mu nzu bari barimo.

Ibyakozwe 4:31

Nuko ngo bamare gusenga, aho bari bateraniye hahinda umushyitsi; bose buzura Roho Mutagatifu, maze bamamaza ijambo ry’Imana bashize amanga.

1 Abakorinto 12:11

Ariko ibyo byose bikorwa na Roho umwe rukumbi, ugabira buri wese uko abyishakiye.

1 Abakorinto 2:11

Koko rero, ni nde wundi wamenya akari mu mutima w’umuntu, uretse nyirawo nyine? Ni na ko rero nta wamenya amabanga y’Imana, uretse Roho wayo nyine.

1 Yohana 2:29

Niba muzi ko Kristu ari intungane, nimunamenye ko umuntu wese ukora ibitunganye aba akomoka kuri We.