Yohana 10:6 - Kinyarwanda Bibiliya Ntagatifu

⁶ Yezu yabahaye icyo kigereranyo, ariko bo ntibamenya icyo yashakaga kubabwira.

Bibiliya Yera

⁶ Yesu abacira uwo mugani, ariko ntibamenya ibyo yababwiye.

Bibiliya Ijambo ry'imana D

⁶ Icyo ni ikigereranyo Yezu yabahaye ariko bo ntibamenya icyo yashakaga kubabwira.

Bibiliya Ijambo ry'imana

⁶ Icyo ni ikigereranyo Yezu yabahaye ariko bo ntibamenya icyo yashakaga kubabwira.

Yohana 10:6 Iomraidhean Croise

Zaburi 106:7

Abasekuruza bacu mu Misiri ntibigeze bumva ibitangaza byawe; biyibagije impuhwe zawe nyinshi, bivumbura ku Musumbabyose hafi y’inyanja y’Urufunzo.

Zaburi 82:5

Ariko nta cyo baramenya, nta n’icyo bumva, bararindagira mu mwijima, bigeza n’aho inkingi z’isi zijegajega.

Imigani 28:5

Inkozi z’ibibi ntizumva ubutabera, ariko abashaka Uhoraho bumva byose.

Yesaya 56:11

ariko kandi ni n’imbwa z’ibisambo: ntibazi kuvuga ngo «Turahaze», ngabo abitwa abashumba! Nta cyo biyumvira na mba, buri wese atomera ukwe; buri wese yishakira inyungu ye gusa.

Matayo 13:34

Ibyo byose Yezu yabibwiraga rubanda mu migani, nta cyo yababwiraga atababwiriye mu migani;

Matayo 13:51

Ibyo byose mwabyumvise?» Bati «Yee.»

Mariko 4:34

Kandi ntiyigishaga adaciye imigani, ariko abigishwa be akabasobanurira byose biherereye.

Yohana 16:25

Ibyo nabibabwiye mu bigereranyo; igihe kirageze noneho simbe nkibabwiza ibigereranyo, maze mbabwire neruye ibyerekeye Data.

Yohana 16:29

Abigishwa be baramubwira bati «Erega noneho uravuga weruye, ntukivugira mu bigereranyo.

Yohana 6:52

Ni bwo Abayahudi batangiye kujya impaka ubwabo, bati «Ashobora ate kuduha umubiri we ngo uribwe?»

Yohana 6:60

Abenshi mu bigishwa be bamaze kumwumva, baravuga bati «Aya magambo arahambaye, ni nde washobora kuyatega amatwi?»

Yohana 7:36

Aya magambo avuze arashaka kuvuga iki, ngo ’Muzanshaka mumbure, kandi ntimuteze kugera aho nzaba ndi’?»

Yohana 8:27

Ntibamenya ko yababwiraga Se.

Yohana 8:43

Kuki mudasobanukirwa n’ibyo mvuga? Ni uko mudashobora kwakira ijambo ryanjye.

1 Abakorinto 2:14

Umuntu ugengwa na kamere ye gusa ntashobora kwumva ibya Roho w’Imana; koko rero, kuri we ni nk’ibisazi, maze ntashobore kubyumva, kuko bene ibyo biserurirwa muri Roho wenyine.

2 Petero 2:22

Ibyababayeho bihuje mu by’ukuri n’uyu mugani ugira uti «Imbwa yasubiye ku birutsi byayo». cyangwa ngo «Ingurube ikimara kwiyuhagira yongeye kwivuruguta mu isayo.»

1 Yohana 5:20

Tuzi kandi ko Umwana w’Imana yaje, akaduha ubushishozi, kugira ngo tumenye Nyir’ukuri. Kandi turi muri Nyir’ukuri, tubikesha Umwana we Yezu Kristu. Ni We Nyir’ukuri, akaba Imana n’ubugingo buhoraho.