Yeremiya 3:2 - Kinyarwanda Bibiliya Ntagatifu

² Ubura amaso urebe mu mpinga zose: aho waba utasambaniye ni he? Wahoraga mu mayira nk’Umwarabu mu butayu, utegereje abasambane bawe. Igihugu waragihumanije kubera ubuhabara n’ingeso mbi byawe.

Bibiliya Yera

² Uburira amaso yawe mu mpinga witegereze. Aho utagize uwo muryamana ni hehe? Wabategererezaga mu nzira nk'Umwarabu uri mu butayu, kandi wandurishije igihugu ubusambanyi bwawe n'ibyaha byawe.

Bibiliya Ijambo ry'imana D

² Nimwubure amaso murebe mu mpinga z'imisozi, ni hehe mutakoreye ubusambanyi? Mwicaraga ku mayira mutegereje abakunzi banyu, mwategererezaga mu butayu nk'abambuzi, igihugu mwagihumanishije uburaya n'ingeso mbi byanyu.

Bibiliya Ijambo ry'imana

² Nimwubure amaso murebe mu mpinga z'imisozi, ni hehe mutakoreye ubusambanyi? Mwicaraga ku mayira mutegereje abakunzi banyu, mwategererezaga mu butayu nk'abambuzi, igihugu mwagihumanishije uburaya n'ingeso mbi byanyu.

Yeremiya 3:2 Iomraidhean Croise

Yeremiya 2:20

Kuva kera, washatse kwigobotora ubuhake, uca ingoyi zawe, ugira uti «Sinshaka kuba umuja ukundi.» Nuko urambarara kuri buri musozi no mu nsi ya buri giti gitoshye, boshye umugore w’indaya.

Yeremiya 2:7

Nabazanye mu gihugu cy’uburumbuke kugira ngo murye ku mbuto zacyo, kandi munyurwe n’ibyiza byacyo. Nyamara mwebwe mukigezemo, muragihindanya, maze umurage wanjye muwuhindura umwaku.

Itangiriro 38:14

Tamara yiyambura imyambaro ye y’ubupfakazi, atega igitambaro; amaze kwimiramiza ngo hatagira umumenya, yicara ku irembo ry’umugi wa Enayimu, ku nzira ijya i Timuna. Yari yabonye neza ko Shela yari amaze kuba mukuru, ntibamumushyingira.

Yeremiya 3:1

Uhoraho avuze atya: Iyo umugabo asenze umugore we bagatandukana, nyuma uwo mugore agashaka undi mugabo, bakongera kubana se? Ubwo se uwo mugore ntaba yarahumanye burundu? Wowe rero wasambanye n’abagabo batagira ingano, none ngo urangarukiye! Uwo ni Uhoraho ubivuze.

Ivugururamategeko 12:2

Ahantu hose amahanga mugiye kunyaga yasengeraga imana zabo, muzahasenye muhatsiratsize: haba ku misozi miremire, haba ku tununga cyangwa se mu nsi y’ibiti bitohagiye byose.

Luka 16:23

Ageze ikuzimu, arahababarira cyane. Ni ko kubura amaso, abonera kure Abrahamu ari kumwe na Lazaro.

Ezekiyeli 16:16

Wahisemo imyenda y’amabara meza uyitakisha ahantu hirengeye, aho nyine wigiriye indaya; ukora ibintu bitigeze kubaho kandi bitazongera no kubaho ukundi.

Yeremiya 7:29

Kemura iyo misatsi yawe yagaragazaga ko weguriwe Imana, uyijugunye kure; mu mayira utere indirimbo y’amaganya, kuko Uhoraho yanga, agatererana igisekuru kimurakaza!

Yeremiya 3:21

Induru ni yose mu mpinga y’imisozi; ayo ni amarira n’amaganya y’Abayisraheli, kuko bayobye inzira, birengagiza Uhoraho Imana yabo.

Yeremiya 3:9

bituma igihugu cyose gihumana kubera ubuhabara n’ingeso mbi ze; asambanya ibyo abonye byose, ari igiti, ari n’ibuye.

Yeremiya 2:23

Watinyuka ute kuvuga ngo «Sinanduye», cyangwa uti «Sinayobotse za Behali»? Ibuka imyifatire yawe aho wanyuze mu kabande, maze wemere icyo wakoze. Wari umeze nk’ihene y’ishashi yariye isoni, itana igana impande zose,

Imigani 23:28

ng’uwo ararekereje nk’umujura, abantu akabagwizamo abagambanyi.

Imigani 7:11

Aba yarubiye, nta rutangira, amaguru ye ahora yirukanka, ntajya aguma iwe.

2 Abami 23:13

Umwami yangiza amasengero y’ahirengeye yari ahateganye na Yeruzalemu, mu majyepfo y’umusozi w’Imizeti; ayo masengero yari yarubatswe na Salomoni, umwami wa Israheli, agira ngo yubahirize Ashitaroti, ishyano ry’Abasidoni, na Kamoshi, ishyano ry’Abamowabu, na Milikomu, ishyano ry’Abahamoni.

1 Abami 11:3

Yatunze abagore magana arindwi bo mu muryango w’imfura, n’inshoreke magana atatu.

Ezekiyeli 20:28

Nyamara kandi nabazanye mu gihugu narahiye ku mugaragaro ko nzakibaha; bahabona imisozi miremire y'amoko yose, ibiti bitoshye by'amoko yose, bahaturira ibitambo byabo banahatangira amaturo yabo andakaza; bahashyira imibavu yabo ihumura neza kandi bahaturira n'ibitambo biseswa.

Zaburi 106:38

Koko bamennye amaraso y’abatacumuye, bamena amaraso y’abahungu babo n’ay’abakobwa babo batambiriwe ibigirwamana by’i Kanahani; nuko igihugu cyanduzwa n’umuvu w’ayo maraso.

Yeremiya 3:13

Gusa, emera icyaha cyawe: wemere ko witeruye kuri Uhoraho Imana yawe. Wabungagiye hirya no hino mu banyamahanga, mu nsi ya buri giti gitoshye, wanga kumva ijwi ryanjye. Uwo ni Uhoraho ubivuze.’»

Yeremiya 12:12

Mu mpinga zose z’imisozi yo mu butayu, haturutse abasahuzi. Inkota ibanguwe n’Uhoraho ihinguranyije isi, irayitsemba: nta n’umwe ukiranganwa amahoro.

Hoseya 2:5

Nibitaba ibyo, nzamucuza imyambaro, asigare atumbuje, mugire nk’uko yari ameze umunsi avuka. Nzamugira nk’ubutayu, abe nk’ubutaka bwumagaye, kandi nzamwicishe inyota.