Obadiya 1:7 - Kinyarwanda Bibiliya Ntagatifu

⁷ Abanywanyi bawe baragushutse, bakumenesha mu gihugu cyawe! Incuti zawe ziraguhagurukiye! Abo mwasangiye umugati baguteze umutego, baravuga bati «Nta bwenge akigira!»

Bibiliya Yera

⁷ Abafatanyaga nawe bose barakwirukanye bakugeza ku rubibi, abuzuraga nawe baragushutse none barakunesheje, abo wagaburiraga baguteze umutego, ariko ntiwabimenya.”

Bibiliya Ijambo ry'imana D

⁷ Abo mwifatanyaga bazabamenesha babambutse imipaka, incuti zanyu magara zizabahinduka zibigarurire, abo mwasangiraga bazabatega imitego, ariko ntimuzabimenya!

Bibiliya Ijambo ry'imana

⁷ Abo mwifatanyaga bazabamenesha babambutse imipaka, incuti zanyu magara zizabahinduka zibigarurire, abo mwasangiraga bazabatega imitego, ariko ntimuzabimenya!

Obadiya 1:7 Iomraidhean Croise

Zaburi 41:10

Ndetse n’incuti yanjye y’amagara nizeraga, tukanasangira ibiryo byanjye, na yo yanyigaritse!

Zaburi 41:9

bati «Ibyamubayeho ni akaga rwose, ubwo yaryamye nta bwo agiteze kweguka!»

Yesaya 27:11

Ayo mashami namara kugwengera, abagore bazayavunagure, maze bayacane. Ni koko uyu muryango ntiwumva; ni yo mpamvu Uwawuremye atawugiriye impuhwe, Uwawuhanze ntawubabarire.

Yeremiya 20:10

Numvise imigambi y’ubugome bwa rubanda, iterabwoba impande zose ngo «Nimumushinje, natwe tumushinje!» Abahoze ari incuti zanjye, bari barekereje ko nagwa, bati «Wenda ahari yashukika tukamubona uburyo, tukamwihimura.»

Yeremiya 30:14

Abakunzi bawe bose barakwirengagije, ntibakikwitayeho! Naragukomerekeje boshye ukubiswe n’umwanzi; ari na cyo gihano cyawe kubera ibicumuro byawe bitagira ingano, n’ibyaha byawe bidahwema kwigaragaza.

Yeremiya 38:22

abagore bose bakiri mu ngoro y’umwami wa Yuda bazashyirwa abatware b’ingabo z’umwami w’i Babiloni. Abo bagore bazavuga bati ’Incuti zawe zaragushutse zigera ku byo zari zigambiriye; none ibirenge byawe birasaya mu cyondo, bo bigendeye!’

Yeremiya 4:30

Wowe se, ubwo uragokera iki? Wambara imihemba n’imitako ya zahabu, n’amaso yawe ukayasiga ibiyahindura ukundi! Urarushywa n’ubusa wigira mwiza, kuko abakurarikiraga bakuzinutswe, ahubwo bakaba bashaka kukurimbura.

Yeremiya 49:7

Uhoraho Umugaba w’ingabo abwiye atya Edomu: Ese i Temani nta bahanga bakihaba? Indyarya ni zo zahawe ijambo, ubuhanga bwabo bwaramunzwe!

Amaganya 1:19

Natakambiye amacuti yanjye, yo arantererana; abaherezabitambo n’abakuru banjye baguye mu mugi, bariho bashaka ibyo kurya ngo bagarure ubuyanja.

Hoseya 13:13

Yagwiririwe n’imibabaro nk’umugore uramutswe: ariko ni umwana w’ikigoryi; igihe cye cyo kuvuka cyageze, ariko we ntabishaka!

Hoseya 7:11

Efurayimu ni nk’inuma y’injiji idatekereza, baratakira Misiri, bakirukankira no muri Ashuru;

Yohana 13:18

Simvuze mwese: abo natoye ndabazi, ariko Ibyanditswe bigomba kuzuzwa ngo ’Uwo dusangira umugati ni we wanteye umugeri.’