Obadiya 1:3 - Kinyarwanda Bibiliya Ntagatifu

³ Ubwibone bwawe bwarakuyobeje, wowe wibera mu buvumo, ukanatura ahirengeye, wowe wibwira mu mutima wawe, uti «Ku isi ni nde wampangara?»

Bibiliya Yera

³ Ubwibone bw'umutima wawe bwaragushutse, weho utuye mu bisate by'urutare, ukaba mu buturo bwo hejuru cyane ukibwira mu mutima wawe uti ‘Ni nde wamanura akangeza hasi?’

Bibiliya Ijambo ry'imana D

³ Mwirata ko mutuye mu bitare ahantu hirengeye, muribwira muti: ‘Nta wabasha kutumanurayo!’ Nyamara ubwirasi bwanyu bwarabashutse!

Bibiliya Ijambo ry'imana

³ Mwirata ko mutuye mu bitare ahantu hirengeye, muribwira muti: ‘Nta wabasha kutumanurayo!’ Nyamara ubwirasi bwanyu bwarabashutse!

Obadiya 1:3 Iomraidhean Croise

Itangiriro 36:8

Ezawu aragenda, atura ku musozi wa Seyiri. Ezawu ni we Edomu.

2 Abami 14:7

Amasiya ni we wiciye mu kibaya cy’Umunyu Abanyedomu ibihumbi cumi, ni na we kandi wagabye igitero mu mugi wa Sela arawutsinda, awita izina rya Yokiteli, ari na ryo rikivugwa kugeza na n’ubu.

2 Ngoma 25:11

Amasiya amaze gukomera bihagije, ajyana abantu be mu kibaya cy’Umunyu maze aharwanira n’abagabo ibihumbi cumi bo muri bene Seyiri arabatsinda.

2 Ngoma 25:12

Abayuda bafata mpiri abagabo ibihumbi cumi, babajyana hejuru y’urutare, maze babamanurana ingufu ku rutare, bose baravunagurika.

Yobu 20:6

N’iyo yaba areshya n’aho bwakereye, umutwe we ugakora ku ijuru,

Imigani 16:18

Ujya kurimbuka abanza kwirata! n’ugiye guhanuka abanza kwikuza!

Imigani 18:12

Ubwirasi bw’umutima bubanziriza kurimbuka, naho uzi kwicisha bugufi, ni we uzakuzwa.

Imigani 29:23

Ubwirasi bw’umuntu buzamutesha agaciro, naho ufite umutima wiyoroshya azakuzwa.

Yesaya 16:6

Twumvise bavuga ukwikuza kurengutse kwa Mowabu, ubwibone bwayo, ubwikunde n’ubwikanyize, n’ubwirasi bwayo butagize icyo bumaze.

Yeremiya 21:13

Ubu noneho ngiye kukwibasira, wowe utuye mu kibaya no ku rutare rwo mu gisiza — uwo ni Uhoraho ubivuze — mwe mugira muti «Ni nde uzaza kudutera, maze agacengera mu bwibereko bwacu?»

Yeremiya 37:9

Uhoraho avuze atya: «Ntimwibeshye mukeka ko Abakalideya bavuye iwanyu ubutazagaruka; nta ho bagiye.

Yeremiya 48:28

Baturage ba Mowabu, nimuhunge imigi, mwihishe mu masenga! Nimugenze nk’inuma zubaka ibyari byazo ahantu hatagerwa, mu mwinjiro w’ubuvumo!

Yeremiya 49:16

Warishutse utera abandi ubwoba, wikuza mu mutima wawe, wowe utuye mu masenga yo mu rutare, ukisunga imisozi miremire. N’iyo wamanika icyari cyawe mu bushorishori nka kagoma, naguhananturayo. Uwo ni Uhoraho ubivuze.

Yeremiya 49:4

Ni kuki wiratana ikibaya cyawe? Yego, mukobwa w’icyomanzi, ikibaya cyawe gitemba amazi, kandi wiringira ubukire bwawe, uvuga ngo «Ni nde uzampangara?»

Ezekiyeli 28:16

Kubera imihihibikano y’ubucuruzi bwawe, wigwijemo ubugome n’ibyaha; ni bwo nguhanantuye hejuru y’umusozi w’Imana, nkugira igicibwa, wowe, mukerubimu nari narashyiriyeho kuba umurinzi, nkwirukana rwagati mu makara agurumana.

Malaki 1:4

Edomu aravuga ati «Twarasenyewe, ariko tuzongera twubake ahahindutse amatongo!» None Uhoraho, Umugaba w’ingabo, arasubije ati «Nibubake, ariko nzabisenya! Bityo bazitwa ’Igihugu cy’ubugome n’umuryango Uhoraho ahora arakariye.’