Obadiya 1:21 - Kinyarwanda Bibiliya Ntagatifu

²¹ Abazaba batsinze bazazamuka umusozi wa Siyoni, kugira ngo bacire urubanza umusozi wa Ezawu. Bityo Uhoraho azabe yimye ingoma!

Bibiliya Yera

²¹ Kandi abarokozi bazazamuka bajye ku musozi wa Siyoni gucira urubanza umusozi wa Esawu kandi ubwami buzaba ubw'Uwiteka.”

Bibiliya Ijambo ry'imana D

²¹ Ababohoje igihugu bazazamuka bajye ku musozi wa Siyoni bategeke igihugu cya Edomu, kandi Uhoraho ni we uzaba ari umwami.

Bibiliya Ijambo ry'imana

²¹ Ababohoje igihugu bazazamuka bajye ku musozi wa Siyoni bategeke igihugu cya Edomu, kandi Uhoraho ni we uzaba ari umwami.

Obadiya 1:21 Iomraidhean Croise

Itangiriro 25:23

Uhoraho aramusubiza ati «Inda yawe irimo amahanga abiri; mu bura bwawe hazasohoka amoko abiri. Ubwoko bumwe buzarusha ubundi amaboko; umukuru akazaba umugaragu w’umuto.»

2 Abami 13:5

Uhoraho yoherereza Abayisraheli umukiza; Abayisraheli bava mu nzara z’Abaramu bongera kujya gutura mu mahema yabo nka mbere.

Nehemiya 9:27

Ni bwo ubagabije abanzi babo barabashikamira, ariko mu kababaro kabo baragutakira, maze aho uri aho mu ijuru urabumva, kubera impuhwe ugira uboherereza abatabazi, ngo babakure mu nzara z’abanzi babo.

Zaburi 102:15

Abagaragu bawe batewe ubwuzu n’amabuye yayo, bagashavuzwa n’itongo ryayo.

Zaburi 22:28

Isi yose, aho iva ikagera, izabyibuka maze igarukire Uhoraho, imiryango yose y’amahanga imupfukamire;

Zaburi 22:29

kuko ubwami ari ubw’Uhoraho, akaba ari we ugenga amahanga.

Zaburi 47:7

Nimucurangire Uhoraho, nimucurange! Nimucurangire Umwami wacu, nimucurange!

Zaburi 67:4

Mana yacu, imiryango yose nigusingize, imiryango yose nigusingirize icyarimwe!

Yesaya 19:20

Icyo kizaba ikimenyetso n’intangamugabo ko Uhoraho, Umugaba w’ingabo, ari mu gihugu cya Misiri. Igihe bazatakambira Uhoraho bugarijwe n’ababisha, azaboherereza umukiza ubatabara, ababohoze.

Yesaya 24:23

Nuko ukwezi kuzahindure ibara, gukorwe n’isoni, izuba ryijime, rimware, kuko Uhoraho, Umugaba w’ingabo, ari we mwami w’umusozi wa Siyoni n’uwa Yeruzalemu kandi ikuzo rye rikabengerana mu maso y’abakuru b’umuryango.

Mika 4:7

Abacumbagira nzabagira udusigisigi, abazaba bari kure mbagire ihanga rikomeye. Uhoraho azababera umwami ku musozi wa Siyoni, ubu n’iteka ryose.

Zekariya 14:9

nuko Uhoraho azabe umwami w’isi yose. Uwo munsi, Uhoraho azaba umwe rukumbi, n’izina rye rimwe rukumbi.

Matayo 6:10

Ubwami bwawe nibuze, icyo ushaka gikorwe mu nsi nk’uko gikorwa mu ijuru.

Matayo 6:13

Ntudutererane mu bitwoshya, ahubwo udukize ikibi.

Luka 22:30

kugira ngo muzarire kandi muzanywere ku meza yanjye mu Ngoma yanjye; kandi muzicare ku ntebe z’ubutware, mucire imanza imiryango cumi n’ibiri ya Israheli.»

1 Timoteyo 4:16

Ihugukire ubwawe, uhugukire n’umurimo wawe wo kwigisha; ube indatezuka kuri izo nama nkugiriye. Nugenza utyo, uzikiza wowe ubwawe, ukize n’abandi bose bagutega amatwi.

Yakobo 5:20

mumenye ko ugaruye umunyabyaha, akamukura mu nzira yari yarayobeyemo, aba akijije ubuzima bw’umunyabyaha kandi agatsemba ibyaha bitabarika.

Ibyahisuwe 11:15

Umumalayika wa karindwi na we avuza akarumbeti ke. Nuko amajwi yumvikanira mu ijuru, avuga aranguruye ati «Ingoma y’isi yeguriwe Umwami wacu na Kristu we; akazima ingoma uko ibihe bizahora bisimburana iteka.»

Ibyahisuwe 19:6

Ndongera numva ibimeze nk’amajwi y’inteko nyamwinshi z’abantu, ameze nk’urusumo rw’amazi magari cyangwa umuhindagano w’inkuba zikaze, bavuga bati «Alleluya, kuko Nyagasani Imana yacu, Mushoborabyose, yagaragaje ingoma ye.

Ibyahisuwe 20:4

Mbona kandi intebe; abaje kuzicaraho bahabwa ububasha bwo guca imanza. Hanyuma mbona abishwe baciwe imitwe, bazize kuba abahamya ba Yezu n’ab’ijambo ry’Imana; mbona n’abanze gusenga Igikoko n’ishusho yacyo, kandi batigeze bashyirwaho ikimenyetso cyacyo ku gahanga no ku kiganza. Nuko bongera kuba bazima, maze bima ingoma hamwe na Kristu imyaka igihumbi.

Abacamanza 2:16

Ni bwo Uhoraho aboherereje abacamanza, abakiza abanzi babanyagaga.

Abacamanza 3:9

Nuko Abayisraheli batakambira Uhoraho, ni ko kubagoborera umukiza: ari we Otinyeli mwene Kenazi, umuvandimwe wa Kalebu w’umuhererezi.