Nehemiya 8:10 - Kinyarwanda Bibiliya Ntagatifu

¹⁰ Ezira arongera arababwira ati «Nimugende murye inyama z’amatungo y’imishishe, munywe n’inzoga ziryohereye kandi musangire n’abatagize icyo bategura; kuko uyu munsi weguriwe Nyagasani. Ntimugire agahinda, kuko ibyishimo by’Uhoraho ari byo buhungiro bwanyu.»

Bibiliya Yera

¹⁰ Maze arababwira ati “Nimugende murye inyama z'ibinure, munywe ibiryohereye, mwoherereze amafunguro abadafite icyo bahishiwe, kuko uyu munsi ari umunsi werejwe Uwiteka wacu, kandi ntimugire agahinda kuko kwishimana Uwiteka ari zo ntege zanyu.”

Bibiliya Ijambo ry'imana D

¹⁰ Ahubwo nimusubire iwanyu murye ibyokurya byiza, munywe n'ibyokunywa biryoshye kandi abatagize icyo bategura na bo muboherereze amafunguro. Uyu munsi weguriwe Nyagasani Imana yacu. Ntimushavure kuko ibyishimo Uhoraho abaha, ari byo bibatera imbaraga.”

Bibiliya Ijambo ry'imana

¹⁰ Ahubwo nimusubire iwanyu murye ibyokurya byiza, munywe n'ibyokunywa biryoshye kandi abatagize icyo bategura na bo muboherereze amafunguro. Uyu munsi weguriwe Nyagasani Imana yacu. Ntimushavure kuko ibyishimo Uhoraho abaha, ari byo bibatera imbaraga.”

Nehemiya 8:10 Iomraidhean Croise

1 Abami 8:66

Ku munsi wa munani Salomoni asezerera imbaga. Basezera ku mwami hanyuma basubira mu mahema yabo bishimye, imitima yabo inejejwe n’ibyiza Uhoraho yari yagiriye umugaragu we Dawudi n’umuryango we Israheli.

1 Ngoma 16:27

Icyubahiro n’igitinyiro biri mu ruhanga rwe; imbaraga n’ubutungane bikaba iwe.

Nehemiya 8:11

Maze abalevi na bo bagahoza imbaga, bavuga bati «Nimuceceke, kuko uyu ari umunsi mutagatifu; kandi mwikomeza kugira agahinda!»

Nehemiya 8:12

Nuko rubanda bose bajya kurya no kunywa, boherereza n’abatagize icyo bategura, maze bose baridagadura; kuko bari bumvise neza ijambo babwiwe.

Zaburi 149:2

Israheli niyishimire Uwayiremye, abahungu b’i Siyoni bahimbazwe n’ibirori bakorera umwami wabo.

Zaburi 89:17

umunsi bahimbazwa n’izina ryawe, bagaterwa ishema n’ubutabera bwawe,

Imigani 17:22

Umutima ukeye ukomeza ubuzima, naho umutima ushavuye wumisha amagufa.

Umubwiriza 11:2

Umutungo wawe, jya uwugabana n’abandi barindwi cyangwa umunani, kuko utazi icyago gishobora gutera ku isi.

Umubwiriza 2:24

Ikibereye umuntu, ni ukurya no kunywa, akanezezwa n’umurimo akora. Kandi ibyo nasanze bitangwa n’Imana;

Umubwiriza 3:13

Koko kandi, iyo umuntu ariye, akanywa, agashimishwa n’ihirwe yavunikiye, na byo ni ingabire y’Imana.

Umubwiriza 5:18

Nanone kandi, umuntu Imana igabira umukiro n’ibintu, ikamuha kubirya no kubitunga, bityo agashimishwa n’ibyo yavunikiye, na byo ni ingabire y’Imana.

Umubwiriza 9:7

Genda urye umugati wawe mu byishimo, unywe divayi yawe mu munezero, kuko Imana yishimiye ibikorwa byawe.

Indirimbo ihebuje 5:1

Ninjiye mu busitani bwanjye, uwanjye umbereye umugeni, nasoromye imibavu yanjye n’ububani bwanjye, nariye ikinyagu cyanjye n’ubuki bwanjye, nanyoye divayi yanjye n’amata yanjye. Incuti, nimurye, munywe musinde urukundo!

Yesaya 49:5

None ngaha, Uhoraho yabyivugiye, we wandemeye kumubera umugaragu, kuva nkiri mu nda ya mama, kugira ngo mugarurire Yakobo, mukorakoranyirize Israheli; guhera ubu rero, mfite ubutoni kuri Uhoraho, ububasha bwanjye bukaba ari Imana yanjye.

Yesaya 61:10

Ndasabagizwa n’ibyishimo muri Uhoraho, umutima wanjye uhimbajwe n’Imana yanjye, kuko yanyambitse umwambaro w’umukiro, akansesuraho umwitero w’ubutungane. Nishimye nk’umukwe utamirije ikamba rye, cyangwa umugeni witatse imirimbo ye.

Yoweli 2:23

Bantu b’i Siyoni, nimunezerwe, mwishimire muri Uhoraho, Imana yanyu, kuko abahaye imvura y’umuhindo ibakwiye, akaba abagushirije imvura y’itumba n’iy’umuhindo nka kera.

Zekariya 14:21

Inkono zose z’i Yeruzalemu n’izo muri Yuda zizegurirwa Uhoraho, Umugaba w’ingabo. Abazaba baje gutura igitambo bose bazazitekamo amaturo yabo. Uwo munsi kandi, nta mucuruzi uzaba akirangwa mu Ngoro y’Uhoraho, Umugaba w’ingabo.

Luka 11:41

Ahubwo nimujye mutanga imfashanyo ku byo mutunze, byose bizabatunganira.

2 Abakorinto 8:2

N’ubwo bari mu ruhuri rw’amagorwa y’ibigeragezo, hakubitiyeho ubukene bukabije, ariko kandi bari no mu byishimo byinshi, ibyo byabateye kugira ubuntu cyane.

Abafilipi 3:4

Icyakora jyewe ubwanjye simbuze impamvu zo kwiringira iby’umubiri, ndetse nzirusha uwo ari we wese wabyiringira:

Ibyahisuwe 11:10

Nuko abatuye isi bazishimire urupfu rwabo bombi, banezerwe, bohererezanye amaturo, kuko abo bahanuzi bombi bari barababaje abatuye isi.

1 Samweli 25:8

Ubaze abashumba bawe bazabikubwira. None rero, ndakwinginze ngo abagaragu banjye bakirwe neza iwawe, kuko tuje ari ku munsi mukuru, maze icyo ushobora kubona abe ari cyo uha abagaragu bawe n’umuhungu wawe Dawudi.’»