Nehemiya 7:1 - Kinyarwanda Bibiliya Ntagatifu

¹ Inkike z’umugi zamaze kuzura maze ntera inzugi ku marembo, hanyuma nshyiraho abanyanzugi (n’abaririmbyi n’abalevi).

Bibiliya Yera

¹ Bukeye inkike yuzuye maze no guteraho inzugi, ngashyiraho n'abakumirizi n'abaririmbyi n'Abalewi,

Bibiliya Ijambo ry'imana D

¹ Urukuta rumaze kuzura maze no gutera inzugi ku marembo yarwo, abarinzi b'Ingoro y'Imana n'abaririmbyi n'Abalevi bahabwa inshingano zabo.

Bibiliya Ijambo ry'imana

¹ Urukuta rumaze kuzura maze no gutera inzugi ku marembo yarwo, abarinzi b'Ingoro y'Imana n'abaririmbyi n'Abalevi bahabwa inshingano zabo.

Nehemiya 7:1 Iomraidhean Croise

2 Abami 7:10

Baragenda; bageze mu mugi bahamagara abarinzi b’irembo ry’umugi, barababwira bati «Twagiye mu ngando y’Abaramu, dusanga nta muntu n’umwe uyirimo, nta jwi ry’umuntu riharangwa, uretse gusa amafarasi n’indogobe biziritse, kandi amahema ari uko yakabaye.»

2 Ngoma 31:2

Hezekiya ashyiraho imitwe y’abaherezabitambo n’abalevi kugira ngo buri wese, akurikije icyiciro arimo, yaba umuherezabitambo cyangwa se umulevi, ajye atura ibitambo bitwikwa n’iby’ubuhoro, asingiza Uhoraho, amushimira kandi amukorera imbere mu kibuga cy’Ingoro ye.

Ezira 3:8

Mu kwezi kwa kabiri k’umwaka wa kabiri kuva aho bagereye ku Ngoro y’Imana i Yeruzalemu, Zorobabeli mwene Sheyalitiyeli, na Yozuwe mwene Yosadaki bifatanya n’abavandimwe babo b’abaherezabitambo, n’abalevi, ndetse n’abandi bose bari baratahutse bavuye mu bucakara bakagaruka i Yeruzalemu, maze batangira imirimo. Nuko abalevi bafite imyaka makumyabiri n’abayirengeje, babashinga kuyobora imirimo yo kubaka Ingoro y’Uhoraho.

Nehemiya 10:39

Abalevi nibaza gusaruza icyo kimwe cya cumi, bazaba bari kumwe n’umuherezabitambo umwe wo muri bene Aroni, kugira ngo umugabane umwe wa cumi w’icyo kimwe cya cumi wegurirwe Ingoro y’Imana yacu, maze babigeze mu byumba by’inzu y’ububiko.

Nehemiya 11:3

Dore amazina y’abatware bo muri ako karere biyemeje gutura i Yeruzalemu. Naho Abayisraheli bandi, baba abaherezabitambo, abalevi, abahereza cyangwa se abahungu b’abagaragu ba Salomoni, bo bakwiriye imigi ya Yuda, buri wese atura mu isambu ye.

Nehemiya 12:24

Abatware b’abalevi ni aba: Hashabiya, Sherebiya, Yozuwe, Binuwi, Kadamiyeli; bahagararaga bateganye n’abavandimwe babo, nk’uko Musa, umuntu w’Imana, yabitegetse, maze bagatera indirimbo zo gusingiza no gushimira, bakikiranya.

Nehemiya 6:1

Sanabalati, Tobiya, Geshemu w’Umwarabu n’abandi banzi bacu bamenya ko nongeye kubaka inkike, kandi ko nta cyuho na kimwe kikiharangwa, n’ubwo icyo gihe nari ntarashyira inzugi ku marembo.

Nehemiya 6:15

Nuko inkike zuzura ku munsi wa makumyabiri n’itanu w’ukwezi kwa Eluli; zari zubatswe mu minsi mirongo itanu n’ibiri.

Nehemiya 6:19

Bandatiraga ibyiza Tobiya uwo akora kandi icyo mvuze cyose bakakimumenyesha, naho Tobiya akanyoherereza amabaruwa yo kuntera ubwoba.