Nehemiya 1:3 - Kinyarwanda Bibiliya Ntagatifu

³ Baransubiza bati «Abarokotse bakaba barahatahukiye, ubu bari mu makuba akomeye kandi barasuzuguwe; inkike za Yeruzalemu zaratengutse, n’amarembo yayo barayatwitse.»

Bibiliya Yera

³ Barambwira bati “Abari batāgiye mu bunyage bagasigara mu gihugu cy'u Buyuda bagize amakuba menshi baratukwa, kandi inkike z'i Yerusalemu zarasenyutse n'amarembo yaho yarahiye.”

Bibiliya Ijambo ry'imana D

³ Barambwira bati: “Iryo tsinda ry'abatahutse bagize amakuba menshi ndetse bahinduka insuzugurwa. Naho ibyerekeye Yeruzalemu, urukuta ruhazengurutse rwarasenyutse n'inzugi z'amarembo yaho zarakongotse.”

Bibiliya Ijambo ry'imana

³ Barambwira bati: “Iryo tsinda ry'abatahutse bagize amakuba menshi ndetse bahinduka insuzugurwa. Naho ibyerekeye Yeruzalemu, urukuta ruhazengurutse rwarasenyutse n'inzugi z'amarembo yaho zarakongotse.”

Nehemiya 1:3 Iomraidhean Croise

1 Abami 9:7

nanjye nzavana Israheli mu gihugu nayihaye; iyi nzu neguriye izina ryanjye nzayijugunya kure imve mu maso, kandi Abayisraheli bazabe iciro ry’imigani n’agashinyaguro mu mahanga yose.

2 Abami 25:10

Ingabo zose z’Abakalideya zari ziherekeje umutware w’abarinzi b’umwami, zisenya inkike zari zikikije Yeruzalemu.

2 Ngoma 36:19

Batwika Ingoro y’Uhoraho, barimbura inkike z’amabuye z’i Yeruzalemu, amazu yaho barayatwika yose, maze ibintu byose by’agaciro barabitsemba.

Ezira 2:1

Dore abantu bo muri icyo gihugu bari barajyanywe bunyago; ni bo Nebukadinetsari, umwami w’Abanyababiloni yari yarajyanye i Babiloni, hanyuma bagaruka i Yeruzalemu mu gihugu cya Yuda, buri muntu asubira mu mugi we.

Ezira 5:8

Umwami namenye ko twagiye mu gihugu cya Yuda kureba Ingoro y’Imana ikomeye. Irubakishwa amabuye abajwe, n’inkike zayo bazometseho imbaho, kandi uwo murimo urakoranwa umwete ku buryo butunganye.

Nehemiya 11:3

Dore amazina y’abatware bo muri ako karere biyemeje gutura i Yeruzalemu. Naho Abayisraheli bandi, baba abaherezabitambo, abalevi, abahereza cyangwa se abahungu b’abagaragu ba Salomoni, bo bakwiriye imigi ya Yuda, buri wese atura mu isambu ye.

Nehemiya 2:13

Nuko muri iryo joro, nsohokera mu Irembo ryo ku Kibaya, ngenda nerekeje ku iriba ry’Ikiyoka no ku Irembo ry’Imyanda. Nitegereza nitonze inkike za Yeruzalemu zari zaratengaguritse, n’amarembo yayo yari yarakongotse.

Nehemiya 2:17

Noneho ndababwira nti «Murabona aya makuba turimo: Yeruzalemu yarasenyutse, n’amarembo yayo arashya. Nimuze, twubake inkike za Yeruzalemu, maze bareke kudusuzugura!»

Nehemiya 2:3

Nuko mbwira umwami, nti «Umwami arakarama! Nabura nte kurebana agahinda, kandi umurwa urimo imva z’abasokuruza banjye warasenyutse, n’amarembo yawo agatwikwa?»

Nehemiya 7:6

Dore abantu bo muri iyi ntara, Nebukadinetsari umwami wa Babiloni yari yarajyanye bunyago, hanyuma bakagaruka i Yeruzalemu no muri Yuda, buri wese agasubira mu mugi we.

Zaburi 79:4

Abaturanyi bacu baradutuka, twahindutse insuzugurwa mu badukikije.

Imigani 25:28

Umuntu utitangira muri kamere ye, ameze nk’umugi wasenyutse utagira inkike.

Yesaya 43:28

nuko nsuzuguza ab’ingenzi mu batware bawe, Yakobo ndamutanga ngo arimburwe, Israheli nyegurira abashinyaguzi.

Yesaya 5:5

Reka rero mbabwire uko nzagenzereza umuzabibu wanjye: nzawambura uruzitiro, maze wonwe; nsenye urukuta rwawo, bawunyukanyuke.

Yeremiya 24:9

Nzabagirira ibya mfura mbi, mbatangeho urugero ruzakangaranya ingoma zose zo ku isi. Ahantu hose nzabatatanyiriza, bazaba iciro ry’imigani n’urw’amenyo, babatuke kandi babahindure ruvumwa.

Yeremiya 29:18

Nzabakurikirana n’inkota, inzara n’icyorezo, mbagire urugero rw’abavumwe bose bo ku isi; nzabahindura itongo riteye ubwoba. Mu mahanga yose nzabatatanyirizamo bazahinduka iciro ry’imigani,

Yeremiya 39:8

Hanyuma Abakalideya batwika ingoro y’umwami n’amazu y’abaturage, inkike za Yeruzalemu barazisenyagura.

Yeremiya 42:18

Ni koko, Uhoraho Umugaba w’ingabo, Imana ya Israheli avuze atya: Nk’uko umujinya wanjye n’uburakari bwanjye byivunduriye ku baturage ba Yeruzalemu, ni na ko bizabavunduriraho nimugera mu Misiri. Muzaba ibivume, mube ibicibwa, muhore munegurwa kandi musekwa, n’iki gihugu ntimuzongera kukibona ukundi.

Yeremiya 5:10

Nimwurire inkike zacyo! Muzirimbure, ariko ntimuzitsembe. Nimucyambure amashami yacyo, kuko atari ay’Uhoraho.

Yeremiya 52:14

Naho inkike za Yeruzalemu zari ziyikikije impande zose, zisenywa n’ingabo z’Abakalideya, ziyobowe n’umutware w’abarinda umwami.

Amaganya 1:7

Yeruzalemu iribuka ya minsi y’umubabaro n’agahinda, ubwo abantu bayo bagwaga mu biganza by’umwanzi kandi itagira kirengera; abanzi bayo babibonaga, bishimira irimbuka ryayo.

Amaganya 2:9

Amarembo yayo yarigise mu butaka, ibihindizo yarabikuye, arabicagagura; umwami wayo n’abatware bayo bigaruriwe n’abanyamahanga, nta mategeko akiharangwa, n’abahanuzi bayo ntibakibonekerwa n’Uhoraho!

Amaganya 3:61

Uhoraho, wumvise ibitutsi byabo, n’uko bahihibikanira kungambanira;

Amaganya 5:1

Uhoraho, ibuka ibyatugwiririye, itegereze maze urebe uko badutuka!

Abalewi 26:31

Imigi yanyu nzayizimya, amasengero yanyu nzayangize, noye kuzongera guhumurirwa n’imibavu yanyu ukundi.

Abalewi 26:33

Mwebwe ubwo muzaba mwarakwiriye imishwaro mu mahanga yose, kandi na ho nzahabakurikiza inkota. Igihugu cyanyu kizazima, imigi yanyu isigare ari amatongo.