Nehemiya 1:11 - Kinyarwanda Bibiliya Ntagatifu

¹¹ Ndakwinginze rero, Nyagasani, tega ugutwi isengesho ry’umugaragu wawe, n’iry’abagaragu bawe bashimishwa no kubaha izina ryawe. Ha umugaragu wawe kurangiza neza uyu munsi icyo agamije, kandi wa muntu aze kunyakirana impuhwe!» Icyo gihe nari nshinzwe kujya mpereza umwami divayi.

Bibiliya Yera

¹¹ Nyagasani ndakwinginze, tegera ugutwi kwawe gusenga k'umugaragu wawe n'ukw'abagaragu bawe bishimira kubaha izina ryawe, none uhe umugaragu wawe umugisha, umuhe no kugirirwa imbabazi n'uyu mugabo.” Kandi ubwo nari umuziritsi wa vino y'umwami.

Bibiliya Ijambo ry'imana D

¹¹ Ayii Nyagasani, ndakwinginze tega amatwi, umva ugusenga kwanjye jyewe umugaragu wawe, n'ukw'abandi bagaragu bawe bishimira kukubaha. None uyu munsi umpe kugirira ishya n'ihirwe ku mwami.” Icyo gihe nari nshinzwe guhereza umwami ibyokunywa.

Bibiliya Ijambo ry'imana

¹¹ Ayii Nyagasani, ndakwinginze tega amatwi, umva ugusenga kwanjye jyewe umugaragu wawe, n'ukw'abandi bagaragu bawe bishimira kukubaha. None uyu munsi umpe kugirira ishya n'ihirwe ku mwami.” Icyo gihe nari nshinzwe guhereza umwami ibyokunywa.

Nehemiya 1:11 Iomraidhean Croise

Itangiriro 24:42

Uyu munsi nageze ku iriba ndavuga nti ’Uhoraho, Mana ya databuja Abrahamu, niba urugendo ndimo warugize ruhire,

Itangiriro 32:11

sinkwiriye ubuntu n’ineza wagiriye umugaragu wawe w’intamenyekana! Dore nambutse Yorudani iyi ngiyi, nitwaje inkoni gusa; none mpindukiye ngabye inkambi ebyiri.

Itangiriro 32:28

Undi aramubaza ati «Witwa nde?» Ati «Nitwa Yakobo.»

Itangiriro 40:1

Nyuma y’ibyo, umunyanzoga wa Misiri, n’umutetsi w’imigati bacumura kuri shebuja, umwami wa Misiri.

Itangiriro 40:2

Farawo arakarira cyane ibyo byegera bye, umutetsi mukuru w’imigati n’umunyanzoga mukuru, uko ari babiri.

Itangiriro 40:21

Umunyanzoga mukuru, Farawo amusubiza ku murimo we, yongera kujya ahereza Farawo igikombe cye;

Itangiriro 40:23

Ariko wa munyanzoga mukuru ntiyibuka Yozefu, ahubwo aramwibagirwa.

Itangiriro 41:9

Ubwo umunyanzoga mukuru abwira Farawo, ati «Uyu munsi ngiye kwirega icyaha cyanjye.

Itangiriro 43:14

Imana Nyir’ububasha izabahe kubabarirwa n’uwo mugabo, azabareke mutahane na mwene so wundi, na Benyamini! Jyeweho ngiye gusigara nta mwana, nk’aho nta bo nigeze.»

2 Ngoma 6:40

None rero, Mana yanjye, amaso yawe narebe, kandi amatwi yawe niyumve amasengesho avugirwa aha hantu!

Ezira 1:1

Mu mwaka wa mbere w’ingoma ya Sirusi, umwami w’Abaperisi, Uhoraho yiyemeje gusohoza ijambo yari yaravugishije Yeremiya, nuko akangura umutima wa Sirusi, umwami w’Abaperisi, kugira ngo atangaze mu bihugu bye byose, ari mu mvugo, ari no mu nyandiko, iri teka:

Ezira 7:6

Ezira uwo azamuka ava i Babiloni. Yari umwigisha kabuhariwe mu by’amategeko ya Musa, yatanzwe n’Uhoraho, Imana ya Israheli. Umwami amuha ibyo yari asabye byose, kuko Uhoraho Imana ye yari kumwe na we.

Nehemiya 1:6

Tega ugutwi kwawe rero, n’amaso yawe yitegereze, kugira ngo wumve isengesho ry’umugaragu wawe. Muri iki gihe ndasengera imbere yawe umunsi n’ijoro, nsabira Abayisraheli, abagaragu bawe, kandi ngashinja ibyaha byabo kuko twagucumuyeho.

Nehemiya 2:1

Bigeze mu kwezi kwa Nisani k’umwaka wa makumyabiri w’ingoma y’umwami Aritashuweru, kuko nari nshinzwe divayi, mfata divayi njya guhereza umwami. Kuva mbere, nta na rimwe nari nigeze ngira agahinda imbere ye.

Nehemiya 2:8

Nibanyandikire kandi n’urundi rwandiko rwo gushyira Asafu umurinzi w’ishyamba ry’umwami, kugira ngo azampe ibiti byo kubazamo ibikingi by’amarembo yegereye Ingoro, iby’inkike z’umugi, ndetse n’iby’inzu nzabamo.» Umwami arabinyemerera byose, kuko Imana yari kumwe nanjye.

Zaburi 106:46

maze abari barabigaruriye bose, akabatera kubagirira impuhwe.

Zaburi 130:2

Uhoraho, umva ijwi ryanjye. Utege amatwi ijwi ry’amaganya yanjye!

Zaburi 61:5

Icyampa ngo nibere mu ihema ryawe iteka ryose, akaba ari ho mpungira, nkihisha mu mababa yawe! (guceceka akanya gato)

Zaburi 86:6

Utege amatwi, wumve isengesho ryanjye, uhugukire ijwi ryanjye ndagutakambira.

Imigani 1:29

Kubera ko banze kujijuka, ntibahitemo gutinya Uhoraho,

Imigani 21:1

Umutima w’umwami uri mu kiganza cy’Uhoraho, akawuyobora, mbese nk’uko bayobora umugezi w’amazi aho bashatse hose.

Yeremiya 42:12

Nzabagira abaterambabazi kugira ngo abagirire impuhwe, maze abarekere mu gihugu cyanyu.

Malaki 3:16

Ibyo byatumye abubaha Uhoraho bajya impaka, maze Uhoraho abatega amatwi yumva amagambo yabo. Nuko imbere ye, handikwa mu gitabo amazina y’abantu bubaha Uhoraho, bakambaza izina rye.

Abeheburayo 13:18

Nimudusabire; mu by’ukuri umutimanama wacu uraboneye, kandi twiyemeje kugenza neza muri byose.