Mika 7:3 - Kinyarwanda Bibiliya Ntagatifu

³ Ibiganza byabo bimenyereye gukora ibibi gusa: umutware arasaba amaturo ngo abone gutunganya umurimo we, umucamanza na we araka ruswa; umunyacyubahiro aravuga yeruye irari ry’umubiri we.

Bibiliya Yera

³ Amaboko yabo akorana ikibi umwete, igikomangoma cyaka amaturo na we umucamanza agahongesha, n'umuntu ukomeye yerura irari ry'ibibi riri mu mutima we. Uko ni ko bahuriza imigambi yabo hamwe.

Bibiliya Ijambo ry'imana D

³ Ni abahanga bo gukora ibibi, abategetsi n'abacamanza nta cyo bakora batatse ruswa, abakomeye barabyitwaza bakagera ku byo bashaka, babigeraho bakoresheje uburiganya.

Bibiliya Ijambo ry'imana

³ Ni abahanga bo gukora ibibi, abategetsi n'abacamanza nta cyo bakora batatse ruswa, abakomeye barabyitwaza bakagera ku byo bashaka, babigeraho bakoresheje uburiganya.

Mika 7:3 Iomraidhean Croise

Imigani 16:30

Uwubika ingohe aba azirikana ubugome, naho urya iminwa aba yarangije guhemuka.

Imigani 17:23

Umugiranabi yakira ruswa, kugira ngo arenganye umunyamurava.

Yesaya 1:23

Abatware bawe ni abagome n’ibyitso by’abajura, bakunda amaturo, bose bagakurikirana ruswa; ntibarenganura imfubyi kandi ntibumva amaganya y’umupfakazi.

Yesaya 26:21

Dore Uhoraho asohotse iwe, kugira ngo ahane abatuye isi kubera ubugome bwabo. Isi igiye gutahurwaho amaraso yamennye, kandi ntizongera guhisha imirambo y’abapfuye.

Yesaya 3:5

Abantu bazagirirana nabi, umwe arenganye undi, umwana akangaranye umusaza, umutindi asuzugure umunyacyubahiro.

Yesaya 32:7

Naho uw’indyarya yitwaza ubwicanyi; ashakisha amayeri yo kwicisha abanyabyago, ababeshyera, mu gihe abo bakene bo barwanaga ku burenganzira bwabo.

Yesaya 5:23

bo bagira umwere umunyacyaha ari uko abaguriye, bakima intungane ibyo yatsindiye.

Yeremiya 3:5

Mbese uzahwema ryari kungirira inzika no kundakarira?» Nyamara n’ubwo uvuga utyo, ntibikubuza kohoka mu bibi no kubikomeza.

Yeremiya 4:22

Umuryango wanjye ni ibigoryi, koko nta bwo banzi. Ni abana badatekereza, nta cyo bashobora kwiyumvisha. Bashoboye kugira nabi, ariko kugira neza byo ntibabizi. (Yeremiya:)

Yeremiya 8:10

Nuko rero abagore babo ndabaha abandi, imirima yabo nyiteze abayigabiza; kuko bose, ari umuto n’umukuru, bararuwe n’inyungu zabo; abahanuzi n’abaherezabitambo bose, bakifata nabi.

Ezekiyeli 22:12

Iwawe kandi barakira amaturo kugira ngo bamene amaraso, uguriza abandi ushaka inyungu kandi ukabaka urwunguko rurengeje urugero, wambura mugenzi wawe ku ngufu, ndetse nanjye ubwanjye uranyibagirwa. Uwo ni Nyagasani Uhoraho ubivuze.

Ezekiyeli 22:27

Abatware bawe bameze nk’ibirura bitanyagura umuhigo wabyo, kandi baramena amaraso bicisha abantu ngo babasahure ibyabo.

Ezekiyeli 22:6

Dore aho iwawe, ibikomangoma bya Israheli bishishikajwe no kumena amaraso, buri muntu akurikije uko imbaraga ze zingana.

Ezekiyeli 34:21

Ubwo mwihaye kubyiga no gutera igitugu, intama zose zinanutse mukazitsimbisha amahembe, mukageza n’aho muzisuka hanze zigatatana,

Ezekiyeli 9:9

Arambwira ati «Icyaha cy'umuryango wa Israheli n'inzu ya Yuda kirakabije; dore igihugu cyuzuyemo amaraso, n'umugi wasagutswe n'ubugizi bwa nabi. Baribwira bati 'Uhoraho yavuye mu gihugu, ntakibona.'

Hoseya 4:18

Ubusinzi bwabo niburangira, bazohokera mu busambanyi, kuko Ikuzo ryabo bariguranye ibikozasoni.

Hoseya 7:3

Banezeza umwami n’ubwo bugome bwabo, uburyarya bwabo bugashimisha abatware.

Amosi 5:12

Kuko nzi umubare utabarika w’ibicumuro byanyu, n’ububi bw’ibyaha byanyu, mwe murenganya intungane, mukakira indishyi z’amahugu, mugatera ijanja abakene babatakambiye mu rukiko.

Mika 2:8

Naho mwebwe mwafashe umuryango wanjye nk’abanzi banyu; abavuye mu ntambara bigendera mu mahoro, mubacuza ibishura byabo bari biteye!

Mika 3:11

Abatware bayo baraca imanza ari uko babonye ruswa, abaherezabitambo bayo barigishiriza kuronka inyungu, abahanuzi bayo barahanura ari uko bahawe feza. Kandi bagatinyuka kwishingikiriza Uhoraho, bavuga bati «Uhoraho ari muri twe, icyago ntikizatugwirira!»

Mika 3:2

mwebwe mwanga icyiza, mugakunda ikibi! Ngaha muruna abantu ho uruhu, mugashishimura inyama ku magufa yabo!

Matayo 26:15

arababwira ati «Murampa iki, nanjye nkamubagabiza?» Bamubarira ibiceri mirongo itatu bya feza.

1 Abakorinto 4:5

Namwe rero ntimugace imanza igihe kitaragera, mutegereze ko Nyagasani azaza, agashyira ahabona ibihishwe mu mwijima, akanatangaza ibyo umutima ubundikiye. Ubwo ni bwo Imana izaha buri wese ishimwe rimukwiye.