Mika 7:16 - Kinyarwanda Bibiliya Ntagatifu

¹⁶ Abanyamahanga bazabireba maze bakorwe n’ikimwaro, bo biringiye ububasha bwabo bwinshi, bazumirwe bipfuke ku munwa banazibe n’amatwi.

Bibiliya Yera

¹⁶ Amahanga azabareba akorwe n'isoni nubwo azaba afite imbaraga nyinshi, bazifata ku munwa n'amatwi yabo azaziba.

Bibiliya Ijambo ry'imana D

¹⁶ Ab'amahanga akomeye bazabibona bumirwe, bazaruca barumire, amatwi bayavuniremo ibiti.

Bibiliya Ijambo ry'imana

¹⁶ Ab'amahanga akomeye bazabibona bumirwe, bazaruca barumire, amatwi bayavuniremo ibiti.

Mika 7:16 Iomraidhean Croise

Yobu 21:5

Nimuhindukire mundebe, murumirwa, maze mwifate ku munwa.

Yobu 40:4

«Ni koko, nakinnye mu bikomeye; nabona nsubiza iki? Ahasigaye ni ugupfuka umunwa ngaceceka.

Zaburi 126:2

Ubwo umunwa wacu wuzura ibitwenge, n’ururimi rwacu rutera indirimbo z’ibyishimo. Nuko mu mahanga bakavuga bati «Uhoraho yabakoreye ibintu by’agatangaza!»

Imigani 30:32

Niba warigannye umupfayongo, wowe ubwawe ukikuza, nubitekerezaho, uzahite ufunga umunwa wawe;

Yesaya 26:11

Wabanguye ukuboko kwawe, Uhoraho, ntibakubona, nyamara bazabona ishyaka urwanirira umuryango wawe, bakorwe n’isoni, kandi batwikwe n’umuriro wagenewe abanzi bawe.

Yesaya 52:15

ni na ko bizatangaza amahanga menshi, abami nibamugera imbere bumirwe, kuko bazaba babonye icyo batigeze babwirwa, bakitegereza ikintu kitigeze kibaho.

Yesaya 66:18

Naho jyewe, nzanywe no gukoranyiriza hamwe amahanga y’indimi zose, kugira ngo azarebe ikuzo ryanjye.

Ezekiyeli 38:23

Nzagaragaza ubuhangange bwanjye n’ubutungane bwanjye, nzimenyekanye mu maso y’amahanga atagira ingano, maze bazamenye ko ndi Uhoraho.’

Mika 3:7

Ubwo abashishozi bazakorwa n’isoni, abapfumu bagwe mu kantu; bose bipfuke mu maso kuko Imana itabashubije.

Mika 5:8

Nawe rero, cyamurira ikiganza cyawe ku bakurwanya, maze abanzi bawe bose barimbuke!

Hagayi 2:22

Ngiye kubirindura intebe z’abami kandi ntsembe ububasha bw’ibihugu by’amahanga; nzabirindura amagare y’intambara n’abayagenderaho; amafarasi n’abayagenderaho bazitura hasi, buri muntu yicwe n’inkota y’umuvandimwe we.

Zekariya 12:9

Uwo munsi, nzahagurukira gutsemba amahanga yose azatera Yeruzalemu.

Abaroma 3:19

Nyamara tuzi ko ibyo amategeko avuze byose, bibwirwa abagengwa n’amategeko kugira ngo akanwa kose kazibe, maze isi yose yemezwe kuba yaragomeye Imana.

Ibyahisuwe 11:18

Amahanga yari yarakaye, ariko uburakari bwawe buba ari bwo bwigaragaza. Ubu ni igihe cyo gucira urubanza abapfuye, no guhemba abagaragu bawe b’abahanuzi, abatagatifu n’abatinya izina ryawe, abakuru n’abato, n’igihe cyo gutsemba abarimbuye isi.»