Mika 6:2 - Kinyarwanda Bibiliya Ntagatifu

² Misozi, nimwumve urubanza rw’Uhoraho, namwe mfatiro zitajegajega z’isi, nimutege amatwi, kuko Uhoraho afitanye urubanza n’umuryango we, akaba aburana na Israheli:

Bibiliya Yera

² “Mwa misozi mwe, namwe mfatiro z'isi zitajegajega, nimwumve kuburana k'Uwiteka, kuko Uwiteka afitanye urubanza n'ubwoko bwe kandi azaburana na Isirayeli.

Bibiliya Ijambo ry'imana D

² Mwa misozi mwe, namwe mfatiro z'isi zitajegajega nimwumve! Uhoraho ararega ubwoko bwe, araburanya Abisiraheli ati:

Bibiliya Ijambo ry'imana

² Mwa misozi mwe, namwe mfatiro z'isi zitajegajega nimwumve! Uhoraho ararega ubwoko bwe, araburanya Abisiraheli ati:

Mika 6:2 Iomraidhean Croise

2 Samweli 22:16

Ubutaka bwo hasi mu nyanja buraboneka, imfatiro z’isi ziragaragara, ku bw’umuhindagano w’Uhoraho, ku bw’inkubi y’umwuka usohoka mu mazuru ye.

2 Samweli 22:8

Nuko isi iratengurwa, ihinda umushyitsi, imfatiro z’ijuru ziranyeganyega, maze byose bitigiswa n’uburakari bwayo.

Zaburi 104:5

Isi wayiteretse mu kibanza cyayo, ntizigera na rimwe ihungabana.

Imigani 8:29

igihe yategekaga inyanja kutarenga inkombe yayo, akanatera imbago z’urugabaniro rw’isi,

Yesaya 1:18

Uhoraho avuze atya: Nimuze, tuburane! N’aho ibyaha byanyu byatukura nk’indubaruba, bizahinduka urwererane nk’urubura. Naho niba byatukuraga nk’umuhemba, bizererana nk’ubwoya bw’intama.

Yesaya 3:13

Uhoraho arahagurutse ngo ace urubanza, arahagaze ngo ashinje amahanga.

Yesaya 43:26

Ibuka umbwire ibyo unshinja maze tuburane. Ni byo rwose, ngaho garagaza ingingo ushingiraho.

Yesaya 5:3

None rero, baturage ba Yeruzalemu, namwe bantu bo muri Yuda, nimunkiranure n’umuzabibu wanjye.

Yeremiya 2:9

Ni cyo gituma ngiye kubashinja, mwebwe n’abuzukuru banyu. Uwo ni Uhoraho ubivuze.

Yeremiya 25:31

Urusaku rwageze no ku mpera z’isi; Uhoraho ashoje urubanza arega amahanga, araburanya icyitwa ikinyamubiri cyose, maze abanyabyaha abagabize inkota, uwo ni Uhoraho ubivuze!»

Yeremiya 31:37

Uhoraho agize ati «Nihagira ushobora gupima aho ijuru rigarukira, agatahura aho inkingi z’isi zitereye, icyo gihe nanjye nzabona gutererana inkomoko ya Israheli kubera ibyo yakoze byose» — uwo ni Uhoraho ubivuze.

Hoseya 12:2

Efurayimu itungwa n’umuyaga, buri munsi ikiruka inyuma y’umuyaga w’iburasirazuba, bityo ikagwiza ibinyoma n’urugomo: igirana amasezerano na Ashuru, ikagemura amavuta mu Misiri.

Hoseya 12:3

Uhoraho afitanye urubanza na Israheli, agiye guhanira Yakobo imyifatire ye, kandi amwiture ibihwanye n’ibikorwa bye.

Hoseya 4:1

Bayisraheli, nimwumve ijambo ry’Uhoraho: Uhoraho araburanya abaturage b’igihugu, kuko nta kuri, nta n’urukundo rwa mugenzi wabo, cyangwa kumenya Imana, bikirangwa mu gihugu;

Mika 6:1

Nimwumve icyo Uhoraho avuze: «Haguruka, uburanire imbere y’imisozi, maze utununga twumve ijwi ryawe!»

Ivugururamategeko 32:22

Ni koko, umuriro uzagurumana mu mazuru yanjye, utwike byose kugeza hasi ikuzimu iwabo w’abapfuye, woreke isi hamwe n’ibyo yeze, uhindure ivu imizi y’imisozi.

Ivugururamategeko 4:26

uyu munsi ntanze ijuru n’isi ho abagabo: muzahita murimbuka, mushire mu gihugu mugiye kwegurirwa mumaze kwambuka Yorudani; ntimuzakirambamo, kuko muzarimbukira gushira.