Mika 5:8 - Kinyarwanda Bibiliya Ntagatifu

⁸ Nawe rero, cyamurira ikiganza cyawe ku bakurwanya, maze abanzi bawe bose barimbuke!

Bibiliya Yera

⁸ Ukuboko kwawe kuramburirwe ku banzi bawe, ababisha bawe bose bacibwe.

Bibiliya Ijambo ry'imana D

⁸ Ngaho nimutsinde abanzi banyu, ababarwanya nibatsembwe.

Bibiliya Ijambo ry'imana

⁸ Ngaho nimutsinde abanzi banyu, ababarwanya nibatsembwe.

Mika 5:8 Iomraidhean Croise

Itangiriro 49:9

Yuda, uri nk’icyana cy’intare, mwana wanjye, uzamutse uvuye ku rugamba! Yaciye bugufi, abunda nk’intare, kandi nk’intare y’ingore, ni nde wamutsimbura?

Zaburi 104:20

Uzana umwijima, maze hakaba ijoro, inyamaswa z’ishyamba zikayagara;

Zaburi 44:5

Mana yanjye n’umwami wanjye, ni wowe watumaga bene Yakobo batsinda.

Zaburi 50:22

Murumvireho namwe, abiha kwirengagiza Imana, ejo ntazabashwanyaguza, ntimubone ubatabara.

Imigani 30:30

hari intare y’intwari mu nyamaswa, kandi ntigire icyo ihunga kibaho;

Yesaya 5:29

Barivuga, baratontoma nk’intare y’ingore, cyangwa nk’ibyana byayo, barasakuza, bagahumira ku muhigo wabo, bakawutwara ntihagire uwubambura.

Ezekiyeli 39:10

Ntibazasubira gutashya ukundi inkwi mu gasozi cyangwa se gutema ibiti mu mashyamba, kuko bazacana intwaro zabo. Bazasahura na bo ababasahuraga, na bo banyage ababatwaye ibyabo. Uwo ni Nyagasani Uhoraho ubivuze.

Hoseya 5:14

Byongeye kandi, Efurayimu nzayimerera nk’intare, inzu ya Yuda nyimerere nk’icyana cy’intare; jye ubwanjye nzabatanyaguza maze nigendere, njyane umuhigo wanjye kandi nta we uteze kuwunyambura.

Mika 2:12

Ngiye kugukorakoranya, wowe Yakobo, uko wakabaye; ngiye gushyira hamwe udusigisigi twa Israheli! Nzabakoranyiriza hamwe nk’intama mu kiraro, cyangwa nk’ishyo riri mu rwuri, maze bahinduke imbaga nyamwinshi y’abishimye.

Mika 4:13

Haguruka unyukanyuke ingano, mwari w’i Siyoni! Amahembe yawe nzayahindura ibyuma, ibinono byawe mbihindure umuringa, maze uzahonyore amahanga menshi. Ibyo uzabanyaga kimwe n’ubukungu bwabo, ubyegurire Uhoraho, Umutegeka w’isi yose.

Mika 4:7

Abacumbagira nzabagira udusigisigi, abazaba bari kure mbagire ihanga rikomeye. Uhoraho azababera umwami ku musozi wa Siyoni, ubu n’iteka ryose.

Mika 5:3

We rero azemarara, aragire ubushyo bwe, abikesheje ububasha bw’Uhoraho n’ubuhangange bw’izina ry’Imana ye. Icyo gihe bazashinga imizi, kuko azakomera, akanategeka kugera ku mpera z’isi.

Mika 7:18

Mbese wagereranywa n’iyihe Mana, wowe wihanganira icyaha, ukirengagiza ubugome? Urukundo ugirira udusigisigi tw’umuryango wawe rutuma udakomeza kuwurakarira, ahubwo ugashimishwa no kutugirira impuhwe.

Zekariya 10:5

Bazaba ari intwari, bazarwane baribata ibyondo byo mu mayira; bazatsinda kuko Uhoraho azaba ari kumwe na bo, abazaba bari ku mafarasi bazakorwe n’isoni.

Zekariya 11:6

Nanjye rero, uwo ni Uhoraho ubivuze, sinzongera kugirira impuhwe abatuye isi. Koko rero, ngiye gutanga abantu, buri muntu mugabize umuturanyi we n’umwami we. Abami bazasenyagura ibihugu, kandi sinzagobotora abantu mu nzara zabo».

Zekariya 12:3

Koko rero, uwo munsi Yeruzalemu nzayigira nk’ibuye rinini amahanga adashobora guterura. Uzashaka kuriterura wese azarikomerekeraho, amahanga yose y’isi azakoranire kuyirwanya.

Zekariya 14:18

Ariko se niba umuryango wo mu Misiri utaje, uzahonoka icyorezo Uhoraho yageneye amahanga, atazamukira guhimbaza umunsi mukuru w’Ingando?

Zekariya 9:15

Uhoraho, Umugaba w’ingabo, azabarinda: amabuye y’umuhumetso azatsemba kandi ajanjagure abanzi, anywe amaraso nk’aho ari divayi, asendere nk’urwabya rw’icyuhagiro rwuzuye amaraso y’ibitambo, cyangwa nk’amahembe yo ku rutambiro.

Kubara 24:9

Aca bugufi, akabyagira nk’intare: ni nde wabyutsa iyo nyamaswa y’inkazi? Arahirwa uzaguha umugisha, kandi uzakuvuma na we azabe ikivume!»

Matayo 10:14

Nibanga kubakira no kumva amagambo yanyu, muve muri urwo rugo cyangwa muri uwo mugi, mukunguta umukungugu wo ku birenge byanyu.

Ibyakozwe 18:6

Nyamara bo bakamurwanya kandi bakamutuka, ni ko gukunguta imyambaro ye, ababwira ati «Amaraso yanyu azabahame! Jye ndi umwere, ndetse no kuva ubu nigiriye mu banyamahanga.»

Abeheburayo 12:25

Muririnde rero kwima amatwi Nyir’ukubabwira! Abanze kumva uwabahanuriraga hano ku isi ntibashoboye kuzibukira igihano; twebwe se tuzakitaza dute niba twirengagije Utubwirira mu ijuru?

Abeheburayo 2:3

Twebwe rero twazarokoka dute niba turangaranye umukiro wa bene ako kageni, wabanje kwamamazwa na Nyagasani ubwe, nyuma natwe abawumvise tukawuhamya,