Mika 5:6 - Kinyarwanda Bibiliya Ntagatifu

⁶ Ubwo udusigisigi twa Yakobo tuzatura rwagati mu miryango myinshi; bamere nk’ikime cyangwa ibijojoba bigwa ku byatsi, biturutse kuri Uhoraho, atagize icyo asaba umuntu cyangwa se icyo amutezeho.

Bibiliya Yera

⁶ Abarokotse ba Yakobo bazaba mu moko menshi, bababere nk'ikime kivuye ku Uwiteka cyangwa nk'imvura y'urujojo igwa mu byatsi, bitagomba kurindira umuntu habe no gutegereza abantu.

Bibiliya Ijambo ry'imana D

⁶ Abisiraheli bazaba basigaye hagati y'amahanga menshi, bazayagwa gitumo baje nk'ikime Uhoraho yohereje, baje nk'ibijojoba bigwa ku byatsi, abantu ntibazaba babyiteze cyangwa babifitemo uruhare.

Bibiliya Ijambo ry'imana

⁶ Abisiraheli bazaba basigaye hagati y'amahanga menshi, bazayagwa gitumo baje nk'ikime Uhoraho yohereje, baje nk'ibijojoba bigwa ku byatsi, abantu ntibazaba babyiteze cyangwa babifitemo uruhare.

Mika 5:6 Iomraidhean Croise

2 Abami 15:29

Ku ngoma ya Peka, umwami wa Israheli, ni bwo Tegalati‐Falazari, umwami w’Abanyashuru, yateye imigi ya Iyoni, Abeli‐Betimaka, Yaniwa, Kedeshi, Hasori; atera na Gilihadi, Galileya n’igihugu cyose cya Nefutali. Aho hose arahigarurira, abaturage b’aho abajyana bunyago muri Ashuru.

1 Ngoma 1:10

Kushi abyara Nemurodi, ari we ntwari ya mbere ku isi.

2 Ngoma 33:11

Uhoraho abateza abatware b’ingabo z’Umwami wa Ashuru: bafata Manase bamukuruza ingobe, bamubohesha umunyururu w’inyabubiri, bamujyana i Babiloni.

Yobu 29:22

Iyo narangizaga kuvuga, nta wasubizagayo, ahubwo ijambo ryanjye ryarabacengeraga,

Zaburi 110:3

Wahawe ubutware kuva ukivuka, wimikirwa ku misozi mitagatifu; mbese nk’urume rutonda mu museke, uko ni ko nakwibyariye!»

Zaburi 72:6

amere nk’imvura igwa mu rwuri, mbese nk’imvura y’umurindi ibobeza ubutaka!

Yesaya 14:2

Abo mu bihugu bya kure bazajyana n’Abayisraheli, babasubize mu gihugu cyabo; nuko nibamara kugera ku butaka bw’Uhoraho, Israheli ibagire abacakara n’abaja bayo, itegeke abayishikamiraga, inabashyire ku ngoyi bari barashyizweho.

Yesaya 14:25

Nzavunagurira Abanyashuru mu gihugu cyanjye, mbarimbure ku misozi yanjye. Abo bicishaga uburetwa nzabubakiza, n’umutwaro babakoreraga nywubature.»

Yesaya 33:1

Uragowe! Wowe urimbura kandi utarabigiriwe; wowe ugwa abandi gitumo, kandi utarabikorewe. Igihe uzahosha kurimbura, nawe uzaherako urimburwa; igihe uzareka kugwa gitumo, nawe uzatungurwa.

Yesaya 37:36

Mu ijoro rikurikiyeho, Malayika w’Uhoraho araza yambukiranya ingando y’Abanyashuru, yicamo abantu ibihumbi ijana na mirongo inani na batanu. Mu gitondo bose bari babaye imirambo!

Yesaya 37:37

Senakeribu, umwami w’Abanyashuru, arataha asubira mu murwa we i Ninivi, agumayo.

Yesaya 6:13

Kandi n’iyo hasigara kimwe cya cumi, na cyo nzongera ngitwike nk’umushishi watemwe, maze hazasigare igishyitsi cyonyine. Icyo gishyitsi rero, kizakomokaho imbuto ntagatifu.»

Yeremiya 14:22

Mu bigirwamana by’amahanga se, hari na kimwe kigusha imvura? Ijuru se ni ryo ubwaryo rigusha imvura y’umuvumbi? Si wowe se Uhoraho, Imana yacu? Turakwiringiye rero, kuko ari wowe ukora ibyo byose.

Nahumu 2:11

Byose birasenyutse, birasahuwe, birarimbutse! Abantu b’aho bose bacitse intege, amavi arakomangana, barahinda umushyitsi umubiri wose, mu maso habo harasuherewe.

Zefaniya 2:13

Uhoraho azaramburira ikiganza cye ku majyaruguru maze atsembe Ashuru; Ninivi azayihindura amatongo, yumagatane nk’ubutayu.

Zefaniya 3:12

Nzagusigamo umuryango wiyoroshya, ukanicisha bugufi, ukazashakira ubuhungiro mu izina ry’Uhoraho.

Luka 1:71

ko azadukiza abanzi bacu, akatugobotora mu nzara z’abatwanga bose.

Luka 1:74

avuga ko namara kutugobotora mu maboko y’abanzi bacu, azaduha kumukorera nta cyo twikanga,

Luka 24:27

Nuko ahera kuri Musa n’Abahanuzi bose, maze abasobanurira ibimwerekeyeho biri mu Bitabo bitagatifu.

Ivugururamategeko 32:2

Inyigisho zanjye nizisuke nk’imvura, amagambo yanjye niyisese nk’urume, nk’imvura y’umurindi igwa ku bwatsi butoto, nk’ibitonyanga bigwa mu kanyatsi!