Mika 4:3 - Kinyarwanda Bibiliya Ntagatifu

³ Azaca imanza z’ibihugu byinshi, akiranure amahanga akomeye, ndetse n’aya kure. Inkota zabo bazazicuramo amasuka, amacumu yabo bayacuremo imihoro. Nta hanga rizongera kubangurira irindi inkota, kandi ntibazongera ukundi kwitoza imirwano.

Bibiliya Yera

³ kandi azacira imanza mu moko menshi, azahana amahanga akomeye ya kure, na bo inkota zabo bazazicuramo amasuka, n'amacumu yabo bazayacuramo impabuzo. Nta shyanga rizabangurira inkota irindi shyanga, kandi ntabwo bazongera kwiga kurwana.

Bibiliya Ijambo ry'imana D

³ Uhoraho azakemura imanza hagati y'amoko menshi, azakiranura impaka hagati y'amahanga akomeye ndetse n'ari kure. Abantu bazacura inkota zabo mo amasuka, amacumu yabo bazayacuramo impabuzo. Nta gihugu kizongera gutera ikindi, nta bantu bazongera kwitoza intambara.

Bibiliya Ijambo ry'imana

³ Uhoraho azakemura imanza hagati y'amoko menshi, azakiranura impaka hagati y'amahanga akomeye ndetse n'ari kure. Abantu bazacura inkota zabo mo amasuka, amacumu yabo bazayacuramo impabuzo. Nta gihugu kizongera gutera ikindi, nta bantu bazongera kwitoza intambara.

Mika 4:3 Iomraidhean Croise

Zaburi 46:10

Ahagarika intambara kugeza ku mpera z’isi, akonyagura imiheto n’amacumu by’abarwanyi, amagare y’intambara ayaha inkongi, agira ati

Zaburi 46:9

Nimuze mwirebere ibyo Uhoraho yakoze, we wakwije amatongo ku isi!

Zaburi 72:3

Imisozi nikwize rubanda amahoro, n’imirenge ibazanire ubutabera.

Zaburi 72:7

Mu gihe cye, ubutabera buzasagamba, n’amahoro asesure, mu mezi atabarika.

Zaburi 82:8

Uhoraho, haguruka ucire isi urubanza, kuko ari wowe mugenga w’amahanga yose.

Zaburi 96:13

mu maso y’Uhoraho, kuko aje, kuko aje gutegeka isi; azacira isi urubanza mu butabera, arucire n’imiryango mu butarenganya bwe.

Zaburi 98:9

imbere y’Uhoraho, kuko aje gutegeka isi; azacira isi urubanza rutabera, arucire n’imiryango mu butarenganya bwe.

Yesaya 2:4

Azacira amahanga imanza, akiranure abantu b’ibihugu byinshi. Inkota zabo bazazicuramo amasuka, amacumu yabo bayacuremo ibihabuzo. Ihanga ntirizongera gutera irindi inkota, ntibazongera ukundi kwiga kurwana.

Yesaya 25:3

Ni cyo gituma umuryango ukomeye uzagukuza, umurwa w’abatware b’amahanga ukagutinya,

Yesaya 51:5

Ubutabera bwanjye buregereje, agakiza kanjye kasesekaye, ukuboko kwanjye kugiye gucira amahanga imanza. Ibirwa bizangirira icyizere, bitegereze ububasha bw’ukuboko kwanjye.

Yesaya 60:12

Igihugu n’ingoma bitazakuyoboka, bizarimbuka, amahanga azasenywe burundu.

Yesaya 65:25

Ikirura n’umwana w’intama bizarisha hamwe, intare izarishe ubwatsi nk’ikimasa, naho inzoka itungwe n’umukungugu. Nta we uzaba akigira nabi cyangwa ngo akore amahano ku musozi wanjye mutagatifu. Uwo ni Uhoraho ubivuze.

Yesaya 9:7

Uhoraho yabwiye ijambo Yakobo, maze Israheli irita mu gutwi.

Hoseya 2:18

Uwo munsi kandi — uwo ni Uhoraho ubivuga — uzanyita ngo «Umugabo wanjye», uzahurwe burundu kongera kunyita ngo «Behali wanjye».

Hoseya 2:20

Uwo munsi nyine, nzamuha kugirana isezerano n’inyamaswa zo mu gasozi, inyoni zo mu kirere n’ibyikurura ku butaka; nzavunagura imiheto n’inkota by’intambara, ubutazongera kuboneka mu gihugu; bityo abaturage bazibereho mu mudendezo.

Yoweli 3:2

Koko muri iyo minsi, abagaragu n’abaja nzabasenderezamo Umwuka wanjye.

Zekariya 14:3

Nuko Uhoraho, umunsi azatabara, umunsi w’isibaniro, azajye ku rugamba kurwanya ayo mahanga.

Zekariya 8:20

Avuze atya Uhoraho, Umugaba w’ingabo: Ni koko, muzongera kubona haje abanyamahanga n’abaturage b’imigi minini.

Zekariya 9:10

Amagare y’intambara azayavana muri Efurayimu, no muri Yeruzalemu amagare y’urugamba. Azavunagura umuheto w’intambara, ibihugu abitangarize amahoro. Ingoma ye izava ku nyanja igere ku yindi, ihere no ku Ruzi igarukire ku mpera z’isi.

Ibyakozwe 17:31

kuko yashyizeho umunsi igomba gucira isi urubanza rutabera, ikoresheje umuntu yabigeneye, nk’uko yahaye bose icyemezo, umunsi imuzura mu bapfuye.»

Ibyahisuwe 19:11

Nuko mbona ijuru rirakinguye, maze hasohoka ifarasi y’umweru, Uwari uyicayeho akitwa Umudahemuka n’Umunyakuri, agaca imanza kandi akarwana akurikije ubutabera.

1 Samweli 2:10

Uhoraho, abanzi be bazarimburwa, aho ari mu ijuru azabahindishaho inkuba. Uhoraho azacira isi yose urubanza, azahe ububasha umwami yiyimikiye, kandi akuze uwo yisigiye amavuta y’ubutore.»