Mika 4:10 - Kinyarwanda Bibiliya Ntagatifu

¹⁰ Hinahinwa n’ububabare, mwari w’i Siyoni, kandi uboroge nk’umugore uramutswe, kuko ugiye kuva mu murwa ukajya mu gasozi, ukazagera ndetse n’i Babiloni. Aho ni ho Uhoraho azakugobotora, akakuvana mu nzara z’abanzi.

Bibiliya Yera

¹⁰ Ubabare ugire ibise byo kubyara, mukobwa w'i Siyoni we nk'umugore uri ku nda, kuko ugiye gusohoka mu mudugudu ukaba mu gasozi, ndetse uzajya n'i Babuloni. Ni ho uzarokorerwa, ni ho Uwiteka azagukiriza akuvane mu maboko y'ababisha bawe.

Bibiliya Ijambo ry'imana D

¹⁰ Koko ntimwabura kuribwa nk'umugore ufite ibise! Erega muzavanwa mu mujyi mugende murara mu gasozi, muzajyanwa i Babiloni. Nyamara aho ni ho Uhoraho azabakiriza, aho ni ho azabavana mu maboko y'abanzi.

Bibiliya Ijambo ry'imana

¹⁰ Koko ntimwabura kuribwa nk'umugore ufite ibise! Erega muzavanwa mu mujyi mugende murara mu gasozi, muzajyanwa i Babiloni. Nyamara aho ni ho Uhoraho azabakiriza, aho ni ho azabavana mu maboko y'abanzi.

Mika 4:10 Iomraidhean Croise

2 Abami 20:18

Abenshi mu bana wibyariye, bazabajyana babahindure abakone bo kuba mu ngoro y’umwami w’i Babiloni.»

2 Abami 25:4

ni bwo Abakalideya baciye icyuho mu rukuta rw’umugi ariko bumaze kwira ingabo zose za Yuda ziracika, n’ubwo Abakalideya bari bagose Yeruzalemu yose. Bagenda banyuze mu muryango uri hagati y’inkike zombi hafi y’umurima w’Umwami, bagenda berekeza iya Araba.

2 Ngoma 33:11

Uhoraho abateza abatware b’ingabo z’Umwami wa Ashuru: bafata Manase bamukuruza ingobe, bamubohesha umunyururu w’inyabubiri, bamujyana i Babiloni.

2 Ngoma 36:20

Hanyuma umwami wabo ajyana bunyago i Babiloni abari basigaye bacitse ku icumu, abagira abacakara be n’ab’abahungu be kugeza ku ngoma y’Abaperisi.

2 Ngoma 36:23

«Sirusi, umwami w’Abaperisi, aravuze ngo: Abami bose bo ku isi, Uhoraho Imana Nyir’ijuru yarabangabije, kandi antegeka ubwe kumwubakira Ingoro i Yeruzalemu, yo muri Yuda. Muri mwebwe, umuntu wese wo mu muryango we nabane n’Imana ye, kandi nazamuke . . . »

Zaburi 106:10

Yabakijije abari babibasiye, abagobotora mu nzara z’umwanzi;

Yesaya 43:14

Nyir’ubutagatifu wa Israheli, ubacungura avuze atya : Kubera mwe, nohereje umuntu i Babiloni, kugira ngo asenyagure ibihindizo byose bibafungiranye, maze urwamo rw’ibyishimo by’Abakalideya ruzahinduke imiborogo.

Yesaya 45:13

Ni jye wahagurukije uwo muntu, nkurikije umugambi wanjye, kandi nkazaringaniza amayira ye yose. Ni we uzongera kubaka umugi wanjye, akazagarura abanjye bajyanywe bunyago, nta kiguzi ahawe cyangwa impongano. Uwo ni Uhoraho, Umugaba w’ingabo ubivuze.

Yesaya 48:20

Nimusohoke muri Babiloni! Nimuhunge Abakalideya ! Nimurangurure amajwi mubitangaze, nimubimenyekanishe, mubyamamaze kugera ku mpera z’isi, muvuga muti «Uhoraho yacunguye Yakobo, umugaragu we !»

Yeremiya 13:4

«Haguruka ugende ukenyeye wa mukandara waguze, maze ujye i Perati, nuhagera uzawuhishe mu isenga ry’urutare.»

Yeremiya 15:21

Ndakuvana mu kiganza cy’abagome, nkugobotore mu nzara z’abanyarugomo.

Yeremiya 29:20

Naho mwebwe, abajyanywe bunyago, nkabirukana i Yeruzalemu mukajya i Babiloni, nimwumve ijambo ry’Uhoraho!

Yeremiya 4:31

Ndumva igisa nk’iminiho y’umugore uramutswe; mbese nk’iy’ububabare bw’umugore ukibyara ubwa mbere. Iyo ni induru y’umwari mwiza Siyoni, uganya, agatakamba arashya amaboko, ati «Ndagowe, ndapfuye, nzira abishi banjye!»

Yeremiya 48:41

Imigi yafashwe n’ibigo bikomeye birarimburwa. Uwo munsi, umutima w’intwari za Mowabu uzaba nk’uw’umugore uramutswe.

Yeremiya 52:27

Umwami w’i Babiloni abicishiriza aho i Ribula mu gihugu cya Hamati. Nguko uko Yuda yajyanywe bunyago kure y’igihugu cye.

Hoseya 13:13

Yagwiririwe n’imibabaro nk’umugore uramutswe: ariko ni umwana w’ikigoryi; igihe cye cyo kuvuka cyageze, ariko we ntabishaka!

Hoseya 2:14

Nzarimbura umuzabibu we n’umutini we yavugaga ngo «Dore igihembo niherewe n’amacuti yanjye», mbihindure ibihuru birishwe n’inyamaswa zo mu ishyamba.

Mika 5:2

Ni cyo gituma Uhoraho azabatererana kugeza igihe ugomba kubyara azabyarira, maze udusigisigi tw’abavandimwe be dusange Abayisraheli.

Mika 5:3

We rero azemarara, aragire ubushyo bwe, abikesheje ububasha bw’Uhoraho n’ubuhangange bw’izina ry’Imana ye. Icyo gihe bazashinga imizi, kuko azakomera, akanategeka kugera ku mpera z’isi.

Ibyahisuwe 12:14

Ariko wa Mugore ahabwa amababa abiri nk’aya kagoma nini cyane, kugira ngo aguruke ajya mu butayu kure ya ya Nzoka, ahantu yari yateguriwe ngo ahamare igihe, n’ibihe, n’inusu y’igihe, agaburirwa.