Mika 3:5 - Kinyarwanda Bibiliya Ntagatifu

⁵ Uhoraho avuze atya ku bahanuzi bayobya umuryango wanjye: Iyo babonye icyo birira batangaza amahoro; naho utagize icyo abanaga mu kanwa, bagashoza intambara.

Bibiliya Yera

⁵ Ibi ni byo Uwiteka avuga ku bahanuzi bayobya ubwoko bwanjye, batega akanwa kabo kugira ngo babuhanurire bati “Ni amahoro”, kandi utagize icyo ashyira mu kanwa kabo bitegura kumurwanya.

Bibiliya Ijambo ry'imana D

⁵ Uhoraho aravuga ku byerekeye abahanuzi bayobya ubwoko bwanjye ati: “Iyo bahawe ibyo bishyirira mu nda bahanura ko ari amahoro, utagize icyo abaha baramurwanya!

Bibiliya Ijambo ry'imana

⁵ Uhoraho aravuga ku byerekeye abahanuzi bayobya ubwoko bwanjye ati: “Iyo bahawe ibyo bishyirira mu nda bahanura ko ari amahoro, utagize icyo abaha baramurwanya!

Mika 3:5 Iomraidhean Croise

Imigani 28:21

Nta bwo ari byiza kubera umuntu mu rubanza, ariko hari abacumura batyo kubera igisate cy’umugati.

Yesaya 3:12

Muryango wanjye, urenganywa n’umwana, ugategekwa n’abagore! Muryango wanjye, abagutegeka barakuyobya, bakakunyuza inzira itaboneye!

Yeremiya 23:27

Iyo barotorerana izo nzozi zabo, baba bagamije kwibagiza izina ryanjye mu muryango wanjye, nk’uko abasekuruza baryibagiwe kubera Behali.

Yeremiya 23:32

Ngiye guhagurukira abahanuzi barota inzozi zoshya — uwo ni Uhoraho ubivuze — bakazirotora, maze ibinyoma byabo n’amahomvu yabo akayobya umuryango wanjye. Jyewe sinabohereje kandi sinigeze ngira icyo mbasaba, nta cyo bamariye uriya muryango. Uwo ni Uhoraho ubivuze.

Yeremiya 6:14

Barazinzika ishyano ry’umuryango wanjye, bavuga ngo «Ni amahoro, byose bimeze neza!» Nyamara ariko nta mahoro ariho.

Yeremiya 6:4

Nimushoze intambara ntagatifu, tumutere! Nimuhaguruke! Tumutere ku manywa y’ihangu! Turagowe, kuko umunsi uciye ikibu, ibicu by’umugoroba bikaba byiyongeranya.

Amaganya 2:14

Amabonekerwa abahanuzi bawe bakugejejeho, ni ibinyoma n’impfabusa! Ntibakugaragarije igicumuro cyawe, kugira ngo wirinde ibi byakugwiririye, ahubwo impanuro bakubwiye, zarakurindagije zirakuyobya.

Ezekiyeli 13:9

Ikiganza cyanjye kizibasira abo bahanuzi b’amabonekerwa y’amafuti n’inyigisho z’ibinyoma; ntibazakirwa mu nama y’umuryango wanjye, ntibazandikwa mu gitabo cy’umuryango wa Israheli, yewe ntibazinjira no mu gihugu cya Israheli; bityo muzamenye ko ndi Nyagasani Uhoraho.

Hoseya 4:5

Uzasitara ku manywa y’ihangu, n’umuhanuzi asitarane nawe nijoro, kandi n’igihugu cyakubyaye nzakirimbura.

Mika 2:11

Iyaba habonekaga umuntu wiruka inyuma y’umuyaga, agakwirakwiza ibinyoma agira ati «Nguhanuriye ko uzagwirizwa divayi n’ibindi bisindisha!» uwo ni we waba umuhanuzi ukwiriye uyu muryango.

Mika 3:11

Abatware bayo baraca imanza ari uko babonye ruswa, abaherezabitambo bayo barigishiriza kuronka inyungu, abahanuzi bayo barahanura ari uko bahawe feza. Kandi bagatinyuka kwishingikiriza Uhoraho, bavuga bati «Uhoraho ari muri twe, icyago ntikizatugwirira!»

Malaki 2:8

Nyamara kuri mwe si ko bimeze: mwateshutse inzira maze muyobya benshi n’inyigisho zanyu, mwishe isezerano rya Levi; uwo ni Uhoraho, Umugaba w’ingabo, ubivuga.

Matayo 15:14

Nimubihorere: ni impumyi zirandata izindi impumyi! Kandi iyo impumyi irandase indi mpumyi, zombi zigwa mu mwobo.»

Matayo 7:15

Muritondere abahanurabinyoma babasanga, inyuma basa n’intama, naho imbere ari ibirura by’ibihubuzi.

Abaroma 16:18

Bene abo ntibakorera Kristu Umwami wacu, ahubwo inda yabo, maze amagambo yabo y’uburyarya n’ubucakura akayobya imitima itagira iribi.