Mika 1:7 - Kinyarwanda Bibiliya Ntagatifu

⁷ Amashusho yayo yose azajanjagurwa, amaturo bayahaga yose ajugunywe mu muriro; ibigirwamana byayo byose nzabimenagura, kuko byagwijwe n’inyungu ziturutse ku buhabara, nuko bizasubire aho byavuye.

Bibiliya Yera

⁷ Ibishushanyo byaho bibajwe byose bizamenagurwa, n'indamu mbi zaho zose zizatwikwa n'umuriro, kandi ibigirwamana byaho byose nzabirimbura kuko yabirundanyije ari ingororano za maraya, kandi bizaba ari inyiturano y'ubusambanyi.

Bibiliya Ijambo ry'imana D

⁷ Ibigirwamana byose biyirimo bizajanjagurwa, ibintu bahongeye indaya zo mu ngoro zabyo byose bizakongoka, amashusho yose basenga nzayamenagura. Samariya yakungahajwe n'ibyo bahongaga izo ndaya, nyamara abanzi bazabijyana, na bo babihonge indaya!”

Bibiliya Ijambo ry'imana

⁷ Ibigirwamana byose biyirimo bizajanjagurwa, ibintu bahongeye indaya zo mu ngoro zabyo byose bizakongoka, amashusho yose basenga nzayamenagura. Samariya yakungahajwe n'ibyo bahongaga izo ndaya, nyamara abanzi bazabijyana, na bo babihonge indaya!”

Mika 1:7 Iomraidhean Croise

2 Ngoma 31:1

Ibyo byose birangiye, Abayisraheli bose bari aho, bajya mu migi ya Yuda kugira ngo bamenagure inkingi z’ibigirwamana, batemagure inkingi za Ashera, basenye amasengero y’ahirengeye n’intambiro muri Yuda, no muri Benyamini hose, ndetse no muri Efurayimu na Manase kugera ubwo babitsembye. Hanyuma Abayisraheli bose bisubirira buri wese iwe mu migi yabo.

Yesaya 2:18

maze ibigirwamana byose bishirire icyarimwe.

Yesaya 23:17

Imyaka mirongo irindwi nishira, Uhoraho azagenderera ab’i Tiri, bongere babe indaya z’ibihugu byose biri ku isi, bisubirane inyungu zabo.

Yesaya 27:9

Ni na ko icyaha cya bene Yakobo kizahanagurwa, maze bagakira ingaruka z’igicumuro cyabo : Amabuye yose yari yubatse urutambiro bazayahindura ivu, boshye ishwagara yashongeshejwe; ibiti byeguriwe ibigirwamana n’ibishushanyo by’izuba, byoye kuzashingwa ukundi.

Ezekiyeli 6:6

Imigi mutuyemo izahinduka amatongo n’ahantu hanyu hatagatifu hasenywe; bityo intambiro zanyu zizasenywe kandi zirimburwe, ibigirwamana byanyu bisandazwe kandi binyanyagire, intambiro z’imibavu zizamenagurwe maze ibikorwa byanyu bihinduke ubusa.

Hoseya 2:12

Noneho ngiye kumwambika ubusa mu maso y’amacuti ye, kandi nta n’umwe uzaba akimunkuye mu nzara.

Hoseya 2:14

Nzarimbura umuzabibu we n’umutini we yavugaga ngo «Dore igihembo niherewe n’amacuti yanjye», mbihindure ibihuru birishwe n’inyamaswa zo mu ishyamba.

Hoseya 2:5

Nibitaba ibyo, nzamucuza imyambaro, asigare atumbuje, mugire nk’uko yari ameze umunsi avuka. Nzamugira nk’ubutayu, abe nk’ubutaka bwumagaye, kandi nzamwicishe inyota.

Hoseya 8:5

Samariya rero, ikimasa cyawe ndagihigitse ! (Koko, uburakari bwanjye bwabagurumaniye : mbese bazanga gusukurwa kugeza ryari ?)

Hoseya 8:6

Cyakomotse muri Israheli, gikozwe n’umunyabukorikori, kikaba rero atari Imana. Ni yo mpamvu ikimasa cyo muri Samariya kizahinduka ishingwe.

Yoweli 3:3

Nzakora ibitangaje mu kirere no hasi ku isi, hazaboneke amaraso, umuriro n’inkingi y’umwotsi.

Abalewi 26:30

Ahirengeye muturira ibitambo byanyu hamwe na za nkingi zanyu z’amabuye zeguriwe izuba, byose nzabisenya mbimareho. Muzatuma mbazinukwa, maze intumbi zanyu nzigereke hejuru y’ibimene by’ibigirwamana byanyu.

Ivugururamategeko 23:18

Mu bakobwa b’Abayisraheli ntihazabeho indaya zigenewe gukorera ibigirwamana, no mu bahungu b’Abayisraheli ntihazabeho indaya zigenewe gukorera ibigirwamana.

Ivugururamategeko 9:21

Hanyuma icyaha mwari mwakoze, ari cyo cya kimasa, ndagifata, ndagitwika; ibidakongotse ndabihondahonda, ndabisya, bihinduka ifu, maze iyo fu nyimena mu kagezi kamanuka kuri wa musozi.

Ibyahisuwe 18:3

Kuko yuhiye amahanga yose divayi y’uburakari bukaze bw’ubuhabara bwayo, abami b’isi bakohoka mu buhabara hamwe na yo, kandi abacuruzi b’isi bagakungahazwa n’ubukire bwayo butagira ingano.»

Ibyahisuwe 18:9

Nuko abami b’isi bohokanye na wo mu buhabara bwawo no mu bukire byawo, bazawuririre, baboroge, igihe bazaba babonye umwotsi w’umuriro uwutwika.

1 Samweli 5:4

Bukeye bw’uwo munsi mu gitondo cya kare, basanga Dagoni yongeye kwitura hasi, imbere y’Ubushyinguro bw’Uhoraho. Umutwe n’ibiganza byombi byayimanyutseho byaguye ku gitabo cy’inzu yayo; hari hasigaye igihimba cyayo gusa.