Mika 1:16 - Kinyarwanda Bibiliya Ntagatifu

¹⁶ Iharanguze, wimareho umusatsi, (mwari w’i Yeruzalemu); umutwe wawe uhinduke umwunu nk’uwa mbuni, kubera abana bawe wakundaga, none bakaba bajyanywe bunyago kure yawe!

Bibiliya Yera

¹⁶ Iyogosheshe inkomborera, wimoze ku bw'abana bawe wakundaga. Ni ukuri itere uruhara rusa n'umutwe w'inkongoro, kuko bakuvuyeho bajyanywe ari imbohe.

Bibiliya Ijambo ry'imana D

¹⁶ Mwa Bayuda mwe, nimwiyogosheshe mwimoze, mwiharanguze rwose mumere nka mbuni, bityo muririre abana banyu mukunda bazajyanwa ho iminyago.

Bibiliya Ijambo ry'imana

¹⁶ Mwa Bayuda mwe, nimwiyogosheshe mwimoze, mwiharanguze rwose mumere nka mbuni, bityo muririre abana banyu mukunda bazajyanwa ho iminyago.

Mika 1:16 Iomraidhean Croise

2 Abami 17:6

Mu mwaka wa cyenda w’ingoma ya Hozeya, umwami w’Abanyashuru atsinda umugi wa Samariya, arawigarurira; anyaga Abayisraheli abajyana muri Ashuru. Abatuza mu karere ka Kala, ku ruzi rwa Habori muri Gozani, no mu migi y’Abamedi.

Yobu 1:20

Yobu arahaguruka, ashishimura igishura cye, yikomboza umutwe, arambarara hasi,

Yesaya 15:2

Barazamutse bagiye ahirengeye, ku ngoro ya Diboni kuririrayo. Abamowabu bararirira ku musozi wa Nebo n’i Medeba, imitwe yabo barayikomboje, n’ubwanwa bwose barabwogosha.

Yesaya 22:12

Uwo munsi, Nyagasani Uhoraho, Umugaba w’ingabo, yabahamagariye kurira no kuganya, kwiyogoshesha no kwambara ibigunira,

Yeremiya 16:6

Muri iki gihugu, abakuru n’abato bazapfa; ntibazahambwa cyangwa ngo baririrwe, nta n’uzabiraburira ngo yirasage cyangwa yiyogosheshe.

Yeremiya 4:8

Kubera ibyo rero, nimwambare ibigunira, nimuganye kandi mucure imiborogo, kuko uburakari bukaze bw’Uhoraho butaratuvirira!

Yeremiya 47:5

Icyuma cyogosha kigiye kumyora ab’i Gaza, Ashikeloni iherukire aho kurevura. Bantu mwarokotse mutuye mu bibaya byabo, muzirasaga umubiri mugeze ryari?

Yeremiya 6:26

Wowe muryango wanjye, ambara ibigunira, kandi wiziringe mu mukungugu! Rangiza imihango yose y’uri mu cyunamo, ucure umuborogo nk’uwiraburiye umuhungu w’ikinege, kuko mu kanya gato umurimbuzi araba atugezeho. (Uhoraho:)

Yeremiya 7:29

Kemura iyo misatsi yawe yagaragazaga ko weguriwe Imana, uyijugunye kure; mu mayira utere indirimbo y’amaganya, kuko Uhoraho yanga, agatererana igisekuru kimurakaza!

Amaganya 2:19

Haguruka, utakambe ijoro ryose, uhereye igihe izamu ritangirira; curanurira umutima wawe imbere y’uruhanga rw’Uhoraho nk’uko basuka amazi; mutegere amashyi kubera ibitambambuga byawe, byarabiraniye hose mu mayirabiri, bizize inzara.

Amosi 7:11

Kuko avuga ngo: Yerobowamu azazira inkota, n’Abayisraheli bajyanwe bunyago kure y’igihugu cyabo.»

Amosi 7:17

Uhoraho rero avuze atya : ’Umugore wawe azigira ihabara mu mugi, abahungu bawe n’abakobwa bawe bazazira inkota, isambu yawe izagabanishwa umugozi, naho wowe uzapfira mu gihugu cy’amahanga, na Israheli yose ijyanwe bunyago kure y’igihugu cyayo.’»

Amosi 8:10

Ingendo zanyu zigamije kunsenga nzazihinduramo iminsi y’ibyago, indirimbo zanyu zose nzihindure iz’amaganya. Abantu bose nzabakenyeza amagunira, imitwe yabo iharangurwe. Nzabatera akababaro k’urupfu, nk’ak’upfushije umwana we w’umuhungu w’ikinege, n’ibizakurikiraho bizasa n’iby’umunsi w’amaganya.

Ivugururamategeko 28:41

Uzabyara abahungu n’abakobwa, ariko ntuzabagumana, kuko bazajyanwa ari ingaruzwamuheto.