Matayo 3:2 - Kinyarwanda Bibiliya Ntagatifu

² avuga ati «Nimwisubireho, kuko Ingoma y’ijuru yegereje!»

Bibiliya Yera

² “Mwihane kuko ubwami bwo mu ijuru buri hafi.”

Bibiliya Ijambo ry'imana D

² “Nimwihane kuko ubwami bw'ijuru bwegereje!”

Bibiliya Ijambo ry'imana

² “Nimwihane kuko ubwami bw'ijuru bwegereje!”

Matayo 3:2 Iomraidhean Croise

1 Abami 8:47

nibagutekereza bari muri icyo gihugu bazaba bafungiwemo, bakihana kandi bakagutakambira bari mu gihugu cy’ababatsinze, bavuga bati ’Twaracumuye, turi abanyamafuti, turi ibicibwa’,

Yobu 39:12

Wakwizera se ko izibwiriza ikaza, ngo ikwanurire imyaka iri ku mbuga?

Yobu 42:6

ni yo mpamvu nicujije ibyo navuze, ndabyihannye; dore nicaye mu ivu no mu mukungugu.»

Ezekiyeli 33:11

Babwire ko mbirahiye ubugingo bwanjye — uwo ni Nyagasani Uhoraho ubivuzenta bwo njya nishimira urupfu rw’umugome, ahubwo nishimira ko yahinduka akazibukira imyifatire ye mibi, kugira ngo abone kubaho. Nimuhinduke rero muzibukire iyo nzira mbi yanyu! Ni kuki se mwarinda gupfa, muryango wa Israheli?»

Matayo 10:7

Aho munyura, muvuge ko Ingoma y’ijuru yegereje.

Matayo 11:20

Nuko atangira gutonganya imigi yabonye ibitangaza bye byinshi, ikarenga ntiyihane, avuga ati

Matayo 12:41

Ku munsi w’urubanza, Abanyaninivi bazahagurukira ab’iyi ngoma, maze babatsinde, kuko bo bumvise inyigisho za Yonasi maze bakisubiraho, kandi hano hari uruta Yonasi!

Matayo 13:11

Arabasubiza ati «Mwebweho mwahawe kumenya amabanga y’Ingoma y’ijuru; naho bo, ntibabihawe.

Matayo 13:24

Abacira undi mugani ati «Ingoma y’ijuru imeze nk’umuntu wabibye imbuto nziza mu murima we.

Matayo 13:31

Abacira undi mugani ati «Ingoma y’ijuru imeze nk’imbuto ya sinapisi, umuntu yateye mu murima we.

Matayo 13:33

Abacira undi mugani ati «Ingoma y’ijuru imeze nk’umusemburo umugore yavanze n’incuro eshatu z’ifu, kugeza igihe byose bitutumbye.»

Matayo 13:47

Byongeye kandi Ingoma y’ijuru imeze nk’urushundura banaze mu nyanja, maze rugafata amafi y’amoko yose.

Matayo 13:52

Arongera ati «Ni cyo gituma umwigishamategeko wese, wigishijwe iby’Ingoma y’ijuru, asa na nyir’urugo ukura mu bushyinguro bwe ibishya n’ibishaje.»

Matayo 18:23

Nuko rero Ingoma y’ijuru imeze nk’umwami washatse ko abagaragu be bamumurikira ibintu bye.

Matayo 20:1

Ingoma y’ijuru imeze nka nyir’umurima wazindutse mu museke, kugira ngo ararike abamukorera mu mizabibu.

Matayo 22:2

«Ingoma y’ijuru imeze nk’umwami wacyuje ubukwe bw’umuhungu we;

Matayo 23:13

Nimwiyimbire, bigishamategeko n’Abafarizayi b’indyarya, mwe mutesha abantu irembo ry’Ingoma y’ijuru! Ubwanyu ntimwinjira, maze n’ababishaka ntimureke binjira. ()

Matayo 25:1

Ubwo rero Ingoma y’ijuru izagereranywa n’abakobwa cumi bafashe amatara yabo, bajya gusanganira umukwe.

Matayo 25:14

Koko, iby’icyo gihe bizamera nk’umuntu wari ugiye kujya mu rugendo, agahamagara abagaragu be, akababitsa ibintu bye.

Matayo 4:17

Guhera ubwo Yezu atangira kwigisha, agira ati «Nimwisubireho, kuko Ingoma y’ijuru yegereje!»

Matayo 4:23

Nuko Yezu azenguruka Galileya yose, yigishiriza mu masengero yabo, atangaza Inkuru Nziza y’Ingoma, akiza icyitwa indwara n’ubumuga cyose muri rubanda.

Matayo 5:10

Hahirwa abatotezwa bazira ubutungane, kuko Ingoma y’ijuru ari iyabo.

Matayo 5:3

«Hahirwa abakene ku mutima, kuko Ingoma y’ijuru ari iyabo.

Matayo 6:10

Ubwami bwawe nibuze, icyo ushaka gikorwe mu nsi nk’uko gikorwa mu ijuru.

Matayo 6:33

Ahubwo mbere na mbere nimuharanire Ingoma n’ubutungane bwayo, naho ibindi byose muzabigerekerwaho.

Mariko 1:15

«Igihe kirageze, none Ingoma y’Imana iregereje. Nimwisubireho maze mwemere Inkuru Nziza!»

Mariko 1:4

Nuko Yohani Batisita atunguka mu butayu yamamaza mu bantu batisimu yo kwisubiraho kugira ngo bakire ibyaha.

Mariko 6:12

Nuko baragenda, batangaza ko abantu bagomba kugarukira Imana.

Luka 1:16

Azagarura abana benshi ba Israheli kuri Nyagasani, Imana yabo,

Luka 11:20

Ariko niba ari urutoki rw’Imana nirukanisha roho mbi, ni uko Ingoma y’Imana yabagezemo.

Luka 13:3

Oya! Ahubwo reka mbabwire: nimuticuza, mwese muzapfa kimwe na bo.

Luka 13:5

Oya! Ahubwo reka mbabwire: nimuticuza, mwese muzapfa kimwe na bo.»

Luka 15:10

Ndabibabwiye: nguko uko abamalayika b’Imana bazishima kubera umunyabyaha umwe wisubiyeho.»

Luka 15:7

Ndabibabwiye: nguko uko umunyabyaha umwe wisubiraho azatera ibyishimo mu ijuru, birenze iby’intungane mirongo urwenda n’icyenda zidakeneye kwisubiraho.

Luka 16:30

Undi ati ’Oya, mubyeyi Abrahamu! Ahubwo umwe mu bapfuye nabasanga, bazisubiraho.’

Luka 21:31

Namwe rero nimubona ibyo bibaye, muzamenye ko Ingoma y’Imana yegereje.

Luka 24:47

kandi ko uhereye i Yeruzalemu abantu bo mu mahanga yose bagomba kwigishwa, mu izina rye, ibyerekeye ukwisubiraho n’ibabarirwa ry’ibyaha.

Luka 6:20

Nuko Yezu yerekeza amaso ku bigishwa be, maze aravuga ati «Murahirwa mwe abakene, kuko Ingoma y’Imana ari iyanyu.

Luka 9:2

Abatuma kwamamaza Ingoma y’Imana no gukiza abarwayi.

Ibyakozwe 11:18

Bumvise ibyo baratuza, bakuza Imana bavuga bati «Noneho Imana yahaye n’abanyamahanga kwisubiraho kugira ngo baronke ubugingo!»

Ibyakozwe 17:30

Imana rero yirengagije ibyo bihe by’ubujiji, none irahamagara abantu bose iyo bava bakagera ngo bisubireho,

Ibyakozwe 2:38

Petero arabasubiza ati «Nimwisubireho, buri muntu muri mwe abatizwe mu izina rya Yezu Kristu kugira ngo ababarirwe ibyaha bye, kandi muhabwe ingabire ya Roho Mutagatifu.

Ibyakozwe 20:21

Nashishikarizaga Abayahudi kimwe n’Abagereki kugarukira Imana no kwemera Umwami wacu Yezu.

Ibyakozwe 26:20

Mpera ko mbanziriza ku bantu b’i Damasi, ngera i Yeruzalemu no mu karere kose ka Yudeya no mu mahanga yose, menyesha abo bose ngo bisubireho kandi bagarukire Imana, babeho ku buryo bukwiriye abicujije.

Ibyakozwe 3:19

Nimwisubireho rero kandi mugarukire Imana, kugira ngo ibyaha byanyu bihanagurwe;

2 Abakorinto 7:10

Kuko akababaro kanyuze Imana gatera kwisubiraho bigeza ku mukiro. Ibyo rero nta n’umwe wabyicuza. Naho akababaro gaheze mu by’isi gusa, gakurura urupfu.

Abakolosayi 1:13

Koko rero, yatugobotoye ku ngoyi y’umwijima, atujyana mu Ngoma y’Umwana we akunda byimazeyo,

2 Timoteyo 2:25

Iyo hagize abamugisha impaka, abahugurana imico myiza, kuko aba yizeye ko wenda Imana izabaha kwisubiraho, bakamenya ukuri,

Abeheburayo 6:1

Nuko rero, tube turetse inyigisho z’ibanze zerekeye Kristu, maze tujye mu byisumbuye bikwiriye abakuze. Ntitugaruka ku mahame y’ishingiro ariyo y’aya: gutandukana n’ibikorwa bikurura urupfu, kwemera Imana,

2 Petero 3:9

None rero, Nyagasani ntatinze kurangiza isezerano rye, nk’uko bamwe biha kuvuga ko yatinze; mu by’ukuri ni mwebwe yihanganira, kuko adashaka ko hagira n’umwe worama, ahubwo ko bose bisubiraho, bakamugarukira.

Ibyahisuwe 2:21

Namuhaye igihe kugira ngo yisubireho, ariko ntashaka kwisubiraho ngo areke ubuhabara bwe.

Ibyahisuwe 2:5

Ibuka rero aho wahanantutse ukagwa. Gira wisubireho kandi ukore ibikorwa nk’ibya mbere. Naho ubundi, ngiye kuza, maze niba utisubiyeho nzakure itara ryawe mu mwanya waryo.