Luka 7:42 - Kinyarwanda Bibiliya Ntagatifu

⁴² Babuze icyo bishyura, abarekera uwo mwenda. Muri abo bombi, ni uwuhe uzarusha undi kumukunda?»

Bibiliya Yera

⁴² Ariko kuko bari babuze ubwishyu azibaharira bombi. Mbese muri abo bombi uwarushije undi kumukunda ni nde?”

Bibiliya Ijambo ry'imana D

⁴² Abonye ko nta wari ufite icyo yamwishyura, bombi abarekera imyenda yabo. None se ni uwuhe muri abo uzarushaho kumukunda?”

Bibiliya Ijambo ry'imana

⁴² Abonye ko nta wari ufite icyo yamwishyura, bombi abarekera imyenda yabo. None se ni uwuhe muri abo uzarushaho kumukunda?”

Luka 7:42 Iomraidhean Croise

2 Samweli 14:13

Nuko umugore aravuga ati «None rero, ni kuki wakoreye igikorwa nk’icyo umuryango w’Imana? Uhereye ku byo umwami avuze, yiciriye urubanza ubwe, kuko atagaruye umuhungu we yirukanye.

Zaburi 103:3

We ubabarira ibicumuro byawe byose, akakuvura indwara zawe zose;

Yesaya 43:25

Nyamara jye ni ko meze; ku bw’izina ryanjye, nkubabariye ibyaha byawe, sinzibuka amakosa yawe.

Yesaya 44:22

Nahanaguye ubugome bwawe nk’igicu, ibyaha byawe mbimaraho nk’igihu; ngarukira kuko nakwicunguriye.

Matayo 18:27

Shebuja agize impuhwe, aramurekura kandi amurekera uwo mwenda we.

Matayo 18:34

Shebuja ararakara, amugabiza abamubabaza kugeza igihe yishyuriye umwenda we wose.

Matayo 6:12

Utubabarire ibicumuro byacu, nk’uko natwe tubabarira abaducumuyeho.

Luka 7:43

Simoni arasubiza ati «Ndasanga ari uwarekewe umwenda munini.» Yezu aramubwira ati «Ushubije neza.»

Abaroma 3:24

Ariko bahabwa kuba intungane n’ineza yayo ku buntu, babikesha gucungurwa na Kristu Yezu.

Abaroma 5:6

Koko rero igihe twari tugifite intege nke, Kristu yapfiriye abanyabyaha ku munsi wagenwe.

Abagalatiya 3:10

Naho abitwaza ibikorwa by’amategeko, bikururira umuvumo kuko byanditswe ngo «Arakaba ikivume utuzuza ibyanditswe byose mu Gitabo cy’Amategeko.»

Abefeso 1:7

Ni We dukesha ugucunguzwa amaraso ye, tukamuronkeramo imbabazi z’ibyaha byacu, ku rugero rw’ubusendere bw’ineza yayo,

Abefeso 4:32

Ahubwo nimugirirane ineza n’impuhwe, mubabarirane ibyaha nk’uko Imana yabababariye muri Kristu.

Abakolosayi 3:13

Nimwihanganirane kandi, niba umwe agize icyo apfa n’undi mubabarirane. Nk’uko Nyagasani yabababariye, namwe nimugenze mutyo.