Luka 4:41 - Kinyarwanda Bibiliya Ntagatifu

⁴¹ Roho mbi na zo zavaga mu bantu benshi zisakabaka ziti «Uri Umwana w’Imana!» Nyamara akazicyaha, azibuza kuvuga, kuko zari zizi ko ari we Kristu.

Bibiliya Yera

⁴¹ Kandi n'abadayimoni bava muri benshi bataka bati “Uri Umwana w'Imana.” Arabacyaha, ababuza kuvuga kuko bari bazi yuko ari Kristo.

Bibiliya Ijambo ry'imana D

⁴¹ N'ingabo za Satani zisohoka mu bantu benshi zivuga ziranguruye ziti: “Uri Umwana w'Imana!” Yezu arazicyaha azibuza kuvuga, kuko zari zizi ko ari we Kristo.

Bibiliya Ijambo ry'imana

⁴¹ N'ingabo za Satani zisohoka mu bantu benshi zivuga ziranguruye ziti: “Uri Umwana w'Imana!” Yezu arazicyaha azibuza kuvuga, kuko zari zizi ko ari we Kristo.

Luka 4:41 Iomraidhean Croise

Matayo 26:63

Ariko Yezu aricecekera. Umuherezabitambo mukuru aramubwira ati «Nkurahije Imana ihoraho, ngo utubwire niba uri Kristu, Umwana w’Imana.»

Matayo 4:3

Nuko Umushukanyi aramwegera, aramubwira ati «Niba uri Umwana w’Imana, tegeka aya mabuye ahinduke imigati.»

Matayo 8:16

Bugorobye, bamuzanira abahanzweho na roho mbi nyinshi; nuko azirukana azikabukira, maze akiza abarwayi bose,

Matayo 8:29

Nuko barasakuza bati «Uradushakaho iki, Mwana w’Imana? Wazanywe no kuduturumbanya igihe kitaragera?»

Matayo 8:4

Nuko Yezu aramubwira ati «Uramenye ntugire uwo ubibwira, ahubwo genda, wiyereke umuherezabitambo kandi utange ituro ryategetswe na Musa ngo ribabere icyemezo cy’uko wakize.»

Mariko 1:25

Yezu ayibwira ayikangara, ati «Ceceka, kandi uve muri uwo muntu!»

Mariko 1:32

Bugorobye, izuba rimaze kurenga, bamuzanira abarwayi bose n’abahanzweho na roho mbi;

Mariko 1:34

Nuko akiza abarwayi benshi bari bababajwe n’indwara z’amoko menshi, kandi yirukana roho mbi nyinshi, ariko akazibuza kumuvuga, kuko zari zizi uwo ari we.

Mariko 3:11

Abahanzweho na roho mbi na bo, iyo bamubonaga, barambararaga imbere ye, bagatera hejuru bati «Uri Umwana w’Imana!»

Luka 4:39

Amwunama hejuru, ategeka umuriro kumuvamo, maze koko urazima. Ako kanya arabyuka, arabazimanira.

Yohana 20:31

Ibi byanditswe ari ukugira ngo mwemere ko Yezu ari Kristu, Umwana w’Imana, no kugira ngo nimumwemera mugire ubugingo mu izina rye.

Yakobo 2:19

Wemera ko habaho Imana imwe? Ni byiza rwose! N’ingabo za Sekibi zirabyemera, ariko zigahinda umushyitsi kubera ubwoba.