Luka 13:8 - Kinyarwanda Bibiliya Ntagatifu

⁸ Undi aramusubiza ati ’Shobuja, ba uwuretse byibura uyu mwaka, nywucukurire iruhande, maze nshyireho ifumbire.

Bibiliya Yera

⁸ Na we aramusubiza ati ‘Databuja, uwureke uyu mwaka na wo, nywuhingire nywufumbire,

Bibiliya Ijambo ry'imana D

⁸ Undi aramusubiza ati: ‘Databuja, ube uwuretse nywuhingire impande zose maze nywufumbire.

Bibiliya Ijambo ry'imana

⁸ Undi aramusubiza ati: ‘Databuja, ube uwuretse nywuhingire impande zose maze nywufumbire.

Luka 13:8 Iomraidhean Croise

Zaburi 106:23

Yari mu migambi yo kubatsemba, iyo Musa, intore ye, atamwitambika imbere, ngo abuze ubukana bwe kubarimbura.

Iyimukamisiri 34:9

Nuko aravuga ati «Nyagasani, niba koko mfite ubutoni mu maso yawe, ngaho databuja niyemere kugendana natwe. Yego turi umuryango ufite ijosi rishingaraye; ariko rero utubabarire ibicumuro byacu n’ibyaha byacu, maze utugire ubukonde bwawe!»

Yeremiya 15:1

Uhoraho arambwira ati «Kabone n’aho Musa na Samweli baba bampagaze imbere, nta bwo nagirira impuhwe bariya bantu. Bankure imbere bamvire aha!

Yeremiya 18:20

Ese inyiturano y’ineza ni inabi? Bo, barancukurira urwobo ngo ngwemo. Ibuka ukuntu naguhagaze imbere mbavuganira kugira ngo ubakureho uburakari bwawe.

Yoweli 2:17

Abaherezabitambo, ari bo bashinzwe imirimo y’Uhoraho, nibaririre hagati y’umuryango w’Ingoro n’urutambiro; nibatakambe bagira bati «Uhoraho, babarira imbaga yawe; wikoza isoni umurage wawe, ngo amahanga awuhindure urw’amenyo. Ni iki cyatuma mu mahanga bavuga ngo: Mbese Imana yabo iba he?»

Luka 13:7

Ni ko kubwira umuhinzi we ati ’Uyu mwaka ni uwa gatatu nza gushaka imbuto kuri uyu mutini sinzibone. Wuteme, nta cyo umaze aha ngaha.’

Luka 13:9

Ahari kera wazera imbuto; nutera uzawuteme.’»

Luka 14:35

Nta kindi uba ugifitiye akamaro, cyaba igitaka cyangwa ifumbire; ahubwo barawujugunya. Ufite amatwi yo kumva, niyumve!»

Abaroma 10:1

Bavandimwe, icyo umutima wanjye wifuza n’icyo nsaba Imana ni uko barokoka.

Abaroma 11:14

nizera gutera ishyari abo dusangiye ubwoko ngo ngire bamwe muri bo ndokora.

2 Petero 3:9

None rero, Nyagasani ntatinze kurangiza isezerano rye, nk’uko bamwe biha kuvuga ko yatinze; mu by’ukuri ni mwebwe yihanganira, kuko adashaka ko hagira n’umwe worama, ahubwo ko bose bisubiraho, bakamugarukira.