Luka 12:5 - Kinyarwanda Bibiliya Ntagatifu

⁵ Ahubwo reka mbabwire uwo mukwiye gutinya: mutinye Umara kwica agashobora no kubaroha mu nyenga y’umuriro. Koko ndabibabwiye: Uwo nguwo muzajye mumutinya.

Bibiliya Yera

⁵ Ahubwo ndabereka uwo mukwiriye gutinya: mutinye umara kwica umuntu agashobora kumujugunya muri Gehinomu. Ni koko, ndababwira abe ari we mutinya.’

Bibiliya Ijambo ry'imana D

⁵ Ahubwo reka mbatungire agatoki uwo mugomba gutinya: mutinye Imana, yo yamara kwica umuntu igashobora no kumuroha mu nyenga y'umuriro. Koko ndabibabwiye, mube ari yo mutinya!

Bibiliya Ijambo ry'imana

⁵ Ahubwo reka mbatungire agatoki uwo mugomba gutinya: mutinye Imana, yo yamara kwica umuntu igashobora no kumuroha mu nyenga y'umuriro. Koko ndabibabwiye, mube ari yo mutinya!

Luka 12:5 Iomraidhean Croise

Zaburi 9:17

Uhoraho yimenyekanyije, aca urubanza, maze umugome aboheshwa ingoyi ze bwite. (Umunihirizo, guceceka akanya gato)

Imigani 14:26

Utinya Uhoraho aba abonye ubuhungiro bukomeye, kuko adahwema kurinda abana be.

Yeremiya 10:7

Ni nde utakubaha, mwami w’amahanga? Ibyo ni wowe bikwiye, kuko mu bahanga bose b’amahanga no mu bihugu byose, nta n’umwe muhwanye.

Yeremiya 41:18

Ubwo nyine bahungaga Abakalideya kuko babatinyaga, kubera Yishimayeli mwene Netaniya wari warishe Gedaliyahu mwene Ahikamu, wa wundi umwami w’i Babiloni yari yarahaye gutegeka igihugu.

Yeremiya 5:22

Ese ntimuzanyubaha? — Uwo ni Uhoraho ubivuze — Ese nta bwo muzahinda umushyitsi imbere yanjye, jye washyizeho umusenyi ngo ube urubibi rw’inyanja, urugabano itazigera irenga? Ibyutsa umuhengeri ariko ntigire icyo ishobora, imivumba yayo irasuma ariko ntirurenge.

Matayo 10:28

Ntimugatinye abica umubiri, ariko badashobora kwica ubugingo; ahubwo mutinye Ushobora kuroha ubuzima n’umubiri icyarimwe mu nyenga y’umuriro.

Matayo 25:41

Hanyuma azabwire n’ab’ibumoso, ati ’Nimumve iruhande, mwa bivume mwe, mujye mu muriro w’iteka wagenewe Sekibi n’abamalayika be;

Matayo 25:46

Maze abo bazajye mu bubabare bw’iteka, naho intungane zijye mu bugingo bw’iteka.»

Matayo 5:22

Jyewe mbabwiye ko umuntu wese urakariye mugenzi we, azabibarizwa mu rukiko; naho nabwira mugenzi we ’Gicucu!’ azabibarizwa mu Nama Nkuru; namubwira ati ’Uri umusazi!’, azishyurira mu nyenga y’umuriro.

Mariko 13:23

Naho mwebwe muritonde, dore ndababuriye kuri byose.

1 Abatesalonike 4:6

Kandi ntihakagire ucumura ku uwo bava inda imwe, cyangwa ngo amurenganye muri ibyo, kuko Nyagasani azahana abagenza batyo, nk’uko twabibabwiye, tubihanangiriza.

Abeheburayo 10:31

Ni akaga gakomeye kwibasirwa n’ikiganza cy’Imana Nzima.

2 Petero 2:4

Koko rero, Imana ntiyababariye abamalayika bacumuye, ahubwo yaraboretse, ibagabiza umwijima wo mu nyenga y’ikuzimu, kugira ngo bategereze gucirwa urubanza.

Ibyahisuwe 14:7

Yavugaga mu ijwi riranguruye ati «Nimutinye Imana kandi muyihe ikuzo, kuko igihe cyayo cyo guca urubanza cyageze. Nimusenge Umuremyi w’ijuru n’isi, inyanja n’amasoko y’amazi.»

Ibyahisuwe 15:4

Ni nde utagutinya, Nyagasani, kandi ngo asingize izina ryawe ? Kuko ari wowe wenyine Nyirubutagatifu; amahanga yose azaza, maze apfukame imbere yawe, kubera ko ubucamanza bwawe bwigaragaje.»

Ibyahisuwe 20:14

Nuko Urupfu n’Ukuzimu birohwa mu nyenga y’umuriro. Iyo nyenga y’umuriro rero, ni yo rupfu rwa kabiri.