Kubara 5:3 - Kinyarwanda Bibiliya Ntagatifu

³ Muzabirukane, baba abagore cyangwa abagabo muzabirukane kure y’ingando. Batazanduza ingando y’Abayisraheli kandi ntuye rwagati muri bo.»

Bibiliya Yera

³ Naho baba abagabo cyangwa abagore, mujye mubakuramo mubajyane inyuma yaho, kugira ngo batanduza aho mubambye amahema ntuye hagati.”

Bibiliya Ijambo ry'imana D

³ Ari umugabo cyangwa umugore, mujye mumuvana mu nkambi kugira ngo atayihumanya kandi nyibamo.”

Bibiliya Ijambo ry'imana

³ Ari umugabo cyangwa umugore, mujye mumuvana mu nkambi kugira ngo atayihumanya kandi nyibamo.”

Kubara 5:3 Iomraidhean Croise

1 Abami 7:3

Hejuru aharandisha ibiti by’amasederi byari bifashwe n’imitambiko ishyigikiwe n’inkingi: hari imitambiko mirongo ine n’itanu, ari ko kuvuga cumi n’itanu buri murongo.

Zaburi 68:18

Amafarasi Imana iremesha urugamba ni uduhumbi n’uduhumbagiza! Ni yo Umutegetsi yajeho kuri Sinayi, ajya mu Ngoro ntagatifu.

Iyimukamisiri 25:8

Bazanyubakire Ingoro, maze nzature muri bo rwagati.

Iyimukamisiri 29:45

Nzatura mu Bayisraheli rwagati, maze mbe Imana yabo.

Yesaya 12:6

Rangurura ijwi uvuze impundu, wowe utuye i Siyoni, kuko Nyirubutagatifu wa Israheli, utuye iwawe rwagati, ari Igihangange.»

Abalewi 14:8

Ushaka kwisukura na we, azamesa imyambaro ye, yogoshe ubwoya bwose afite, yiyuhagire mu mazi, maze abe asukuwe. Nyuma azasubira mu ngando, ariko amare iminsi irindwi atarinjira mu ihema rye.

Abalewi 15:31

Abayisraheli bazaba baranduye, muzabamenyeshe ko bagomba kugendera kure Ingoro yanjye, kugira ngo batayanduza maze bikababyarira urupfu.»

Kubara 16:3

Nuko rero biterura kuri Musa na Aroni bavuga bati «Twabarambiwe! Abagize ikoraniro bose ni abatagatifu kandi Uhoraho ari hagati yabo; mwakuye he ububasha bwo kwigira abategetsi b’ikoraniro ry’Uhoraho?»

Kubara 19:22

Icyo umuntu uhumanijwe azakoraho cyose, kizaba cyanduye, kandi umuntu uzakora kuri icyo kintu azaba ahumanijwe kugeza nimugoroba.

Kubara 35:34

Ntuzanduze igihugu mutuyemo. Ndi Uhoraho, kandi ubwanjye ntuye mu Bayisraheli rwagati.»

Kubara 5:4

Abayisraheli babigenza batyo: babirukana kure y’ingando, nk’uko Uhoraho yari yabibwiye Musa.

Ivugururamategeko 23:14

Mu bintu byawe, uzabe ufitemo n’igihosho, maze nujya hanze kwituma, ugicukuze umwobo, nyuma uze gutwikira imyanda yawe.

Ivugururamategeko 23:15

Koko rero Uhoraho Imana yawe ubhwe agendagenda mu ngando yawe, kugira ngo akurinde kandi akurekurire ababisha bawe. Ni cyo gituma ingando yawe ari ahantu hatagatifu; ntibikwiye rero ko Uhoraho ayibonamo ikintu cyamutera ishozi: naho ubundi, yareka kujyana nawe.

2 Abatesalonike 3:6

Bavandimwe, mu izina rya Nyagasani Yezu Kristu, tubategetse kwirinda umuvandimwe wese w’inyandagazi, udakurikiza inyigisho n’umuco mudukomoraho.

Tito 3:10

Nihagira umuntu uca ukubiri n’ukwemera, maze wamuburira ubwa mbere n’ubwa kabiri ntiyumve, uzatane na we;

Ibyahisuwe 21:27

ariko icyanduye icyo ari cyo cyose ntikizinjira muri uwo murwa; kimwe n'umuntu wese ukora amahano cyangwa se ubeshya. Uzinjirwamo gusa n’abanditswe mu Gitabo cy’Ubugingo cya Ntama.

Ibyahisuwe 21:3

Hanyuma numva ijwi riranguruye riturutse mu ntebe y’ubwami, rivuga riti «Dore Ingoro y’Imana mu bantu! Izabana na bo. Bazaba abantu bayo, Imana na Yo ibane na bo: