Kubara 4:5 - Kinyarwanda Bibiliya Ntagatifu

⁵ Ingando nijya guhaguruka, Aroni n’abahungu be bazamanura umwenda w’umubambiko, maze bawutwikirize ubushyinguro bw’Isezerano.

Bibiliya Yera

⁵ “Uko bagiye kubambūra, Aroni ajye yinjirana n'abana be bamanure umwenda ukingiriza Ahera cyane, bawutwikirize isanduku y'Ibihamya,

Bibiliya Ijambo ry'imana D

⁵ “Nimwimuka, Aroni n'abahungu be bajye bamanura umwenda ukingirije Icyumba kizira inenge cyane, bawutwikirize Isanduku irimo bya bisate by'amabuye byanditseho Amategeko,

Bibiliya Ijambo ry'imana

⁵ “Nimwimuka, Aroni n'abahungu be bajye bamanura umwenda ukingirije Icyumba kizira inenge cyane, bawutwikirize Isanduku irimo bya bisate by'amabuye byanditseho Amategeko,

Kubara 4:5 Iomraidhean Croise

1 Ngoma 15:15

Abalevi baheka Ubushyinguro bw’Imana bashyize imijishi yabwo ku ntugu zabo, nk’uko Musa yabitegetse akurikije ijambo ry’Uhoraho.

1 Ngoma 23:26

Kuva ubu abalevi ntibazongera guheka Ihema rye n’ibikoresho byaryo byose.»

2 Ngoma 3:14

Umwenda ukingiriza icyumba gitagatifu rwose, Salomoni awudodesha mu bitambaro by’isine, umuhemba, umutuku na hariri; nuko awutakaho abakerubimu.

Iyimukamisiri 36:35

Bakora umubambiko mu bwoya bw’isine, bw’umuhemba n’ubw’umutuku, no muri hariri ihotoye; maze batakaho n’Abakerubimu.

Iyimukamisiri 40:3

Uzarishyiremo ubushyinguro bw’Isezerano, maze ubwo bushyinguro ubukingeho umubambiko.

Iyimukamisiri 40:5

Urutambirourwa zahabu rugenewe imibavu uzarutereke imbere y’ubushyinguro bw’Isezerano, kandi uzabambike umwenda ku muryango w’Ingoro.

Yesaya 25:7

Azatanyagurira kuri uyu musozi, umwenda wari ubambitse hejuru y’imiryango yose, n’igishura cyari cyoroshe amahanga yose.

Abalewi 16:2

Uhoraho nyine abwira Musa, ati «Umenyeshe umuvandimwe wawe Aroni ko atagomba kwinjira mu Ngoro yanjye igihe ashakiye cyose, ngo arenge umubambiko uteganye n’urwicurizo ruri hejuru y’ubushyinguro bw’Isezerano. Ibyo bizamurinda gupfa igihe nzigaragariza mu gicu hejuru y’urwicurizo.

Kubara 10:14

Habanje kugenda abari mu ngando ya bene Yuda, n’imitwe y’ingabo zabo. Ingabo za bene Yuda zategekwaga na Nashoni mwene Aminadabu.

Kubara 4:15

Ingando nihaguruka, Aroni n’abahungu be bazaba barangije gutwikira Ingoro n’ibikoresho byayo byose, maze bene Kehati baze bayiheke. Ntibazakore ku Ngoro kuko byabaviramo gupfa. Ngibyo ibyo bene Kehati bashinzwe kwikorera mu ihema ry’ibonaniro.

Kubara 4:4

Umurimo w’Abakehati mu ihema ry’ibonaniro, ni ukwita ku bikoresho bitagatifu.

Kubara 7:9

Ntiyagira icyo aha abahungu ba Kehati, kuko imirimo bari bashinzwe yari iyo gutwara ku ntugu ibikoresho bitagatifu.

Matayo 27:51

Ni bwo umubambiko wo mu Ngoro y’Imana utanyutsemo kabiri, kuva hejuru kugeza hasi; isi ihinda umushyitsi, ibitare biriyasa.

Ivugururamategeko 31:9

Musa yandika iri Tegeko, maze arishinga abaherezabitambo, bene Levi baheka ubushyinguro bw’Isezerano ry’Uhoraho; arishinga kandi n’abakuru b’imiryango ya Israheli bose.

Abeheburayo 10:20

Yaduhangiye inzira nshya kandi nyabuzima, ihinguranya umubambiko, ari byo kuvuga umubiri we.

Abeheburayo 9:3

Hirya y’umubambiko wa kabiri hakaba icyumba cyitwa ahatagatifu rwose,

1 Samweli 6:19

Nyamara, mu bantu b’i Betishemeshi, bene Yekonyahu ntibari bishimye igihe Ubushyinguro bw’Uhoraho buje, maze Uhoraho abicamo abantu mirongo irindwi. Nuko rubanda rwose birabashavuza, kuko Uhoraho yabahannye bikomeye.