Ibyakozwe 9:34 - Kinyarwanda Bibiliya Ntagatifu

³⁴ Petero aramubwira ati «Eneya, Yezu Kristu aragukijije. Haguruka wisasire uburiri bwawe!» Uwo mwanya arahaguruka.

Bibiliya Yera

³⁴ Petero aramubwira ati “Ayineya, Yesu Kristo aragukijije, haguruka wisasire.” Uwo mwanya arahaguruka.

Bibiliya Ijambo ry'imana D

³⁴ Petero aramubwira ati: “Eneya, Yezu Kristo aragukijije, haguruka wisasire.” Uwo mwanya arahaguruka.

Bibiliya Ijambo ry'imana

³⁴ Petero aramubwira ati: “Eneya, Yezu Kristo aragukijije, haguruka wisasire.” Uwo mwanya arahaguruka.

Ibyakozwe 9:34 Iomraidhean Croise

Ibyakozwe 3:12

Petero abibonye ni ko kubwira rubanda ati «Bantu ba Israheli, ni iki gitumye mutangazwa n’ibimaze kuba? Cyangwa se ni iki gitumye muduhanga amaso, nk’aho duhaye uyu muntu kugenda ku bw’ububasha bwacu cyangwa ku bw’ubutungane bwacu bwite?

Ibyakozwe 3:6

Petero aramubwira ati «Ari zahabu, ari na feza, nta byo mfite; ariko icyo mfite ndakiguhaye: mu izina rya Yezu Kristu w’i Nazareti, haguruka ugende!»

Matayo 9:6

None rero, kugira ngo mumenye ko Umwana w’umuntu afite ububasha bwo gukiza ibyaha mu nsi . . . », abwira ikirema ati «Haguruka, ufate ingobyi yawe, witahire!»

Ibyakozwe 16:18

Amara iminsi myinshi abigenza atyo. Pawulo rero bimaze kumurambira, arahindukira abwira iyo roho mbi, ati «Mu izina rya Nyagasani Yezu Kristu, ndagutegetse ngo: sohoka muri uwo mukobwa!» Ako kanya imuvamo.

Ibyakozwe 4:10

Nimumenye neza rero, mwebwe mwese n’umuryango wose wa Israheli, ko izina rya Yezu Kristu w’i Nazareti mwebwe ubwanyu mwabambye, Imana ikamuzura mu bapfuye, ari ryo uyu muntu akesha kuba ahagaze imbere yanyu ari mutaraga.

Ibyakozwe 3:16

Kubera ko twiringiye izina rya Yezu, iryo zina ni ryo ryakomeje uyu muntu mubona kandi muzi; maze ukwemera gukomoka kuri Yezu kumusubiza ubuzima bwe bwose mu maso yanyu mwese.

Matayo 8:3

Yezu arambura ukuboko, amukoraho, avuga ati «Ndabishatse, kira.» Ako kanya ibibembe bye birakira.

Yohana 2:11

Aho i Kana mu Galileya ni ho Yezu yatangiye ikimenyetso cye cya mbere, maze agaragaza ikuzo rye, nuko abigishwa be baramwemera.

Ibyakozwe 9:33

Ahasanga umuntu witwa Eneya, wari umaze imyaka umunani atabyuka, kubera ubumuga.

Ibyakozwe 9:35

Nuko abaturage bose b’i Lida n’abo mu kibaya cya Saroni babibonye, bayoboka Nyagasani.